Lukas 2:40 - Fanawbuid tagsibaliwas Fakayabian

⁴⁰ Ay at sisian an-gurang ay anbitsug, ay ngayu at fagsafulun, ay Dius ggubuk anya.

Lukas 2:40 ပူးပေါင်းရင်းမြစ်များ

Alubad. 22:9

Dewa katanya, nadiri tuo angku ebi gina au kasalug, ay siginan nu gsusu au, nadiri tuo angku.

Alubad. 45:2

Mesug fag fun, o wan at maseganama sas fagayu mangama. Am ngay longan e fanggubukun tua sat nadungug. Ay kabavn Dius ggubuk tua gugat emu.

Lukas 1:80

Ay kafag sisian an-gurang wan ay anbitsug at amatanganan, ay kanya nanamanwan sas talun at yud e taw yakmay namoyung wan sa sangay taw Israel.

Lukas 2:47

Ay fagayu at nadungug andulo Isus at fagsafulun ay at ngay famalus.

Lukas 2:52

Isus anbia wan ay ngayu at fagsafulun. Ay Dius, anggan ngay taw guseganan anya.

Uan 1:14

Ay kafag Longan ansik taw ay nabanwan magamut antam. Ay nalag ami at fagmasineun. Kanya Dius at mafilian fag Baguama. Ay kanya andasug siginan at Mama, mapnu fag fagmagalangun ay fag fagmatuyanun.

Fakamulun 4:33

Ay at ngay nasugu e fagmabalyananun ay gfataglayun nu gfoyung sabaliwa tam Fun Isus nu gdog gleleg. Nu katanya, Dius nafon fagmagalangun sa sangay tagafanud,

Efesu 6:10

Ay sas fakatabuan ku longan, maksvni tua nu masadi am sa tam Fun ay siginan at fagmabalyananun at gubuk.

2 Timuteu 2:1

Ay o, ku sisian Timuteu, maksvni tua am amatanganan siginan tam Fun Isus at gubuk sa emu.

Tagfangguna 13:24

Andasug wan at buknga Manwa at mangena nu gfasalug. Ay kanya nafasalug sik munama ay nafangayan anya te, Samsun. Kaduge kafag munama kagurang, Yawi ggubuk tua anya.

1 Samwel 2:18

Ginanya, Samwel dewa sisian yay, gfakamulun wan sas Yawi. Kanya galanbungan at mafilian fag lanbung at mawatan siginan at masine fag ramit kata sik tagfon fanggalangun.

1 Samwel 2:21

Yawi kafanyu tua Ana. Nu katanya, Ana anke sisian yay tuluk munama ay duak munina, kaduge Samwel kagurang ay gfakamulun sis Yawi at bale.

1 Samwel 2:26

Ay kaduge Samwel kagurang, Yawi ay anggan ngay taw guseganan tua anya.

1 Samwel 3:19

Samwel kaduge kagurang, Yawi gufud tua anya ay nafafasludan Samwel at ngay longan fagayu.