Lukas 2:37 - Fanawbuid tagsibaliwas Fakayabian

³⁷ ay abandi kanya ansik fagbubayun. Ginanya, Ana at banwa waluk safulu e ufat. Ay kanya si gugats Dius at bale, ay gseg Dius kayu menit ay yabi ay wa gfangon laman gdarangin.

Lukas 2:37 ပူးပေါင်းရင်းမြစ်များ

Alubad. 22:2

Ku Dius, guro koma gugat emu, ay wo gbalus angku, nu katanya, kwa manabayan ya.

Alubad. 23:6

Yawi, anud, kaduge kban gleleg, am fakesugun ay am fagmasineun si tua ban gugat angku. Ay kabavn ban gbanwan au sim bale.

Alubad. 27:4

Yawi, get au sa emu te, kaduge kban gleleg aylati nu namanwan au sa emu, laman lumag au fia am fagmasineun, ay gamatangan ktua fia sa emu.

Alubad. 84:10

Dewa sik menit way nu gbanwan au sim bale, amanabayan yap tua nu sik libuk menit nu gbanwan au si sik masine fag bale. Dius, kaylat kway dewa au sik tagluang wayam bale at sakbawan, abat ngate, manabayan nu gbanwan au sit mauri fag ngay taw at bale.

Alubad. 84:4

Mauseganan ngay taw tagbanwan sim bale; kabavn kanya fagayu gseg emu.

Alubad. 92:13

Kanya fagayu kata yangay sik ngay fun kayu tagtugbung sis Yawi tam Dius at bale.

Nu Galin 38:8

Besalel nawat yangay tagbia fag fagsuadan fagfegusan ay anggan at ngay fagfatungkudan at fangawat tansu. Ngay mangena tagfakamulun sis Yawi at sakbawan bale nafon tua at ngay salaming laman fangawat kafag ngay fagagbilugun.

Lukas 5:33

Taw Fariseu ay tagfoyung Muisis at Faugali nalong sas Isus te, “Uan at ngay tagadal ngayu ginan nu yud gfangon laman gdarangin. Ay katanya yangay taw Fariseu at ngay tagadal. Ay emu, am ngay tagadal gfangon way gugat ay ginum way gugat.”

Fakamulun 13:3

Ay kanya fagayu nu ntabu nu yud gfangon laman gdarangin, nafatayuk at ngay daluap sas duama, laman gfalag te, sik nafili, ay sanya ginan, nafalao wan.

Fakamulun 14:23

Sanya ginan, Pablu ay Bernabe nafili ngay fagtainan sa sangay furuan. Ay duama nadarangin yud gfangon laman gdarangin kafag ngay taw at bagu gafanud sa tam Fun, laman gfatigwanan anya fagayu.

Fakamulun 26:7

Ay kanya yangay fag fatuyanan tam mangaguyang fag labi duak gaban at fagsegun ay maksvn daul kanya nu gseg Dius kayu menit ay yabi. Fun Agripa, kanya yangay ngay taw Udyu at fagfantabuganun sa baliwa angku.

1 Timuteu 5:5

At matuyan fia fag fagbubayun, at yud e kalongan ya, ay siginan way langs Dius at fagsegun, ay kanya gdarangin kayu menit ay yabi laman get gubuk sas Dius.

At Nafasure 3:12

Nusnga sinu tua ban at nababo, namakata kban sik turuk si ku Dius at bale. Ay kabavn ban kanya wa galin ya sanya ginan. Griruk kban si anya ku Dius at ngayan, ay ku Dius at furuan at ngayan, at bagu fag Erusalem takadaga siginans banwa siginan ku Dius. Ay griruk kyangay ban si anya ku ngayan at bagu.

At Nafasure 7:15

Kanya wan kafag ngay taw at fagsiuns salubangan Dius at faglunggungan ay at fagfakamulunun fagayu menit ay fagayu yabi sis Dius at bale. Ay at malunggung wan sis faglunggungan tagalaga kafag ngay taw.

1 Samwel 2:2

Yawi way lang at yud e malong. We mafasud anya. We tibak fagsarigan at mafasud Dius.