Lukas 2:10 - Fanawbuid tagsibaliwas Fakayabian

¹⁰ Ay kanya fag tagbarita nalong te, “Lag kalimu, aroro gfoyung au sa ayu at masine fag barita, sik fagusegananun umdasug ban sas fagayu taw.

Lukas 2:10 ပူးပေါင်းရင်းမြစ်များ

Fakasigadan 12:3

Gfadante kban sas nusnga sinu at nafadante tua emu, ay gfaurianan kban fagayu at nafaurianan emu. Ay siginan emu gfadante kban fagayu talun at taw.”

Isayas 40:9

Am fag ngay taw tagbuba at masine fag barita sas Siun, Erusalem fag furuan, undaudi sa tangabat fag buksul, ay uroi foyungi at masine fag barita. Uroi ay dangay kalimu; foyungi sa sangay furuan tagsis Uda te, “Kadasug wan ay Dius.”

Isayas 41:27

Au Yawi, at nalong takatanya sas Siun, Erusalem fag furuan. Nasugu au sik tagfosuk longan laman namoyung ayu at masine fag barita te, ‘Andasug wan taggubuk ayu.’

Isayas 49:6

Kanya nalong te, “Ku fagsuguan, namafoli o ku nafasawad fag ngay taw Israel, ay saman wa kanya, ngayu yay ban ku fagnamakamulunun sa emu. Namakata kban emu sik salung sas fagayu talun at taw laman fagayu taw sas fagdaul daga umlangfe.”

Isayas 52:10

Yawi namalag at fagmabalyananun yud e malong sas fagayu talun at ngay taw, ay fagdaul daga lumag Dius nu gfalangfe.

Isayas 52:7

Damai, masine at nanfamoyung fag ngay taw at darafa nu glao sa sangaba buksul, gbuba at masine fag barita tagfae fagmanabayanun ay fagmasineun sas furuan Erusalem, aroro Dius ban gfalangfe kanya fag furuan. Kanya nalong sas furuan Erusalem te, “Ay Dius gfagtainan wan!”

Isayas 61:1

Tam Fun Yawi at Falad si tua angku aroro kanya nafili angku laman namoyung at masine fag barita sat yud e kwa. Kanya nasugu angku laman namasun at yud e fagsegun ya, ay laman namoyung sat natabanan fag ngay taw ay sat maubungan fag ngay taw te, e fagmanabayanun wan.

Daniel 10:19

Kanya nalong sa angku te, “Dius kesug tua emu; lag kalimu ay lag gamatangan. Fabitsugi am amatanganan.” Ay kanya nu nalong wan takatanya, ku fagmabitsugun anfoli wan. Ay nalong au sa anya te, “Fataglayuni wan nu garingang o, aroro nafabitsug tuo angku.”

Sakaryas 9:9

Yawi nalong te, “Ngay taw Siun useganani tua, ay am fag ngay taw Erusalem uroi sik fagusegananun, aroro ay fun kadasug wan. Kanya gfakamulun at matuyan ay Dius ggubuk tua anya. Kanya kamababaun tua, ay kadasug gsakayan sis riangan asnu.

Mateu 14:27

Ay arodi vtv Isus nalong sa anya fagayu te, “Faksvni ay amatanganan. Au way, lag am kalimu.”

Mateu 28:18

Ay Isus ankakbang sat ngay tagadal ay nalong anya fagayu te, “Fagayu fagmabalyananun sis banwa ay sis daga nafon wan sa angku.

Mateu 28:5

Ay kafag tagbarita nalong sa kafag ngay mangena te, “Lag am kalimu, aroro nasaful au te, grvbvy am Isus, ebi at natuktuk sas fasulungan kayu.

Markus 1:15

Ay Isus nalong te, “Siginan katsi fag menit, munakbang wan Dius nu gfagtainan taw. Ubuni ay ngay asalanan ay afanudi sat Masine fag Barita.”

Markus 16:15

Ay Isus nalong sat ngay tagadal te, “Loi wan sas fagdaul daga, ay namoyung am at Masine fag Barita sas fagayu taw.

Lukas 1:13

Ay kafag tagbarita nalong te, “Sakaryas, lag o kalimu, aroro Dius nadungug am darangin. Am bubay Elisabet gfasalug ban sik munama, ay gfangayan ban o anya te, Uan.

Lukas 1:19

Ay tagbarita nabalus Sakaryas te, “Au wan Gabriel, kabavn gfakamulun au sis Dius at daga salubangan. Kanya nasugu angku laman namadungug au sa emu tuy fag barita at masine.

Lukas 1:30

Ay kafag tagbarita nalong te, “Maria, lag o kalimu, aroro Dius kesug emu.

Lukas 2:11

Aroro katsi ay Tagfalangfe ansalug wan sis fun Dabid at furuan, ay kanya tam Fun, Dius at nafili.

Lukas 24:47

Ay siginan ban at ngayan e gfoyung sas fagayu taw, taguna sas Erusalem ay anggan sas fagdaul daga at taw te, fagayu taw nu naubun tua at ngay asalanan, Dius gfalyam wan at ngay asalanan.

Lukas 8:1

Sanya ginan, ay Isus nalo yangay sa sangay furuan ayu daul ay sa sangay furuan ayu sirut, laman nanfamoyung at Masine fag Barita sabaliwas Dius nu gfagtainan. Ay at labi dua galo anya,

Fakamulun 13:32

“Ay katsi ste ami laman namoyung sa ayu at Masine fag Barita, Dius at nafatuyanan sa tam ngay mangaguyang.

Ruma 10:15

Ay tain ro nu mananfamoyung nusnga sinu fag taw nu dway e gsugu anya? Kata at Rirukan te, “At kasine sik taw at darafa nu nalo laman namoyung at Masine fag Barita.”

Efesu 3:8

Ay sas fagayu taw Dius at nafili, au wan at yud e tungkul. Dewa katanya, Dius nafon angku at fagmasineun gfayamag sas yud Udyu fag ngay taw sabaliwa tam Fun Isus at fagmasineun yud e gfasud,

Kulusas 1:23

Katanya ban at kumfasludan nu gbanwan tuam matuyan ay nu gfaksvn tuam ay fagafanudun, ay nu ddi am gubun at Masine fag Barita at nafon sa ayu fag fagsegun. Katanya ay nadungug fag Masine fag Barita, at nafoyung wan sas fagayu taw. Au, Pablu, sik fagsuguan laman kamoyung takatanya.