Lukas 18:3 - Fanawbuid tagsibaliwas Fakayabian

³ Ay sanya fag furuan e sik fagbubayun yangay, ay kanya malayun nu nanget gubuk sa kafag tagwabilug, glong te, ‘Gubuki angku, e fawayan au.’

Lukas 18:3 ပူးပေါင်းရင်းမြစ်များ

Ub 22:9

Ngay fagbubayun dewa naet sa emu, wo nafon. Ay nafauri o anggan at yud e fagtainan ya.

Ub 29:13

Ay ngay taw tagakabulun nafadante angku, ay ku nagubuk fag ngay fagbubayun galubadan guseganan.

Isayas 1:17

Ananadi fakamuluni at masine, ay ugalii at matuyan. Ay gubuki fagayu tagafalingunan. Fasudsudani tua nu ggubuk am dewa sat yud e fagtainan ya. Ay lag gfabayan ngay fagbubayun nu gafalingunan.”

Eremyas 5:28

Kanya fagayu antaglu ay anbitsug, ay maksvn nu gfakamulun at mauri. Ay wa gfon fagmasineun sat yud e fagtainan ya, ay wa kafanyu ya at yud e kwa.

Mateu 5:25

“Kaduge tagfantabugan gtaban emu sas tagwabilug, fasinei wan am malong sa anya, laman wo sak gatabanan sas tagwabilug, ay tagwabilug wa sak gfadasug emu sas tagulit laman ro wa gubung emu.

Lukas 18:2

Isus nalong te, “Ebi e sik tagwabilug sa sik furuan. Ay kanya wa gseg Dius ay wa kafanyu ngay taw.

Lukas 18:4

“Ebi taguna kafag tagwabilug kauri ggubuk, ay abandi kanya namatangan te, ‘Dewa yud au gseg Dius, ay deyud au kafanyu ngay taw,

Lukas 18:5

aroro tuy fag fagbubayun gfasalag angku, katsi ggubuk kwa anya, laman ban di gugat stae gfadotama angku.’ ”

Deuterunumyu 27:19

“Umfaurianan ban nangus sik taw yud ggubuk ngay betaw siginan tangayayu fag talun, ay at yud e fagtainan ya, ay anggan ngay fagbubayun.” Ay fagayu ban taw gbalus te, “Anud!”