Lukas 19:14 - Fanawbuid tagsibaliwas Fakayabian

¹⁴ “Ay tibak taw sanya fag talun kauri kafag fun, nu katanya, kanya fagayu nasugu sik ngay tagfosuk longan sa kafag fun at talun laman nanlong sanya fag ngay taw te, ‘Wami kaylat tuy fag taw nu gfunan emi.’

Lukas 19:14 ပူးပေါင်းရင်းမြစ်များ

Isayas 49:7

Yawi wan Israel at Tagfalangfe fag Dius at yud e Malong. Ngay talun at ngay taw ay ngay fun at ngay fagsuguan nafalingun ay nafauri Yawi at fagsuguan. Ay Yawi glong sat fagsuguan te, “Ngay fun ban lumag emu, ay nangalindug gsuyu emu. Ngay fun ban nanmalub laman gseg emu. Umfasludan ban takatanya fagayu aroro au wan, Yawi at matuyan, ay Israel at Dius at yud e Malong, at nafili emu.”

Sakaryas 11:8

Naiyan au kanya fag tuluk tagalaga fagbaugun kaduge sik magdanun. Kafag ngay tupa kauri angku, ay kwa kagwanta ya anya.

Lukas 14:32

Ay nu dyay ro mababo, at taguna fag fun sumugu at fagsuguan gina at tibak fun ngayayu yay, laman namalukmeanan at fawayan fag fun.

Lukas 19:13

Ay gina galoun, kanya nagewan at fagsuguan fag safulu. Ay kanya nafon sat ngay fagsuguan safuluk libuk salapi, ay nalong te, ‘Fayui tuy fag salapi yakmay kban andasug.’

Lukas 19:15

“Dewa katanya, kanya nabul at fagmafunanun ay noli wan. Kanya nasugu laman nantaban at fagsuguan, ebi at fagfatigwanan salapi, laman at fagsuguan namasaful sa anya nu seyu galay sadi at nafamut.

Lukas 19:27

Nusnga sinu fag taw takauri nu gfunan au, tabani stie ay gfabul au si ku salubangan.’ ”

Uan 1:11

Ay kanya dewa andasug sat sadili furuan, at ngay kaiban wa naylat anya.

Uan 15:18

“Ste swa daga fag ngay taw nu kauri way ayu, safuli te, au wan taguna at fakaurian.

1 Samwel 8:7

Yawi nabalus Samwel te, “Fakamuluni kafag ngay taw at fagetun, aroro bunwa emu kafag ngay taw at fakauriun, angku way.