Lukas 20:24 - Fanawbuid tagsibaliwas Fakayabian

²⁴ “Falagi angku sik salapi. Sinu at ke aninu ay at ke ngayan at marirukan ste fag salapi?” Ay kafag ngay taw nabalus te, “Talun Ruma at fun.”

Lukas 20:24 ပူးပေါင်းရင်းမြစ်များ

Mateu 18:28

“Ay kanya fag fagsuguan nalo wan, ay kaduge glao, kanya nalag yangay sik fagsuguan at ke bedan sa anya. At bedan sik sandank salapi. Ay at nafabedan fag fagsuguan nagamat ay gfasnul anya ay glong te, ‘Bayadi wan am bedan!’

Mateu 20:2

Ay nu nalag wan, nadiuganan te, gfon at kasakan fag famayad sik menit at nainlufuyan. Ay kanya nasugu kafag ngay taw sat tanuman.

Mateu 22:20

Ay Isus nainto anya te, “Sinu at ke aninu ay at ke ngayan at marirukan ste fag salapi?”

Markus 12:16

Ay kanya fagayu nafon sik salapi. Ay Isus nainto te, “Sinu at ke aninu ay at ke ngayan at marirukan ste fag salapi?” Ay kafag ngay taw nabalus te, “Talun Ruma at fun.”

Lukas 2:1

Ginanya fag buknga, tagfunan sis Ruma, Augustus. Kanya nasugu laman nanginsaful nu seyu at fagfanggunaun fag ngay taw.

Lukas 20:22

O gfaning manga tam tam faugali nu gfon tam famayad sas talun Ruma at fun, o mannga duan?”

Lukas 20:23

Ay Isus nasaful at fakamaninganun ay nalong anya te,

Lukas 20:25

Ay Isus nalong anya te, “Nu katanya, foni sas talun Ruma at fun, anya mandi at afud. Ay foni sas Dius, Dius mandi at afud.”

Lukas 23:2

Ay kanya fagayu gfasigad gfoyung at ngay fantabugan te, “Nalag ami tuy fag taw nu gfae asalanan tam ngay taw. Ay kanya gsalag emi nu gfon ami famayad sas talun Ruma at fun, ay nalong te, ‘Au wan sik fun, Dius at nafili.’ ”

Lukas 3:1

Gina sis falabi limak banwa Tiberiu, talun Ruma at fun, nu gfunan, Dius naringang sas Uan, Sakaryas at baguama, gina kanya sis talun at yud e taw. Ginanya, Punsyu Pilatu at fun sirut sis Udea, ay Erudes gfunan sis Galilea, ay at faduksay Felipe gfunan sis Iturea ay sis Trakunitis, ay Lisanyas gfunan sis Abilinya. Ay ginanya at fun tagfon fanggalangun, Anas ay Kayfas.

Fakamulun 11:28

Ay Agabu fag taglong galo yangay. Ay siginan at Masine fag Falad at fagmabalyananun kanya anlindug ay gfoyung sa sangay taw Antiukya te, kadasug ban sik maksvn fag fanlunus sas fagdaul daga. Anfasludan takatanya gina Klaudyu gfunan.

Fakamulun 26:32

Ay Agripa nalong sas Festu te, “Kafag taw yaman nafadasug at mamalong sas talun Ruma at fun, satu ro gfalfas watam anya.”

Filipus 4:22

Ay tam ngay faduksay tagste, kaugat wan at ngay taggubuk sis talun Ruma at fun at bale daul, glong yangay te, O manabayan tuam?