Lukas 2:11 - Fanawbuid tagsibaliwas Fakayabian

¹¹ Aroro katsi ay Tagfalangfe ansalug wan sis fun Dabid at furuan, ay kanya tam Fun, Dius at nafili.

Lukas 2:11 ပူးပေါင်းရင်းမြစ်များ

Fakasigadan 3:15

O wo ban ay kafag mangena gawayan ban am gugat. Ay anggan ban am ngay kasugfunanan ay kafag mangena at kasugfunanan gawayan gugat. Ay kanya ban nanrufa am alfuyu ay kagat ban o at sungkulan.”

Fakasigadan 49:10

Ay gfunan tua ban o gugat, ay siginan tua ban gugat am kasugfunanan tagfunan. Nu katanya, tiba bank talun at ngay taw gfon tua ban sa emu famayad, ay kanya ban fagayu gfaning tua gugat emu.

Alubad. 2:2

Ngay fun ay ngay tagfangguna anful ay gkamatoan laman gfalganan namawayan Yawi ay at nafili fag fun.

Isayas 9:6

Ay kaugat yay ban kafag ngay taw nu nanguseganan, aroro umsalug ban si antam sik munama laman at namagtainan ban antam. Ay gfangayan ban anya te, “Madulo fag Tagfalu, ay at Mabalyanan fag Dius, ay at Yud e Fakatabuan fag Mama, ay Tagfae Fagmanabayanun fag Fun!”

Mateu 1:16

Akub at baguama, Use, ay Use, Maria at indugan. Maria, Isus at mina. Isus at ngayan tiba te, Dius at nafili fag Fun.

Mateu 1:21

Ay kanya gfasalug ban sik munama. Fangayani ban anya te, Isus, aroro kanya at namalangfe ban at ngay taw siginan at ngay asalanan.”

Mateu 16:16

Ay Simun Pedru nabalus te, “O wan Dius at nafili fag Fun, tagleleg fag Dius at Baguama.”

Mateu 16:20

Ay arodi Isus maksvn nu glong sat ngay tagadal laman wa glong sas nusnga sinu sabaliwa anya te, sia wan Dius at nafili fag Fun.

Lukas 1:43

Sinu au, laman ku Fun at mina nangadasug sa angku?

Lukas 1:69

Kanya nafadasug sa antam sik mabalyanan fag tagfalangfe siginan at fagsuguan Dabid at kasugfunanan,

Lukas 2:26

At Masine fag Falad nalong sas Simyun te, “Ya ban o kabul yakmay o nalag tam Dius at nafili fag Fun.”

Lukas 2:4

Ay Use nalao siginans furuan Nasaret sis talun Galilea, sas Betleem, fun Dabid at furuan sis talun Udea. Aroro Use, siginan fun Dabid at kasugfunanan.

Uan 1:41

Ay arodi vtv Andres grvbvy at faduksay Simun, ay kanya glong te, “Nalag ami Mesias” (at masuad, Dius at nafili fag Fun).

Uan 1:45

Felipe nalag Natanael ay nalong anya te, “Nalag ami Isus tagsiginans furuan Nasaret, Use at baguama. Kanya wan Muisis at longan fia sis Muisis at Faugali ay si yangays Dius at ngay taglong at rirukan.”

Uan 11:27

Marta gbalus te, “Sabv, ku Fun. Gafanud au te, o wan Dius at nafili fag Fun, Dius at Baguama, at fatuyanan te, takadasug ban ste swa daga.”

Uan 20:31

Fagayu at kinriruk ste anriruk laman gafanud am te, Isus wan Dius at nafili fag Fun, ay at Baguama, ay nu gafanud tuam takatanya, mul tua ban am leleg siginan anya.

Uan 4:25

Kafag mangena glong te, “Nasaful kwan kadasug ban Dius at nafili fag Fun, (at ngayan yangay te, Mesias.) Ay gina ban andasug, kanya gfayamag sa emi fagayu nusnge wain.”

Uan 4:42

Kanya fag ngay taw glong sanya fag mangena te, “Katsi gafanud ami bundi lang am foyungan emi, nu bunway aroro nadungug ami anya. Ay nasaful wami te, kanya wa ngaro fia tagfalangfe fagdaul daga at taw.”

Uan 6:69

Katsi gafanud ami, ay natuyan ami te, o wan Dius at nasugu at Yud e Malong.”

Uan 7:41

Tibak taw glong te, “Matuyan kanya wa ngaro fia Dius at nafili fag Fun.” Ay tibak taw glong te, “Dius at nafili fag Fun wa siginans talun Galilea.

Fakamulun 10:36

Ay nasaful wam sabaliwa at Masine fag Barita, Dius at nafoyung sa emi fag ngay taw Israel te, ngay taw umke fagmasadiun sas Dius siginan nu gafanud sas Isus, Dius at nafili fag Fun, kanya wan fagayu taw at Fun.

Fakamulun 13:23

Ay Pablu gfataglayun gfoyung te, “Kata Dius at fatuyanan sa sangay taw Israel, kanya nafili Isus siginans Dabid at kasugfunanan laman ban Tagfalangfe.

Fakamulun 17:3

Pablu gfayamag ay gfatuyan sa anya fagayu te, masine Dius at nafili fag Fun nu nanginkidapan ay nu nangabul ay anggan nu gdog gleleg. Ay Pablu nalong te, “Ku foyungan fag Isus, kanya wan Dius at nafili fag Fun”

Fakamulun 2:36

Nu katanya, ngay taw Israel, masine nu gsaful am te, ay nafabul fag Isus sas fasulungan kayu, sia wan Dius at nafili laman tam Fun.”

Fakamulun 5:31

Sanya ginan Dius nafabat anya ay nafalunggung sit siun baliwa laman sik fun ay tagfalangfe, ay gfon buknga sas fagayu taw Israel laman gubun at ngay asalanan.

1 Kurintu 15:47

Taguna fag taw tagste ginan ways daga aroro at fangawat anya daga way, ay dewa katanya, at faduak taw siginan tua sbanwa.

Filipus 2:11

ay kanya fagayu gfoyung te, Isus tam Fun, laman gfauseganan Dius tam Mama.

Filipus 3:8

Matuyan, we tungkul ya sa angku takatanya fagayu, aroro katsi at mafanud sa angku nu gtoglag ktua ku Fun Isus. Aroro siginan anya, fagayu tagsi angku ebi, gtuyan kwa te, kata way lang sik nakaurian laman tam Fun Isus gbanwan tua si angku,

Kulusas 2:6

Dakngani gafanud tuam te, Isus tam Fun, fataglayuni tua nu gfaning am anya.

1 Uan 4:14

Nalag ami fia, ay gfatuyan ami te, Dius nasugu at Baguama, laman Tagfalangfe fagdaul daga at taw.

1 Uan 5:1

Nusnga sinu tagafanud te, Isus wan Dius at nafili fag Fun, kanya fag taw Dius at sisian. Sik taw nu kesug tua sik mama, kesug yangay anggan kafag mama at sisian.