Lukas 18:9 - Fanawbuid tagsibaliwas Fakayabian

⁹ Isus nafoyung tuy fag faydayuanan sa sangay taw takauri at usama ay tagamatangan te, matuyan at fakamulun.

Lukas 18:9 ပူးပေါင်းရင်းမြစ်များ

Fangatulun 30:12

E ngay taw gamatangan sat sadili te, matuyan wan, ay aroro mangaro at fakamulun mauri way.

Isayas 65:5

Ay kanya fagayu glong sat iba te, ‘Lag kakbang angku; mansik masuya au. Aroro kdi kata emu au sik yud ktua e malong!’ Maksvn nu kauri au takatanya fag ngay taw. Ay nu kadotama au anya fagayu kata sik afuy tagigang fagngabak menit.”

Isayas 66:5

Fagayu am tagfaning Yawi at longan, dungugani at ngay foyungan: “Aroro matuyan tuam sa angku, ay ngay iba ankuri ay naiyan ayu. Kanya fagayu gfalingun glong te, ‘Yawi nangus gfalag wan sa ayu at fagmabalyananun laman lumag ami nu guseganan am!’ Kanya ban fagayu umkapla way.

Lebitiku 13:32

Ay sis fafituk menit, tagfon fanggalangun gdog yay nanginsaful kanya fag taw at butsig. Ay nu nalag tua te, di nfagdaul sat bilug, ay nu ddi namameloan at buk ay umi,

Lukas 10:29

Ay kafag taw kaylat at iba nu gamatangan sa anya te, sia sik taw matuyan. Nu katanya, kanya nalong sas Isus te, “Sinu ku iba?”

Lukas 15:2

Ay ngay taw Fariseu anggan ngay tagfoyung Muisis at Faugali gibugan te, “Kafag taw gfakamatoan way tagasalanan ay gfasfuan anya gfangon.”

Lukas 16:15

Ay Isus nalong te, “Dewam gfoyung sa tibak taw te, ‘Matuyan em fakamulun,’ Dius saful ay amatanganan. Aroro ngay taw at natuyan te, mafanud, kanya Dius kauri way.

Lukas 18:11

Ay kafag taw Fariseu namalindug ay gdarangin sat amatanganan te, ‘Fadi fadi ku Dius, aroro kwa gfaning tibak taw tagfangkamul ay at yud matuyan at fakamulun, ay tagfanugtug, ay kdi kata in fag tagbul famayad laman sas fun.

Lukas 19:7

Ay tibak taw nu nalag, gibugan te, “Isus nasakbo sa sik tagasalanan at bale.”

Lukas 7:39

Ay kafag taw Fariseu, at nagewan Isus, nu nalag kafag mangena at nafakamulun, gamatangan te, “Tuy fag mangama, nu Dius di at taglong at sadi, kanya ro saful te, sinu tuy fag mangena tagted anya, aroro kanya sik tagasalanan.”

Uan 8:48

Ay sanya fag ngay taw Udyu glong sas Isus te, “O wa matuyan em longan te, sik taw o Samarya ay e gfafansaful emu?”

Uan 9:28

Ay kanya fagayu gfalingun glong te, “O way at tagadal.

Uan 9:34

Kafag ngay tagfangguna gbalus te, “Siginan yay nu bagu o kasalug sik tagasalanan wo, ay katsi kamoyung yay o sa emi.” Ay kafag ngay taw naiyan wa anya siginans bale fakafulan.

Fakamulun 22:21

“Ay tam Fun nalong angku te, ‘Loi wan, aroro gsugu au emu sa tangayayu fag talun, sas yud Udyu fag ngay taw.’ ”

Ruma 10:3

Aroro wa nasaful te, setain Dius nu gtap sik taw kata nu yud e asalanan. Kanya fagayu nu gugatan sa way at sadili balyawvtan ay wa nafaning Dius at balyawvtan.

Ruma 14:10

Wain am faglongun sabaliwa am faduksay te, mauri at fakamulun? Ay wain am fagfalingunun am faduksay? Fagayu ban tam nansalubang tam sas Dius at daga salubangan.

Ruma 14:3

Takon nusnge wain fag fakonun, lag gfalingun at yud kon tibak fakonun, ay at yud kon tibak fakonun lag glong sabaliwa takon nusnge wain fag fakonun te, mauri at fakamulun. Aroro Dius kaylat tua anya fagdua.

Ruma 7:9

Ebi taguna, kwa saful sabaliwas Faugali, dewa katanya, fagnasaful kdi, asalanan ngaro gleleg si angku, ay kanya nataban angku sas fakabulun.