Lukas 20:20 - Fanawbuid tagsibaliwas Fakayabian

²⁰ Ngay tagfoyung Muisis at Faugali ay ngay tagfon fanggalangun naulit Isus at fakamulun, ay nasugu at ngay fagsuguan laman nandaya kata nu kaylat gdungugan. At fakaylatun fia namae asalanan Isus sit longan, ay namagamatan sat fun.

Lukas 20:20 ပူးပေါင်းရင်းမြစ်များ

2 Samwel 14:2

Nu katanya, kanya nafauro siginans Tekwa sik fagbubayun ke fagsafulun. Kanya fag mangena nu ndasug, Uab nalong anya te, “Falganani ay loi sas fun, ay namalag o sa anya te, kabalu o. Nansulun o sik lanbung tagfasaful te, kabalu o, ay lag o gfasine am buk ay lag grarus at mabebanglu fag langis, ay loi sa anya kata sik taglugo wan nu kabalu.

Alubad. 38:12

Ngay taw tagyafabulun angku gfasangdawan laman ggamat angku. Ay fagayu takaylat gfauri angku gkamatoan sabaliwa nu gfalyam angku. Ay fagngabak menit, kanya fagayu e algan laman nandaya angku.

Alubad. 66:3

Fagayu am, longi sas Dius te, “Am ngay fakamulun maksvn nu madulo! Siginan am fagmabalyananun, am ngay fawayan grungan kalimu emu.

Alubad. 81:15

Fagayu takauri angku gtudan kalimu sa ku daga salubangan. Ay kabavn ban kanya fagayu gafaurianan.

Eremyas 11:19

Kanya fagayu nu gamatangan angku kata kway sik fagfabulun fag tupa ay kwa saful te, mauri at algan. Kanya fagayu glong te, “Gfabul watam anya, kata nu gfuan sik fun kayu tangayu at rawvg, ay laman ban umkalyam wan ay we gamatang ya anya sas fagdaul daga.”

Eremyas 18:18

Sanya ginan, ngay taw glong sat ngay kaiban te, “Gewan, gbalyawvtan watam laman namaragang tam Eremyas! E ngay tagfon fanggalangun yangay si antam, tagfoyung sa antam ngay suguan, ay e mamatanganan yangay fag ngay taw si antam, ay e ngay taglong yangay tam tagfoyung Yawi at longan. Nu katanya, kawat tam sik ngay mamalong laman sas Eremyas ay lag tam gdungugan ya at ngay longan.”

Eremyas 20:10

Nadungug au kafag ngay taw nu ginasan gfalingun angku. Ay kanya fagayu glong kata ku longan te, “Malimu takadasug sa antam!” Ay glong yangay fia te, “Gewan, katsi wan at buknga nu namasud tam Eremyas.” Anggan ku ngay fagadgalangan gfanya nu kafaurianan au. Kanya fagayu glong te, “Bangaran ro manandaya tua tam anya. Nu nfasludan tua ban takatanya, nababo tam ay mafasud anya.”

Daniel 6:4

Ay Daniel at ufud fagdua ay kafag ngay fun ayu sirut maksvn nu galabian anya. Nu katanya, kanya fagayu grvbvy Daniel at fakamulun at yud kasakan laman at fanlonganan sabaliwa anya. Dewa katanya, kanya fagayu we nalag Daniel at kakurangan aroro matuyan tua ay sik fagfatigwanan.

Mateu 27:2

Ay kanya fagayu nasugu laman gsiuk Isus ay gtaban sas fun Pilatu.

Markus 3:2

Ay tibak taw gulit, laman sumaful te, o Isus ro gfafia gina Famiangalay fag Menit, aroro at algan kaylat namoyung sa tibak taw te, Isus e asalanan.

Lukas 11:54

aroro grvbvy at balyawvtan laman magamat anya siginan at longan.

Lukas 20:21

Ay kafag ngay fagsuguan nainto sas Isus te, “Takamoyung, saful ami te, matuyan am foyungan, ay gsudsudan am foyungan sas fagayu taw, ay di o e fagfili nusnga sinu fag taw, ay matuyan nu gfoyung o Dius at fakaylatun.

Lukas 20:26

Ay kanya fag ngay taw wa mafae asalanan Isus sit longan sa sangay taw at daga salubangan. Ay kanya fagayu andulo nu nadungug Isus at famalus, ay anragang nu ginto anya.

2 Pedru 2:3

Ay kafag ngay taw gdaya ban ayu siginan at ngay fakamuagun, aroro galabian salapi. Ngaduge wan faurianan nu mafalganan sa kafag ngay taw, ay munakbang wan kanya fagayu nu kamin.