Lukas 20:47 - Fanawbuid tagsibaliwas Fakayabian

⁴⁷ ay gfamin ngay fagbubayun at ramraman, ay dewa ngaduge nu gdarangin, gfalagan way lang. Kanya ban fagayu mul at maksvn fag faurianan.”

Lukas 20:47 ပူးပေါင်းရင်းမြစ်များ

Esekyel 22:7

Tagbanwan si emu fag ngay taw wa gsuyu ya at ngay fagtainan. Ay tiba gfaidapan ngay taw tagsiginan tibak talun tagbanwan si emu, ay we kafanyu ya ngay fagbubayun ay at yud e ngay fagtainan ya.

Esekyel 33:31

Nu katanya, ku ngay taw gadgaloan sa emu, kata nu kaylat nandungugan emu. Ay aroro mangaro, kanya fagayu wa gfaning am longan. Kafag ngay taw kamuagan te, kesug angku, ay at matuyan at ngay amatanganan galabian way salapi.

Amus 2:7

Kanya fagayu gfaidapan ay wa ggubuk at yud e kwa, ay sanya sik talame nafataladan sik mangena. Nu katanya, nafauri angku.

Mikas 2:2

Ay gago am ay fagalabianun fag ngay daga ay fag ngay bale. Ay kamuag am sa sangay taw laman magbilug am at ngay bale ay at ngay ramraman.

Mikas 2:8

Dewa katanya, gfawayan wayam ku ngay taw at yud e kwa kata sik ngay fawayan. Kanya fagayu nu glong, nu noli tua ro sat furuan siginans fagawayanan, anlangfe wan. Aroro mangaro nangagbilug wayam kafag ngay taw at ngay lanbung.

Mikas 3:2

Dewa katanya, wam gfakamulun at matuyan, ay fakaylatun, at mauri way. Nafaidapan am ku ngay kaiban kata nu nabul am at balat, ay nabul am at ngay faknul siginan at bini ay naramyuk, ay nafatama am ay naon.

Mateu 23:13

“Ida, am fag ngay tagfoyung Muisis at Faugali ay am fag ngay taw Fariseu, ngay takamaningan wayam! Gsalag am fagayu taw laman ban wa manangatap sas Dius at fagfagtainanan. Ay anggan ban am, wam manangatap, aroro gsalag am takaylat nangatap.

Mateu 23:14

“Ida, am fag ngay tagfoyung Muisis at Faugali ay am fag ngay taw Fariseu, ngay takamaningan wayam! Aroro gfamin am ngay fagbubayun at ramraman. Ay kamatungudun am siginan nu gdarangin am tangaba. Nu katanya way ay fakamulun, kaugat yay ban nu gafaurianan am.

Markus 12:40

ay gfamin ngay fagbubayun at ramraman, ay dewa ngaduge nu gdarangin, gfalagan way lang. Kanya ban fagayu mul at maksvn fag faurianan.”

Lukas 12:1

Kadugenya ngayuk libuk taw andasug sas Isus, ay kanya fagayu gsidsikfitan. Ay Isus nalong taguna sat ngay tagadal te, “Lag gfaning taw Fariseu at fakamaninganun, aroro at fakamaninganun kata way sik famabia tinapay.

Lukas 20:46

“Mataganani tua ngay tagfoyung Muisis at Faugali. Kanya fagayu e lanbung at mafilian nusnga nday nu glao, ay gina sis wabilug furuan, kaylat ngay taw nu gseg anya. Ay galay nasas bale fakafulan ay e ngay fagmafulun, kanya fagayu at fakaylatun sa tua at masine fag ngay faglunggungan,

Lukas 21:1

Isus gulit at maramraman fag ngay taw nu gsuad at fanggalangun fag salapi sas fagsuadan.

1 Tesalunika 2:5

Saful wam te, em fakamoyungun bundi siginans famaylatan fag longan ay bundi siginans famuagan fag foyungan laman kae ramraman ami. Dius wan tagfatuyan takatanya.

Titu 1:16

ay glong te, “Toglag wami Dius.” Dewa katanya, we famatuyan sit fakamulun, ay maksvn nu mauri ay kamabo ay fagayu at fakamulun we masine.

Santiagu 3:1

Ku ngay faduksay, lag am ngayu takaylat nangasik takamoyung aroro nasaful wam te, Dius ban nu ginsaful emi fag ngay takamoyung, aksvn yap tua nu ginsaful tibak taw at asalanan.