Lukas 20:10 - Fanawbuid tagsibaliwas Fakayabian

¹⁰ Ay abandi, at tanuman at rawvg nu nlesan wan, kanya nasugu at fagsuguan at sadi sa sangay tagalaga at tanuman laman namul at afud. Ay kafag ngay tagalaga nafalang kanya fag fagsuguan ay naiyan we buba.

Lukas 20:10 ပူးပေါင်းရင်းမြစ်များ

1 Fun 22:24

Ay Sedekya, Kenaana at baguama, ankakbang sas Mikaya ay nafalang sit fingi ay nalong te, “Setain nu malong o te, Yawi at falad nalao siginan angku, ay nanamakamatoan emu?”

2 Fun 17:13

Yawi nasugu at ngay taglong laman namararang sa sangay taw Israel ay sa sangay taw Uda te, “Faragangi wan nu gfakamulun am at mauri, ay faningi ku ngay suguan ay ku ngay foyungan tagsi ku Faugali ku nafoyung sa ay ngay mangaguyang, ku nafon sa ayu siginan ku ngay fagsuguan fag ngay taglong.”

1 Krunika 19:4

Nu katanya, Kanun nasugu sat ngay fagsuguan te, “Gamati Dabid at ngay fagsuguan.” Ay kanya fagayu nagamat ay naufo at ngay umi ay nagirat at ngay lanbung siginan at fagwan sat daga baliwa ay nafauli wan.

2 Krunika 16:10

Nu katanya, fun Asa andotama maksvn kafag taglong ay nafaubung. Ay siginan yangay ginanya Asa nafasigad nafaidapan at ngay taw tiba.

Nemyas 9:26

“Dewa katanya, kanya fagayu kamabo yay gugat ay gasalanan sa emu. Ay natalyuyan am ngay suguan, ay nafabul am ngay taglong takaylat kafoli sa emu, ay maksvn nu kauri emu.

Nemyas 9:30

Dewa katanya, aroro mafangesug tuo, nagwantan tuo ngayuk banwa, ay am Falad nafoyung anya siginan am ngay taglong. Dewa katanya, kanya fagayu wa gfaning, ay nafabayan wo anya fagayu laman gababawan sit ligung fag ngay talun at taw.

Alubad. 1:3

At matuyan fag taw kata sik fun kayu tagsis tigyangan liskung, tagrawvg tua gina fanrawvgan fag buknga ay at ngay don di kalangke. Ay nusnga setaw at fagnamakamulunun kafasludan tua.

Eremyas 2:30

Nafauri koma ay ngay sisian, dewa katanya, wa naubun at fagmauriun, ay wa nafayfoyung. Ay nafabul wam ay ngay taglong, kata sik liun takalunus nu gfabul.

Eremyas 20:2

kanya nasugu te, falangi Eremyas ay ubungi sis Yawi at bale, si sik sakbawan at nafangayan te, Benamin at sakbawan.

Eremyas 35:15

siginan ku ngay taglong. Ay ku ngay fagsuguan fag ngay taglong dewa glong gugat ayu te, “Ubuni wan ay ngay ugali at mauri, ay tubusi wan ay famanwanun, ay lag gseg ya sa tibak fagsegan, laman ban gbanwan tuam gugat si ku nafon sa ayu fag daga,” wam gafanud ay gfaning angku.

Eremyas 5:24

Ay at ngay longan wa siginan at ngay amatanganan, kanya fagayu dewa glong fia te, ‘Gseg watam Yawi tam Dius, tagfon antam arak gina abagat, ay tagfon antam ngay rawvg gina fanggutluan.’

Lukas 13:34

“Erusalem, Erusalem, o wan tagfana gang ay tagfabul Dius at nasugu sa emu fag ngay taglong. Ngayu ginan koma namaful fagayu am taw, kata sik fanginan nu gfaful at ngay riangan sat daga fakfak, ay wo kaylat.

Lukas 20:11

Ay tagagbilug nasugu tiba at fagsuguan. Ay at ngay tagalaga nafalang ay nafalingun ay naiyan we buba.

Lukas 20:9

Isus gfasigad gfoyung sanya fag ngay taw tuy fag faydayuanan. Glong te, “Sik taw natanum sik ngay wat ubas sit daga. Ay kanya nafaalaga at tanuman sa sik ngay tagalaga ay nalo sa tangayayu fag talun ay glugo tua ban nu gbanwan sanya.

Uan 15:16

Bunwam at nafili angku, nu bunway nafili au ayu laman glo am ay grawvg am, ay laman ay rawvg gbanwan kabavn. Ay ku Mama namon ayu nusnge wain ay fagetun sa ku ngayan.

Ruma 7:4

Ku ngay faduksay, katanya yangay am. Siginan tam Fun Isus at nabulanan, anbul wam sabaliwas Muisis at Faugali, ay ansadi tuam sas Isus, kanya at nadog naleleg siginans at fagmabulanan. Fakatanyaun, laman e tungkul tuam sas Dius.