Lukas 21:23 - Fanawbuid tagsibaliwas Fakayabian

²³ Ay ginanya ban fag ngay menit, afanyuan ngay tagfafion ay anggan at ke fagfasusuun, aroro siginans fagidapun daul takadasug ban ste fag talun, Dius at faurianan sa kafag ngay taw.

Lukas 21:23 ပူးပေါင်းရင်းမြစ်များ

Takabalu 4:10

Ay sat kindasug fag faurianan sa ku ngay iba, dewa at mafangesug fag ngay mina nafatama wan at ngay mesa sisian ay naon, aroro maksvn nu kalunus.

Daniel 8:19

Ay kanya nalong te, “Namoyung au emu takafasludan gina ban Dius nafadasug at dotama, aroro kanya nafalganan wan taguyan fag buknga.

Mateu 21:16

Ay kafag ngay taw nainto sas Isus te, “O wo nadungug kafag ngay sisian at longan?” Ay Isus nabalus te, “Sabv. Ay o yam natap te, ‘Dius, nafalganan wo ngay sisian ay sik ngay ngenge tagseg emu’?”

Mateu 21:41

Ay kafag ngay taw nabalus te, “Kanya namabul kafag ngay taw mauri, ay namalaga at tanuman sa tibak taw, laman ban nu nke rawvg, kanya e afud tua.”

Mateu 21:44

Ay nusnga sinu at kumtong sanya fag gang, umrufa, ay nusnga sinu at nafakwanan kafag gang umdudug.”

Mateu 24:19

Ay ginanya ban fag ngay menit, afanyuan ngay tagfafion ay anggan at ke fagfasusuun.

Markus 13:17

Ay ginanya ban fag ngay menit, afanyuan ngay tagfafion ay anggan at ke fagfasusuun.

Lukas 19:27

Nusnga sinu fag taw takauri nu gfunan au, tabani stie ay gfabul au si ku salubangan.’ ”

Lukas 19:43

Aroro umdasug ban sik ngay menit, am ngay fawayan nantungluan namawayan emu, ay nanligung emu, ay kadasug nusnga ndaginan baliwa.

Lukas 23:29

Aroro amatangani, kadasug ban sik ngay menit, tibak taw lumong ban te, ‘Mauseganan tagaranas, ay at yud batang e nafasusu!’

1 Kurintu 7:26

masine sik mangama nu gbanwan kata at kayaunanan, aroro katsi fag ngay menit maksvn nu maidap.

1 Tesalunika 2:16

Kafag ngay taw gsalag nu gfoyung ami at Masine fag Barita sas yud Udyu fag ngay taw laman gsalag kanya fag ngay taw nu kalangfe. Nu katanya, Dius gfaurianan ban anya fagayu aroro fagayu at asalanan maksvn wan nu mauri.

Ebreu 13:16

Ay lag tam kalyam gfakamulun at masine ay ggubuk tam iba aroro kanya wan tam Dius at fagusegananun fag fanggalangun.

Santiagu 5:1

Dungugani, am at ngay maramraman. Waywayi ay sidsiduani, aroro umdasug sa ayu ngayuk mauri.

1 Pedru 4:17

Aroro munakbang wan Dius nu ginsaful taw at asalanan, ay gfasigad sat ngay taw. Ay nu gfasigad ban nu si way antam, tain ban at kumfasludan sat yud gfaning Dius at Masine fag Barita?