Lukas 18:32 - Fanawbuid tagsibaliwas Fakayabian

³² Ay e gfon ban angku sas yud Udyu fag ngay taw, ay kanya ban fagayu gfalingun ay gfauri ay gtufe angku.

Lukas 18:32 ပူးပေါင်းရင်းမြစ်များ

Isayas 50:6

Nafabayan au nu e gfalang ku guyuy, ay nasalubang au sa sangay taggulad ku umi. Nafabayan kwan nu gfalingun angku ay nu gtufe ku mata.

Isayas 52:14

Ngayu ban takadulo anya, aroro at kamatan gabalungan wan ay wa kata ya taw at kamatan.

Isayas 53:3

Ngay taw nafalingun ay naiyan anya. Ay andasug sa anya at masait ay at maidap. Natalyuyan tam anya ay nafalingun, ay wa tam nasuyu ya.

Mikas 5:1

Ngay taw Erusalem, falganani ay ngay tagfawayan aroro ay ngay fawayan maligung ayu. Ay kanya ban fagayu namalang siginan sik tulag ngay tagfangguna sis Israel at fingi.

Mateu 16:21

Siginan ginanya, Isus gfasigad gfoyung sat ngay tagadal te, “Glo kban fia sas furuan Erusalem. Ay sanya ban ngayu ku fagnandalanun faurianan siginan sangay fagtainan ay ngay fun tagfon fanggalangun ay anggan ngay tagfoyung Muisis at Faugali. Ay e gfabul ban angku, ay gdog kyay ban gleleg sis fatuluk menit.”

Mateu 20:19

ay namatigwanan sas yud Udyu fag ngay taw. Ay kanya ban gfalingun ay gfalang angku anggan tumuktuk ban angku sas fasulungan kayu. Ay nu nlangfe ban tuluk menit gdog kyay gleleg.”

Mateu 22:6

ay tiba nagamat kafag fun at fagsuguan ay nafauri ay anggan nafabul anya.

Mateu 26:67

Ay kanya fagayu natufe Isus at kamatan. Ay tiba nasuntuk anya ay nafalang.

Mateu 27:2

Ay kanya fagayu nasugu laman gsiuk Isus ay gtaban sas fun Pilatu.

Markus 14:65

Ay tiba gfasigad gtufe Isus ay gtabun Isus at mata ay gfalang anya, ay glong te, “Foyungi emi, sinu at nafalang emu.” Ngay tagulit gina gtaban anya maksvn nu gfalang.

Markus 15:1

Balabag di, ngay fun tagfon fanggalangun ay sik ngay fagtainan ay ngay tagfoyung Muisis at Faugali ay anggan taw Udyu at ngay tagfangguna fagayu maful laman gkamatoan. Ay nasiuk Isus ay nataban sas Pilatu.

Lukas 18:33

Ay kanya ban fagayu gfalang ay gfabul angku. Ay nu nlangfe ban tuluk menit gdog kyay gleleg.”

Lukas 23:1

Ay kafag ngay fun anlindug ay nataban Isus sas Pilatu.

Lukas 23:11

Ay Erudes ay at ngay tagfawayan kase, gfalingun Isus. Ay kanya fagayu nafae lanbung Isus sik masine fag lanbung. Ay sanya ginan Erudes nalong te, “Fafolii Isus sas Pilatu.”

Lukas 23:35

Ay ngay taw malindug ngayu sanya gdama. Ay ngay tagfangguna gfalingun Isus te, “Ebi kanya nafalangfe tibak taw, ay mafalangfe yangay nangus at sadili nu kanya tua Dius at nafili fag Fun.”

Uan 18:22

Isus nu nalong takatanya, at sadi tagulit at munakbang si anya nafalang at fingi, ay kanya nalong te, “Wain fakatanyaun nu gbalus o sa tiba tungud fag tagfon fanggalangun?”

Uan 18:28

Ay balabag di sbalabag sirut, kafag ngay taw nataban Isus siginan Kayfas at bale sas fun Pilatu at bale daul. Ngay taw Udyu wa nasakbo sanya fag bale laman we gfangayan anya fagayu te, masuya. Aroro kanya fagayu kaylat nu kon at yafun ginanya sit fagmafulun sabaliwa Tagbarita nu Glangfe.

Uan 18:30

Ay kafag ngay taw nabalus te, “Tuy fag taw yaman e nafakamulun at mauri, wa romi nataban sa emu.”

Uan 18:32

Anfasludan takatanya laman gfafasludan Isus at longan sabaliwa nusnga setain nu kabul ban.

Uan 18:35

Ay Pilatu nainto te, “O nunda taw Udyu au? Am ngay kaiban wan ay ay ngay fun tagfon fanggalangun at nataban emu stae. Nataw am nafakamulun?”

Fakamulun 2:23

Dius nafon sa ayu kanya fag taw kata at algan, dewa katanya, nafabul am anya siginan nu gsugu am at mauri fag ngay taw laman nantuktuk anya sas fasulungan kayu.

Fakamulun 3:13

Duan! Bundi ami! Nu bunway tam mangaguyang tua Abrayam, Isak ay Akub at Dius at nafakamulun takatanya laman gfon famauseganan sat fagsuguan Isus. Ay nafon am anya sat mabalyanan fag ngay taw laman namabul, ay nafauri am anya sis Pilatu at daga salubangan, dewa kanya kaylat gfalfas anya.