Lukas 18:7 - Fanawbuid tagsibaliwas Fakayabian

⁷ Anggan tam Dius ggubuk at filian fag taw nu guro sa anya fagngabak menit ay fagngabak yabi, o kin? O Dius gfadugean nu ggubuk?

Lukas 18:7 ပူးပေါင်းရင်းမြစ်များ

Alubad. 88:1

Yawi, kayu menit ay yabi guro au sa emu, aroro o wan ku tagfalangfe.

Alubad. 9:8

Matuyan nu ginsaful o ngay taw at asalanan sas fagdaul daga, ay di o e fagfili.

Nu Galin 22:23

Nu nafafakamulun way ban am takatanya, ay kafag ngay fagbubayun nu naet ban sa angku gubuk, matuyan ggubuk kban anya fagayu.

Isayas 40:27

Ngay taw Israel, Akub at ngay kasugfunanan, wain ay fakamayudun te, “Yawi wa ggubuk emi gina ami e fagidapun, ay ku Dius wa kasalag sa em ngay fagayudanun.”

Abakuk 2:3

Riruki yap lang aroro ya ndasug at buknga nu kafasludan, dewa ban glugo yay, fanyai yap, aroro matuyan umfasludan ban.

Mateu 24:22

Dius ban nu dway ban nafagud kanya fag buknga, wa ban e gleleg ya. Ay dewa katanya, aroro kesug tua at nafili fag ngay taw, gfagud way ban ginanya fag buknga.

Mateu 24:24

E kadasug ban ay kamuag te, ‘Au wan Dius at nafili fag Fun,’ ay ‘Au wan Dius at taglong at sadi.’ Ay kanya ban namalag at madulo ay at mabalyanan fag ngay fakamulun, laman nanfamaskudan nanfandaya anggan Dius at nafili fag ngay taw.

Mateu 7:11

Dewa am sik ngay mauri fag taw, saful tuam gfon at masine sa ay sisian, ay ay Mama sas banwa gtungud yay nu gsaful gfon at masine sas nusnga sinu taget sa anya.

Lukas 11:13

Ay dewa am sik ngay mauri fag taw, saful tuam gfon at masine sa ay sisian, ay ay Mama sas banwa, gtungud yay nu gsaful gfon at Masine fag Falad sas nusnga sinu taget sa anya.”

Lukas 2:37

ay abandi kanya ansik fagbubayun. Ginanya, Ana at banwa waluk safulu e ufat. Ay kanya si gugats Dius at bale, ay gseg Dius kayu menit ay yabi ay wa gfangon laman gdarangin.

Lukas 21:28

Ay gina ban gfasigad takatanya, tangdai ay useganani aroro munakbang wan nu gfalangfe ayu.”

Ruma 8:33

Sinu at malong te, Dius at ngay nafili e asalanan? Dius wan at nafangayan kafag ngay taw te, kata nu yud e asalanan.

Kulusas 3:12

Nu katanya, aroro am wan Dius at nafili ay at nafasaman ay at fakesugun, masine nu kedkesugan tuam fia, ay nu magalang am, ay nu kamababaun am, ay nu malukme am, ay nu mafangagwanta am.

1 Tesalunika 3:10

Maksvn nu gdarangin ami kayu menit ay yabi laman gdog ami nansibo ayu, laman namakasakan ami ay fagafanudun at kurang.

2 Tesalunika 1:6

Dius at fakamulun matuyan. Kanya ban namaidapan at nafaidapan ayu.

1 Timuteu 5:5

At matuyan fia fag fagbubayun, at yud e kalongan ya, ay siginan way langs Dius at fagsegun, ay kanya gdarangin kayu menit ay yabi laman get gubuk sas Dius.

2 Timuteu 1:3

Kayu menit ay yabi gamatangan au emu si ku ngay darangin, ay guseganan au sas Dius, ku fagfaningan sas fagdaul ku amatanganan, kata ku mangaguyang at fakamulun.

2 Timuteu 2:10

Ay nu katanya, gagwantan au fagayu nusnge wain laman sas Dius at nafili fag ngay taw, laman siginan tam Fun Isus kanya fagayu umlangfe ay mul at yud e fakatabuan fag fagmasineun.

Titu 1:1

Au, Pablu, Dius at fagsuguan, ay tam Fun Isus at nasugu. Nasugu angku laman gfaksvn au Dius at nafili fag ngay taw at fagafanudun, ay gfasaful sa anya fagayu at fagmatuyanun sabaliwa nu gugali tua gfaning Dius.

1 Pedru 1:1

Au, Pedru, Isus tam Fun at nasugu. Griruk au sa ayu, Dius at ngay nafili at narapyagan ay tagbanwan sis Puntu ay sis Galasya ay sis Kapadusya, ay sis Asya, ay sis Bitinya fag ngay talun.

2 Pedru 3:9

Tam Fun di gfaduge nu gfafasludan at fatuyanan, kata tibak taw at namatangan. Nu bunway kanya kamanyan ay gfon yay buknga sas fagayu taw laman gubun at ngay asalanan, aroro wa kaylat nusnga sinu nu gafaurianan.

At Nafasure 18:20

Useganani am tagsis banwa aroro at kindasug sa anya. Useganani, am Dius at ngay taw, ay at ngay nasugu, ay at ngay taglong, aroro Dius nafaurianan wa anya aroro sat nafakamulun sa ayu at mauri.’ ”

At Nafasure 6:10

Kanya fagayu maksvn nu guro te, “Em Fun at mabalyanan, ay at yud e malong ay at matuyan, seduge yaban nu gfanya ami nu namatuyan o ngay taw at asalanan ay nu namasud o sat nafabul emi fag ngay taw tagbanwan sis daga?”

At Nafasure 7:15

Kanya wan kafag ngay taw at fagsiuns salubangan Dius at faglunggungan ay at fagfakamulunun fagayu menit ay fagayu yabi sis Dius at bale. Ay at malunggung wan sis faglunggungan tagalaga kafag ngay taw.