Lukas 19:47 - Fanawbuid tagsibaliwas Fakayabian

⁴⁷ Fagayu menit Isus gfoyung sis Dius at bale. Ay ngay fun tagfon fanggalangun ay ngay tagfoyung Muisis at Faugali, ay anggan tagfangguna ngay taw, narvbvy te, tain ban nu namabul anya.

Lukas 19:47 ပူးပေါင်းရင်းမြစ်များ

Mateu 21:23

Ay Isus andasug sas Dius at bale, ay kaduge kanya gfoyung, ngay fun tagfon fanggalangun ay ngay fagtainan nanangakbang sa anya ay nainto te, “Daginan am fagmabalyananun am fagmafafakamulunun katanya, ay sinu at nasugu emu?”

Mateu 26:55

Ay ginanya Isus ginto sanya fag ngay taw te, “Nataw ay fagsteun ngayu gafisoan ay e ngay ba famalang? O nanggamat am angku kata nu ggamat am sik tagfangkamul? Kayu menit malunggung kway sis Dius at bale ay gfoyung, ay diam nagamat angku.

Markus 11:18

Ay ngay fun tagfon fanggalangun ay ngay tagfoyung Muisis at Faugali nu nadungug Isus at longan, grvbvy balyawvtan te, tain ban nu namabul anya. Ay kanya fagayu kalimu Isus, aroro ngay taw andulo nu nadungug Isus at foyungan.

Markus 12:12

Ngay fun tagfon fanggalangun ay ngay tagfoyung Muisis at Faugali ay anggan ngay fagtainan kaylat nanggamat Isus, aroro nasaful te, Isus at faydayuanan at fagfatungulan sa anya fagayu. Ay kanya fagayu kalimu ngay taw, nu katanya, nalao wan ay naubun Isus.

Markus 14:1

Dua yak menit nu kadasug fagmafulun sabaliwa Tagbarita nu Glangfe, ay Tinapay at yud e Famabia. Ngay fun tagfon fanggalangun ay tagfoyung Muisis at Faugali gkamatoan nu setain nu magamat ay mafabul Isus laman ngay taw wa nasaful.

Markus 14:49

Kayu menit gfoyung au gugat sis Dius at bale, ay sanya yangay am, dewa katanya wam nagamat angku. Ay katsi umfasludan wan Dius at Longan sabaliwa angku.”

Lukas 19:48

Ay kanya fagayu we nalag at balyawvtan, aroro fagayu taw gdungugan fia Isus at longan.

Lukas 20:19

Ay arodi ngay tagfoyung Muisis at Faugali ay ngay fun tagfon fanggalangun gananggamatun Isus, aroro kanya fagayu nasaful te, Isus at faydayuanan at fagfatungulan sa wa anya fagayu. Ay dewa katanya, kanya fagayu kalimu ngay taw.

Uan 10:39

Ay kafag ngay taw gdog yay nangugatan nanggamat Isus, ay Isus nasaruyan way.

Uan 18:20

Isus gbalus te, “Nu gfoyung au si tua sfagngayuan taw, kabavn gfoyung au sa sangay bale fakafulan ay sas taw Udyu at maful sis Dius at bale. Kwe foyungan at masuksukan.

Uan 7:19

O nunda Muisis wa nafon ayu Dius at Faugali? Dewa katanya, nusdi am at sadi wam gfaning. Wain ay fakaylatun gfabul angku?”

Uan 7:44

Tibak taw kaylat nanggamat anya, dewa katanya, we mafangguna.