Lukas 18:30 - Fanawbuid tagsibaliwas Fakayabian

³⁰ kanya ban at fagnamulun gtungud tua at ngay naubun, ay e leleg tua ban at yud e fakatabuan.”

Lukas 18:30 ပူးပေါင်းရင်းမြစ်များ

Ub 42:10

Ay Ub nu nadarangin wan at ngay fagadgalangan, Yawi gdog yay nafaramraman Ub duak kayu ebi at ramraman.

Alubad. 119:103

At kasine am ngay longan, tuy amatamis yap tua deut.

Alubad. 119:111

Am ngay foyungan ku fagagbilugun yud ban e fakatabuan, aroro tuy wan tagfon angku fagusegananun.

Alubad. 119:127

Nu kesug au am ngay suguan, gtungud yap tua at mafasinean fag gintu.

Alubad. 119:162

Guseganan au am ngay longan, kata sik taw at nalag ngayuk ramraman.

Alubad. 119:72

Am nafon sa angku fag faugali nu mafanud, gtungud tua tangayu fag ramraman.

Alubad. 37:16

At matuyan fag taw at ramraman, dewa alay way, amasine yap tua sa sik taw tangayu at ramraman tagsiginan ways fagmauriun;

Mateu 12:32

Ay nusnga sinu at nalong at mauri sabaliwa angku, Taw at Baguama, Dius gfalyam yay. Ay dewa katanya, nusnga sinu at nalong at mauri sabaliwa at Masine fag Falad, Dius wa gfalyam ya, dewa katsi fag ngay menit, ay kabavn ban.

Mateu 4:24

Ay andungug Isus at fakamulun sas fagdaul talun Sirya. Ay sanya fag ngay taw nataban sa anya fagayu at ke fakasaitun, dewa snga setaw fag fakasaitun, ay at ngay taginkidapan sas faganinianun, ay anggan ngay tagfansaful, ay anggan tagfatfat fag ngay taw, ay anggan at yud malao. Ay Isus nafafia tua anya fagayu.

1 Timuteu 4:8

E tungkul tua nu gfananad tam tam bilug laman kabitsug, ay dewa katanya, gtungud yay nu e tungkul nu gfaning tam tam Dius, aroro e fanggubukun tua ban sa tam leleg katsi ay anggan sa takadasug ban fag leleg.

1 Timuteu 6:6

Dewa katanya maksvn at fanambagun sa antam nu manabayan tua tam gfaning tam Dius.

At Nafasure 2:10

Lag am kalimu at munakbang wan fag faurianan ay fagnadalanun. Amatangani te, Satanas gubung ban ayu tiba laman gfaskud ayu, ay gfaurianan ban ayu kaduge safuluk menit. Matuyani tua gugat anggan sas fakabulun, ay gfasangboan kban ayu, at masuad, gfon kban sa ayu leleg at yud e fakatabuan.

At Nafasure 2:17

“Nusnga sinu at ke talinga, dungugani at Masine fag Falad at longan sa sangay tagafanud. Nusnga sinu ban at nababo, gfon kban at masuksukan fag fakonun tagsiginans banwa. Ay gfon kyangay ban sas galay at sadi sanya fag ngay taw sik gang malaksi marirukan at mesa ngayan bagu, we taw nasaful nu bunway at nabul way lang ban fag taw.

At Nafasure 3:21

Ay nusnga sinu ban at nababo gfalunggung au sa sik faglunggungan tagsi ku day faglunggungan, ay kanya ban kata angku at nababo ay at malunggung si ku Mama at day faglunggungan.