Lukas 2:32 - Fanawbuid tagsibaliwas Fakayabian

³² Ay kanya ban sik salung sas yud Udyu fag ngay taw at yud yay natoglag emu, ay sik fagmasineun sa am ngay taw Israel.”

Lukas 2:32 ပူးပေါင်းရင်းမြစ်များ

Alubad. 85:9

Anud, kanya mafalganan gugat gfalangfe fagayu tagsuyu anya, laman gfalag te, at fagmabalyananun si tua antam ay si tam talun.

Isayas 11:10

Ginanya ban fag menit, kafag fun tagsiginans Dabid at kasugfunanan umkata sik famasaful fag ramit sa sangay talun at ngay taw, laman fagayu taw umful sa anya, ay at fagbanwanan fag talun umsik takadungug.

Isayas 4:2

Dewa katanya, ginanya ban fag buknga, Yawi gdog yay namasine ay namarabung fagayu fananumun sis Israel, ay at ngay gutluan ban gfae fagusegananun ay gfae fagfanagsagun sat kinsawad fag ngay taw Israel.

Isayas 45:25

Yawi gtap Israel at ngay kasugfunanan te, yud e asalanan, ay kanya ban fagayu sumeg anya.

Isayas 49:6

Kanya nalong te, “Ku fagsuguan, namafoli o ku nafasawad fag ngay taw Israel, ay saman wa kanya, ngayu yay ban ku fagnamakamulunun sa emu. Namakata kban emu sik salung sas fagayu talun at taw laman fagayu taw sas fagdaul daga umlangfe.”

Isayas 49:9

Foyungi ban sat ngay natabanan fag ngay taw Israel, ay sat kinkubung sasad madulum te, ‘Duksuni wan! Nalfas wam!’ Ay kanya ban kata sik ngay tupa tagfangonan sa sangaba dalan, ay sa sangay buksul ebi at yud e gtugbung.

Isayas 51:4

Ku ngay taw, dungugani angku. Ku talun at ngay taw, dungugani angku. Namon au ayu ku ngay suguan, ay kanya umkata sik salung sas fagayu talun at taw.

Isayas 60:19

Bunwa ban menit ya tagyamag emu gina swa menit, ay bunwa ban magdanun ya tagyamag emu sisad yabi, aroro au wan Yawi tagyamag emu kabavn. Au wan Dius tagfon emu fagmayamagun.

Isayas 9:2

Ngay taw tagbanwan sisad fagmadulumun lumag ban sik maksvn fag fagmayamagun. Ay fagayu tagbanwan sanya gadamlagan.

Eremyas 2:11

O nunda tibak talun at taw natubus at ngay fagsegan deyud matuyan? Au wan at mabalyanan fag Dius, dewa katanya, ku ngay taw naseg wan tibak fagsegan abat ngate gseg angku.

Sakaryas 2:5

Yawi nalong te, ‘Au ban sik dingding alad afuy sas furuan Erusalem, ay au yangay ban tagfae fagmasuloun kafag furuan.’ ”

Mateu 4:16

At ngay malunggung sisad madulum nalag sik fagmayamagun daul. Ay tiba at malunggung sas fakabulun fag talun ay sis fakabulun at lanbung ansure yangay sa anya sik fagmayamagun.”

Lukas 2:10

Ay kanya fag tagbarita nalong te, “Lag kalimu, aroro gfoyung au sa ayu at masine fag barita, sik fagusegananun umdasug ban sas fagayu taw.

Lukas 2:31

aroro siginan ebi nafalganan wo anya laman sas fagayu taw,

Fakamulun 26:23

Dius at nafili fag Fun nanginkidapan ban ay kanya ban taguna at nadog naleleg siginan at fagmabulanan, laman gfoyung ay gfayamag fakalangfean sas taw Udyu ay anggan sas yud Udyu fag ngay taw.”

Fakamulun 28:28

Ay Pablu nalong yay fia te, “Kaylat au gfasaful sa ayu te, tuy fag barita sa baliwa tam Dius nu gfalangfe, at yud Udyu fag ngay taw nadungug wan, ay kanya fagayu gdungugan mandi.”

1 Kurintu 1:31

Nu katanya, faningi at Rirukan te, “Nusnga sinu takaylat kamatungudun, at fakamatungudunun sai tua baliwa tam Fun.”

At Nafasure 21:23

Ay kafag furuan wa gayudan ya menit ay magdanun at yamag, aroro Dius wan at fagmasineun tagyamag sanya, ay at salung Tupa Riangan wan.