Lukas 20:14 - Fanawbuid tagsibaliwas Fakayabian

¹⁴ “Ay kanya fag ngay tagalaga nu nalag kafag baguama, gkamatoan te, ‘Kadasug wan at nangagbilug at mama at daga. Namabul watam anya, laman ban itam wan tagagbilug at daga.’

Lukas 20:14 ပူးပေါင်းရင်းမြစ်များ

Alubad. 2:8

Eti sa angku, ay gfon au emu ngay talun sas fagdaul daga, laman am fagnangagbilugun ban.

Alubad. 89:27

Gtuyan au sa anya te, sia wan ku baguama taguna, ay tagtungud ngay fun nu mabalyanan.

Mateu 16:7

Ay at ngay tagadal gkamatoan sit dayu te, “Isus at fagnalongun katanya aroro wa tam namatang gbuba fakonun.”

Mateu 21:25

Ginto au ayu te, Uan at fagfasurungun taw, o at fakamulun siginans banwa, o mannga siginans taw?” Ay kanya fag ngay taw gkamatoan sit dayu te, “Nu nalong ro tam te, ‘Siginans banwa,’ kanya ro gbalus antam te, ‘Wain ay fagyudun gafanud Uan at longan?’

Mateu 21:34

Ay at ngay rawvg nu gakalesanun wan, tagagbilug nasugu tiba at fagsuguan sa sangay tagalaga at tanuman laman namul at afud.

Lukas 19:47

Fagayu menit Isus gfoyung sis Dius at bale. Ay ngay fun tagfon fanggalangun ay ngay tagfoyung Muisis at Faugali, ay anggan tagfangguna ngay taw, narvbvy te, tain ban nu namabul anya.

Lukas 20:13

Ay tagagbilug tanuman gamatangan te, ‘Tain ban ku fakamulun? Nansugu au ku fakesugun ku baguama. Bangaran ban kanya fag ngay tagalaga gsuyu tua anya.’

Lukas 20:15

Ay at ngay tagalaga nataban kafag baguama sas day tanuman ay nafabul anya. Tain ban tagagbilug kafag tanuman at fakamulun?

Lukas 20:19

Ay arodi ngay tagfoyung Muisis at Faugali ay ngay fun tagfon fanggalangun gananggamatun Isus, aroro kanya fagayu nasaful te, Isus at faydayuanan at fagfatungulan sa wa anya fagayu. Ay dewa katanya, kanya fagayu kalimu ngay taw.

Lukas 20:5

Ay kanya fag ngay taw Udyu gkamatoan sit dayu te, “Nu nalong ro tam te, ‘Siginans banwa,’ kanya ro gbalus antam te, ‘Wain ay fagyudun gafanud Uan at longan?’

Lukas 22:2

Ay ngay fun tagfon fanggalangun ay ngay tagfoyung Muisis at Faugali grvbvy sik balyawvtan laman namabul Isus, aroro kanya fag ngay fagtainan kalimu ngay taw.

Fakamulun 2:23

Dius nafon sa ayu kanya fag taw kata at algan, dewa katanya, nafabul am anya siginan nu gsugu am at mauri fag ngay taw laman nantuktuk anya sas fasulungan kayu.

Fakamulun 3:15

Ay nafabul am tagagbilug tam leleg. Dewa katanya, Dius nafadog yay nafaleleg anya, ay mafatuyan ami sabaliwa anya.

Ruma 8:17

Ay aroro Dius tua tam at ngay sisian, nangagbilug yangay ban tam Dius at nafalganan sat ngay taw gasfuan tam Fun Isus. At masine nu gagwantan yangay tam kata anya ebi, laman nangagbilug ban tam at fagmasineun.

Ebreu 1:2

Ay katsi, taguyan fag ngay menit, kanya naringang sa antam siginan at Baguama. Ay siginan yangay at Baguama Dius nawat fagdaul daga ay nafili anya laman tagagbilug fagayu nusnge wain.