Lukas 20:7 - Fanawbuid tagsibaliwas Fakayabian

⁷ Nu katanya, kanya fagayu nabalus Isus te, “Wami saful te, daginan.”

Lukas 20:7 ပူးပေါင်းရင်းမြစ်များ

Isayas 26:11

Yawi, nafalganan wo laman namauri anya, ay dewa katanya, wa nasaful. Yawi, foyungi anya. Faplani anya laman lumag te, se aksvn nu kesug o am ngay taw. Famini wan am ngay tagfawayan siginans afuy.

Isayas 29:14

Nu katanya, gdog kyay nangawat sik madulo fag ngay fakamulun sanya fag ngay taw. Ay umkalyam ban at ke fagsafulun fag ngay taw at nasafulan, ay umkalyam ban tagtogdungug fag ngay taw at fagmatogdungugun.”

Isayas 41:28

Narvbvy au te, o e fagsegan at mafalu, ay kwe nalag. Nusdi sadi we mafabalus ku ngay fagintoun.

Isayas 44:18

Kafag ngay taw wa nasaful at fakamulun. Natabun at ngay mata ay wa glag. Ay natabun yangay at ngay amatanganan ay wa gtogdungug.

Sakaryas 11:15

Yawi gdog yay fia glong angku te, “Nangakata o sik yud e masuad fag tagalaga tupa.

Sakaryas 11:17

Afanyuan at yud matuyan fag tagalaga tupa at fakadasugan aroro kanya nafabayan at fagalagaun fag ngay tupa. Siginan sik fiso at uyup gatvngi kanya at daluap, ay suruti at siun fag mata. Nu katanya, we tungkul ya at daluap at sadi ay at siun fag mata wa glag.”

Lukas 20:6

Ay nu nalong ro tam te, ‘Siginans taw,’ fagayu taw mafana antam gang, aroro kafag ngay taw gafanud te, Uan, Dius fia at taglong at sadi.”

Lukas 20:8

Ay Isus nalong te, “Anggan au, kwa gfoyung ayu te, daginan ku fagmabalyananun ku fagmafafakamulunun takatanya.”

Uan 9:39

Ay Isus glong anya te, “Ku fagindasugun ste swa daga laman nanginsaful au fagayu taw te, o e asalanan, laman at ngay yud glag, glag tua ban, ay at ngay taglag wa ban glag.”

2 Pedru 3:3

Taguna safuli te, sa ban taguyan fag ngay menit kadasug takamalingun fag ngay taw, tagfaning at mauri fag algan.