Lukas 19:17 - Fanawbuid tagsibaliwas Fakayabian

¹⁷ “Ay at tagfayafun nalong anya te, ‘Masine tuo. Matuyan o fag fagsuguan, aroro matuyan tuo sa talay fag fakamulun. Katsi ban o wan tagfunan safuluk furuan daul.’

Lukas 19:17 ပူးပေါင်းရင်းမြစ်များ

Fakasigadan 39:4

Nu katanya, Putifar manabayan at amatanganan sas Use, ay nafili anya laman at fagsuguan ay tagalaga fagayu tagsit bale ay anggan at ngay fagagbilugun.

Fangatulun 27:18

Sik taw nu galaga tua sik fun kayu, maon tua ban at rawvg, ay nusnga sinu at nafaning at tagfayafun gfauseganan tua ban anya.

Mateu 25:21

“Ay at tagfayafun nalong anya te, ‘Masine tua am fakamulun. Masine ay matuyan o fag fagsuguan. Matuyan tuo sa talay fag fakamulun. Ay katsi ban namalaga kyay fia sa emu at kayuan gtungud yay ban fia ebi. Ay katsi, useganani fasfuani angku, am tagfayafun.’

Lukas 16:10

Sik taw nu matuyan tua sa talay fag fakamulun, matuyan yangay anggan sa tagbia fag fakamulun. Ay sik taw nu dway matuyan sa talay fag fakamulun, wa yangay matuyan anggan sa tagbia fag fakamulun.

Lukas 19:16

“At taguna fag fagsuguan at kindasug nalong te, ‘Ku fun, am nafon sa angku fag sadik salapi, anfamut safuluk salapi.’

Lukas 19:18

“At faduak fagsuguan ankakbang ay nalong te, ‘Ku fun, am nafon sa angku fag sadik salapi, anfamut limak salapi.’

Lukas 22:30

Gfasfuan ban am angku gfangon ay ginum si ku fagfagtainanan fag fagfangonan. Ay malunggung ban am sas fanfun fag ngay faglunggungan laman ban namagtainan am Israel at ngay kasugfunanan fag labi dua.

Ruma 2:29

At matuyan fag taw Udyu, bunwa at nafae fakatoglagan aroro gfaning Muisis at Faugali, nu bunway at natubus tua at amatanganan siginan nu gfaning at Masine fag Falad. Dius guseganan tua takatanya fag taw, ngay taw deyud kaylat anya.

1 Kurintu 4:5

Nu katanya, kaduge tam Fun yud andasug, lag am gamatangan te, sik taw masine ay mauri. Tam Fun waban tagfasure fagayu nusnge wain at masuksukan sisad dulum ay anggan at masuksukan si sik taw at amatanganan. Ay ginanya ban fag menit, galay at sadi gbul famauseganan siginans Dius.

2 Timuteu 2:10

Ay nu katanya, gagwantan au fagayu nusnge wain laman sas Dius at nafili fag ngay taw, laman siginan tam Fun Isus kanya fagayu umlangfe ay mul at yud e fakatabuan fag fagmasineun.

1 Pedru 1:7

Gintu dewa mafanud, namadalan sasad afuy laman sumaful te, o matuyan. Ay ay fagafanudun tagtungud tuas gintu, gfadalan yangay sas famaskud, laman umsaful te, o matuyan. Ay nu matuyan tua, e gfauseganan ban ayu, ay e gfae fagmasineun gina ban Isus, Dius at nafili fag Fun, andasug.

1 Pedru 5:4

Ay nu ndasug ban Tiba Tungud fag Tagalaga tupa, kanya namauseganan ayu kabavn ban.

1 Samwel 2:30

Au Yawi, Israel at Dius, ebi nafatuyanan au te, am mangaguyang way lang ban at ngay kasugfunanan at namakamulun sa angku laman sik ngay tagfon fanggalangun. Ay katsi duan ya, aroro gfauseganan au tagfauseganan angku, ay gfaurianan kway tagfauri angku.