Lukas 2:4 - Fanawbuid tagsibaliwas Fakayabian

⁴ Ay Use nalao siginans furuan Nasaret sis talun Galilea, sas Betleem, fun Dabid at furuan sis talun Udea. Aroro Use, siginan fun Dabid at kasugfunanan.

Lukas 2:4 ပူးပေါင်းရင်းမြစ်များ

Fakasigadan 35:19

Rakel anbul wan, ay Akub nanamoli wan anya sas tigyangan dalan tagsas Efrata (at ngayan katsi, Betleem.)

Fakasigadan 48:7

“Namatang au am mina nu kabul. Ginanya siginan amis Padan-Aram ay nangadasug ami sas talun Kanaan. Ay gina am mina kabul munakbang wami sis Efrata, nu katanya, nanamoli au anya sas tigyangan dalan tagsas Efrata.” (Efrata at ngayan yangay te, Betleem.)

Mikas 5:2

Yawi nalong te, “Betleem Efrata, dewa o sik talay way fag furuan sis talun Uda, siginan ban emu, sik taw at namakamulun sa angku laman at namangguna taw Israel. Aroro at ngay mangaguyang sik takadungug siginan ebi.”

Mateu 1:20

Ay gina Use namatangan katanya, tam Fun at tagbarita at sadi ansure sa anya sit taginfan ay glong te, “Use, fun Dabid at kasugfunanan, lag kalimu nangadadwa sas Maria, am bubay ban, aroro at fagfafionun siginan at Masine fag Falad.

Mateu 2:23

Ay talanan nu ndasug wa sanya, namanwan sa sik furuan at ngayan Nasaret, laman namafasludan Dius at ngay taglong ebi at longan te, “E gfangayan ban anya sik taw Nasaret.”

Lukas 2:3

Nu katanya, ngay taw noli sat ngay mesa furuan laman namariruk at ngay ngayan.

Lukas 2:5

Use nalo gadgaloan at bubay ban Maria, laman namariruk. Ay ginanya, Maria gafasalugun wan.

Lukas 4:16

Sanya ginan, Isus noli wan sas furuan Nasaret sat talun ebi gina munama yay, ay nasakbo sas bale fakafulan sis Famiangalay fag Menit, kata at ugali. Ay Isus namalindug, laman gtap Dius at Rirukan.

Uan 1:46

Natanael ginto te, “O nunda e batang kadasug at masine siginans Nasaret?” Felipe nabalus te, “Wainyayo, nandamai.”

Uan 7:42

O nunda at marirukan sis Dius at Longan wa glong te, Dius at nafili fag Fun siginan ban fun Dabid at kasugfunanan, ay siginans Betleem, Dabid at furuan?”

Rut 1:19

Ay kanya fag dua nafataglayun nu glao ay andasug sas Betleem sis talun Uda. Ay fagayu taw tagbanwan sanya kadulo. Ay tagsanya fag ngay mangena gidgintoan te, “O atsi Nuemi?”

Rut 2:4

Ginanya fag buknga, Buas siginans Betleem ay nasat gamasun, ay kanya nalong sat ngay taggutlu te, “Yawi nangus sumawa fia ayu.” Ay at ngay taggutlu gbalus te, “Suma yangay nangus fia emu.”

Rut 4:11

Ngay fagtainan sis furuan ay fagayu taw at malindug sis sakbawan furuan gbalus te, “Kin, ami wan tagfatuyan. Nangus ban am bubay umke ngay sisian kata Yawi at nafakamulun sas Rakel ay Lia at kin-ke ngay sisian, ngay taw Israel at fagsigadan. Ay o Buas, nangus umsik maramraman o sis Efrata ay umsik takadungug sis Betleem.

Rut 4:17

Ay Nuemi at ngay fasabale mangena glong te, Nuemi e fufu sik munama! Ay nafangayan kafag munama te, Ubed. Ay Ubed nu nbia wan, nafamubay ay anke sisian ay nafangayan te, Ese. Ay Ese nu nbia wan, nafamubay yangay ay anke sisian ay nafangayan te, Dabid.

1 Samwel 16:1

Ginanya, Yawi nalong sas Samwel te, “Seduge tua ban nu kabalu o at kinfasludan sas Saul? Kwa kaylat ya anya nu gfunan. Katsi ro, namapnu o langis sas sunge fag fagsuadan ay loi sas Ese sas furuan Betleem aroro nafili au at baguama at sadi laman sik fun.”

1 Samwel 16:4

Ay Samwel nafaning Yawi at suguan. Kanya nu ndasug sas Betleem, ngay fagtainan sis furuan nafablang anya gtadtaruyan kalimu ay nainto te, “O am fagnasteun sa tua baliwas fagmanabayanun?”

1 Samwel 17:12

Ay ginanya fag buknga, e sik taw gbanwan sis Betleem sis talun Uda at ngayan Ese, sik taw Efrata. Ay Ese mafufuama wan ay at baguama walu, ay at ngenge at ngayan Dabid.

1 Samwel 17:58

Ay Dabid nu ndasug wan, Saul ginto anya te, “Sinu am mama?” Dabid gbalus te, “Ku mama Ese tagbanwan sis Betleem.”

1 Samwel 20:6

Ay am mama nu narvbvy way angku, longi te, ‘Nafararang au sa emu te, guli kyay sas Betleem laman namasfuan ku ngay kalongan nu namon fanggalangun sas Yawi kata ebi ginan em fakamulun.’