Lukas 21:34 - Fanawbuid tagsibaliwas Fakayabian

³⁴ “Mafalganani, laman diam gfangkumon ay glanguan ay gafanawa sabaliwa ay famanwanun, aroro kafag menit umdasug kasakit sik abvt nu kasalan.

Lukas 21:34 ပူးပေါင်းရင်းမြစ်များ

Fakasigadan 19:32

Nu katanya, namainum ro ta ta mama sik malangu laman ro galangu maksvn ay namataladan ro ta anya laman ban umke sisian tua ta siginan anya.”

Fakasigadan 19:35

Ay ginanya fag yabi, duksay nadog yay nafalangu at mama ay at arian nanamataladan yangay, ay at kaksvnan at mama nu galangu, wa namatang ay wa nasaful at nafakamulun.

Fakasigadan 27:14

Akub nabul duak kambing at mataglu ay nabuba sat mina, ay Rebeka nafatama kata Isak at fakaylatun.

Alubad. 35:8

Fagidapun nangus umdasug sa anya fagayu gina yud mafalganan. Kanya way ban nangus fagayu at kumsangdaw sat nafasangdawan, ay kanya yangay ban nangus at kumtong sat nalusung.

Fangatulun 21:4

Fakamatungudunun ay fakamaboun, asalanan way. Katanya at mauri fag ngay taw at ngay amatanganan.

Fangatulun 23:20

Lag o gfaning ngay taw taginuman ay at mafangkumon. Kanya fagayu gtiug way gugat, ay umsik ngay yud e kwa ban.

Takamoyung 9:12

Dewa katanya, kanya wa saful te, ginanya nu kadasug at mafalganan fag buknga laman sa anya. Kanya kata way sik manuk tungud kinsangdaw, ay kata at kin-gamat sas fanggamat albon. Kadasug way lang masakit sat mauri fag taw at mauri fag buknga kata nu kagamat sas sangdaw.

Isayas 28:7

Ay dewa katanya, ngay tagfon fanggalangun ay ngay taglong granranugan aroro galangu, ay at ngay amatanganan wa maugali ya. Ay ngay taglong gsalan wan nu gfae masuad at ngay taginfan, ay ngay tagfon fanggalangun wa masine at ngay algan.

Usea 4:11

ay naseg tibak fagsegan. Ngay taw Israel, at bagu ay at dan fag fanlangu gfauri ay ngay amatanganan.

Lebitiku 10:9

“Nusnga sinu am talamean at nanakbo sa ku bale, lag am ginum at malangu fag mamam. Nu nafakamulun wayam takatanya, kabul am. Tuy fag faugali ay fagaloan ban kabavn, anggan ay ngay kasugfunanan.

Mateu 13:22

Ay at kintong fag ngay bvtang sas wa makmak at madugi, kata ngay taw at nadungug Dius at Longan, ay dewa katanya, kanya fagayu gafanawa way at leleg ste swa daga, ay kesug way at fagmaramramanun, ay kanya nafaut at nadungug fag longan, ay wa narawvg.

Markus 13:9

“Mataganani ay sadili, aroro e tumaban ban ayu sas taw Udyu at ngay fagtainan ay e namalang ban ayu sa sangay bale fakafulan, ay nanalubang ban am ngay afud talun at ngay fun sirut ay sat ngay fun at daga salubangan aroro gafanud am sa angku. Ay ginanya ban mafafamoyung am sabaliwa angku.

Markus 4:19

ay dewa katanya, kanya fagayu gafanawa at leleg ste swa daga, ay kesug at fagmaramramanun, ay anggan galabian ramraman, ay kanya nafaut at nadungug fag longan, ay wa narawvg.

Lukas 10:41

Tam Fun nabalus anya te, “Marta, Marta, ngayu am fagafanawaun ay am fagasalaganun.

Lukas 12:40

Nu katanya, anggan am, mafalganani tua. Aroro nu kadasug au, Taw at Baguama, gina way ban am yud gamatangan te, kadasug kwan.”

