Lukas 2:25 - Fanawbuid tagsibaliwas Fakayabian

²⁵ Sis Erusalem e sik taw at ngayan Simyun. Kanya sik matuyan fag taw ay gafanud sas Dius, ay at Masine fag Falad si yangay anya. Ay kanya mafanyan tua gugat ngay taw Israel at tagfalangfe nu kadasug.

Lukas 2:25 ပူးပေါင်းရင်းမြစ်များ

Fakasigadan 6:9

Katatuy at fansulitan sabaliwas Nui talanan. Nui sik matuyan fag taw. Ay ginanya fag ngay buknga, sia way lang at yud e kalong, ay at masadi gugat sas Dius.

Ub 1:1

E sik mangama tagbanwan sis talun Us at ngayan Ub. At ugali matuyan ay kalimu tua Dius, ay gsaruy tua at mauri.

Ub 1:8

Ay Yawi ginto sas Satanas te, “O nalag o ku fagsuguan Ub? Fagayu taw sas fagdaul daga we kaksvn anya, aroro at ugali masine tua ay matuyan, ay gfaning tua angku ay gsaruy fagmauriun.”

Isayas 25:9

Ay nu nfasludan waban takatanya, at ngay taw lumong te, “Kanya wan tam Dius! Nafanud tam sa anya, ay nafalangfe antam. Kanya wan Yawi ay nafanud tam sa anya. Guseganan watam ay gseg anya, aroro kanya nafalangfe antam.”

Isayas 40:1

Dius nalong te, “Fasuni ku ngay taw.

Mikas 6:8

Mikas gbalus te, “Yawi nafoyung wan sa antam at masine. Katatuy at fakaylatun tam fakamulun: Fakamuluni at matuyan, afanyui tam ngay iba, ay ugalii famababauni sas Dius.”

Tap 11:25

Sanya ginan, Yawi ndaga gfasfuan linyabu ay nafakamatoan Muisis. Ay kanya nabul siginans Muisis tiba at fagmabalyananun ay nafon sa kafag fituk safuluk tagfangguna. Ay kanya fagayu nu nke fagmabalyananun wan, naringang kata ngay taglong nu garingang, dewa katanya, ginanya way lang nu maringang takatanya.

Tap 11:29

Ay Muisis nabalus anya te, “Ay wain, o kauri wo daul takatatuy nu gfangguna au? Ngap karo nu au di at mafaning, kaylat kwa ro Yawi nu gfae fagmabalyananun at ngay taw fagayu, laman mafoyung kata sik ngay taglong.”

Markus 15:43

Use tagsiginans Arimatea, nafaksvn at amatanganan laman nanget sas Pilatu Isus at bilug. Ngay taw gsuyu tua anya, ay kanya sik tagfangguna yangay sa sangay taw Udyu. Kanya gfanya Dius nu gfagtainan.

Lukas 1:41

Ay Elisabet nu nadungug Maria at aringang, at fafionan maksvn nu gfanleleg, ay at Masine fag Falad antayuk sas Elisabet.

Lukas 1:6

Kafag dadwa matuyan tua sas Dius at daga salubangan, ay gfaning tam Fun at ngay longan ay at ngay faugali.

Lukas 1:67

At Masine fag Falad antayuk sas Sakaryas, Uan at mama, ay kanya gfoyung te,

Lukas 2:38

Ay ginanya Ana nkakbang sas talanan. Ay kanya gseg Dius ay nafoyung sabaliwas Isus sas fagayu tagfanya Dius nu gfalangfe furuan Erusalem at ngay taw.

Lukas 23:51

Use wa gfadiuganan tibak tagfangguna at fakaylatun ay at fakamulun. Kanya gfanya Dius nu gfagtainan.

Fakamulun 10:2

Kurnelyu fag talanan gsuyu tua ay gseg Dius. Ay kanya nagubuk ngayuk taw Udyu at ke fagidapun, ay mafandarangin tua.

Fakamulun 10:22

Ay kafag tuluk mangama nabalus te, “Kurnelyu fag fun tagfawayan nasugu emi. Kanya matuyan ay gseg Dius, ay fagayu taw Udyu gsuyu tua anya. Ay sik tagbarita nalong anya te, nantaban ami emu sas Kurnelyu at bale laman kanya gdungugan am longan.”

Fakamulun 2:5

Ay ginanya sis Erusalem, e ngay taw Udyu tagseg Dius, siginans fagayu talun sas fagdaul daga.

Fakamulun 24:16

Aroro katanya kabavn gugatan au gfasik matuyan ku amatanganan sas Dius at daga salubangan ay sas fagayu taw.

Deuterunumyu 18:15

Ay Dius Yawi nanfili sik taglong kata angku laman sa ayu, siginan ay kaiban fag ngay taw Israel; dungugani ban anya.

2 Pedru 1:21

Aroro Dius at ngay taglong at foyungan bundi siginan at ngay sadili amatanganan, nu bunway siginan tua at Masine fag Falad at gubuk laman kanya fagayu mafamoyung Dius at longan.