Lukas 19:10 - Fanawbuid tagsibaliwas Fakayabian

¹⁰ Aroro au, Taw at Baguama, ku fagindasugun, laman nanrvbvy au ay namalangfe fagayu at nalyam.”

Lukas 19:10 ပူးပေါင်းရင်းမြစ်များ

Esekyel 34:12

Nanrvbvy kban anya fagayu kata sik tagalaga tupa nu grvbvy at ngay tupa tagsaruayan. Namaful kban anya fagayu siginan sangay talun nu inda nu marapyagan gina fag buknga e fagmauriun.

Esekyel 34:16

Nanrvbvy kban fagayu at nalyam ay taginkalyaman. Ay namafia kban at ngay natayukan ay ke ngay fakasaitun, ay namabitsug kban fagayu at mamomuy. Dewa katanya, fagayu ban at mataglu ay at mabitsug namabul kwan. Ay nangalaga au fia ku ngay taw sas fagmatuyanun.

Mateu 1:21

Ay kanya gfasalug ban sik munama. Fangayani ban anya te, Isus, aroro kanya at namalangfe ban at ngay taw siginan at ngay asalanan.”

Mateu 10:6

Sai yakman ngay taw Israel. Aroro kafag ngay taw kata sik ngay tupa at nalyam.

Mateu 15:24

Ay Isus gbalus te, “Ku fagindasugun sa way lang ngay taw Israel takata at nalyam fag ngay tupa.”

Mateu 18:10

“Amatangani laman diam kauri dewa tuy way fag ngay sisian sirut, aroro glong au ayu te, tuy fag ngay sisian e tagbarita tua taglag ku Mama sis banwa at mata.

Mateu 18:11

Au, Taw at Baguama, ku fagindasugun laman namalangfe au at nalyam fag ngay taw.

Lukas 15:32

At masine nu guseganan tam ay nu kaylat tam, aroro am arian kata wa nu nbul, ay katsi anfoli tua gleleg. Kanya ebi nalyam wan ay katsi anlag yay.’ ”

Lukas 15:8

“Sik mangena nu e safuluk salapi, ay at sadi nu nalyam, kanya namasalung sik salung ay nanlanu at bale ay gugatan grvbvy yakmay nalag.

Uan 3:17

Aroro Dius at fagnasuguun at Baguama ste swa daga di nanfaurianan ngay taw, nu bunway namalangfe tua.

Ruma 5:6

Ebi gina tam mamomuy yay, tam Fun Isus anbul sit kasakan fag buknga laman sa sangay tagasalanan.

Ebreu 7:25

Nu katanya, kanya mafalangfe fagayu taw takakbang sas Dius siginan anya, aroro kanya gleleg tua kabavn laman tagwabilug kafag ngay taw sas Dius.