Lukas 17:3

“Amatangani am fakamulun. Am iba nu e asalanan sa emu, salagi anya. Ay kanya nu gubun tua at asalanan sa emu, alyami tua.

Lukas 21:35

Aroro kanya ban fag menit kadasug sas fagayu taw tagbanwan sas fagdaul daga.

Lukas 21:8

Ay Isus nabalus te, “Mataganani tua laman diam gadayan tibak taw. Aroro ngayu bank taw kadasug ay glong te, ‘Au wan Dius at nafili fag Fun.’ Ay tiba ban ktaw glong te, ‘Katsi wan taguyan fag buknga.’ Dewa katanya, lag ban am gafanud sa kafag ngay taw.

Lukas 8:14

Ay at kintong fag ngay bvtang sas wa makmak at madugi, kata ngay taw at nadungug Dius at Longan, ay dewa katanya, kanya fagayu gafanawa way at leleg ste swa daga, ay kesug way at fagmaramramanun, ay at fakaylatun ste swa daga nafaut at amatanganan, ay at rawvg wa nlesan.

1 Kurintu 5:11

Ku longan fia te, lag am gfadkaylatan ya sik taw taglong te, “Gafanud au sa tam Fun Isus,” ay aroro mangaro gfanugtug way, ay gfanganuran, ay gseg at yud matuyan fag fagsegan, ay glong at mauri sat iba, ay gfanlanguan, ay gfangkamul. Lag am gfasfuan gfangon takatanya fag taw.

1 Kurintu 6:10

ay tagfangkamul, ay tagfanganuran, ay tagalangu gugat, ay tagfauri tibama, ay takamasing, fagayu tagfakamulun takatanya wa ban umful sas Dius at fagfagtainanan.

Galasya 5:20

ay nu gseg at yud matuyan fag ngay fagsegan, ay fagfangufitun, ay fakauriun ay iba, ay fakamawayanun, ay fagfangalabianun, ay fagfangadotamaun, ay fakamasadiliunun, ay fagbadbaboanun, ay faginkafudanun,

Deuterunumyu 29:19

Nusnga sinu ban at nadungug tuy fag famararang, lag ban gamatangan sat sadili te, wa ban umfaurianan dewa gfakamulun at fakaylatun. Aroro takatanya gfadasug way ayu sas faurianan.

Filipus 4:6

Lag am gafanawa nusngewain ay fagayudanun, abat ngate, eti way sas Dius siginan ay darangin gasfuan nu guseganan am.

Ebreu 12:15

Madiriani tua galay am at sadi laman nusnga sinu si ayu di ban natalyuyan Dius at fagmagalangun. Dirii tua laman ban nusnga sinu am diam kata sik menal fag tanum tagtugbung ay tagfaidapan ay tagfauri ngayuk taw.

2 Pedru 3:10

Tam Fun munakbang wan nu kadasug kata sik tagfangkamul. Ay ginanya ban fag menit tam banwa umkalyam gasfuan sik awang daul, ay nusnge wain umkamin sasad afuy, ay nu katanya tam daga ay tam ngay nafakamulun umsaful.

2 Pedru 3:14

Nu katanya, ku ngay fakesugun, kaduge am gfanya, ugatani laman ban kanya nu ndasug ay ugali masine tua ay diam e malong ay manabayan tuam sit daga salubangan.

At Nafasure 3:3

Nu katanya, amatangi tua ay nadungug ay ay fagfaningun fag foyungan. Fakamuluni takatanya fagayu, ay ubuni wan ay fagmauriun. Nu dway am gugat kafulo, umdasug au kata sik tagfangkamul, ay wam saful te, ginain fag lungud menit.

1 Samwel 25:36

Abigail nu nfoli wan sat bale, Nabal anke fagmafulun kata nu sik fun. Nabal guseganan ay galangu. Nu katanya, balabag di ya Abigail nu glong sat mangama sabaliwa Dabid nu namablang anya.