Lukas 19:20 - Fanawbuid tagsibaliwas Fakayabian

²⁰ “Ay at fatuluk fagsuguan andasug yangay, ay nalong te, ‘Ku fun, na, tuy yay ebi am nafon sa angku fag sadik salapi nasifig au sa sik ramit ay nasuksuk.

Lukas 19:20 ပူးပေါင်းရင်းမြစ်များ

Mateu 25:24

“Ay at nabul sik libuk salapi fag fagsuguan, ankakbang yangay sat tagfayafun ay nalong te, ‘Fagtainan, nasaful au te, yud o gfangalyam fag taw. Ay ggutlu wayo deyud o at natanum. Ay gfaful wayo deyud am nainlufuyan.

Lukas 19:13

Ay gina galoun, kanya nagewan at fagsuguan fag safulu. Ay kanya nafon sat ngay fagsuguan safuluk libuk salapi, ay nalong te, ‘Fayui tuy fag salapi yakmay kban andasug.’

Lukas 19:19

“Ay at tagfayafun nalong anya te, ‘Nanfunan ban o sas limak furuan daul.’

Lukas 19:21

Aroro kalimu au emu, aroro malimu tuo. Gbul o, deyud o at nafon, ay ggutlu o, deyud o at natanum.’

Lukas 3:9

Gfoyung au sa ayu te, katsi yay wase mafawawan wan sa sangay fun kayu at lalid. Ay kafag ngay fun kayu nu dway masine at rawvg, e gfuan wan ay nangukas sasad afuy.”

Lukas 6:46

“Wain ro ay fagngayanun angku te, ‘Ku Fun, ku Fun,’ nu dway ngap am gfaning ku longan?

Uan 11:44

Ay Lasaru aro taw at mabulan, naduksun, at daluap ay at darafa masifigan yay sik ngay ramit aba ay at mata masifigan yay sik fangarus fangenit. Isus gsugu sa sangay taw te, “Buli tagsifig anya fag ramit, laman ro malao.”

Uan 20:7

ay at fansifig Isus at alfuyu fag ramit wa magamut si tibak ramit, nu bunway masaman way nu mafalutan ay mafasariuan si sik tigyangan.

Santiagu 4:17

Nusnga sinu fag taw at nasaful at matuyan ay nu dway gfaning, kanya e asalanan.