Lukas 18:23 - Fanawbuid tagsibaliwas Fakayabian

²³ Ay kafag taw nu nadungug, kabalu, aroro kanya maramraman daul.

Lukas 18:23 ပူးပေါင်းရင်းမြစ်များ

Esekyel 33:31

Nu katanya, ku ngay taw gadgaloan sa emu, kata nu kaylat nandungugan emu. Ay aroro mangaro, kanya fagayu wa gfaning am longan. Kafag ngay taw kamuagan te, kesug angku, ay at matuyan at ngay amatanganan galabian way salapi.

Mateu 19:22

Ay kafag baguama nu nadungug Isus at longan, nalo mabaluanan, aroro maksvn nu maramraman.

Markus 10:22

Ay kafag mangama nu nadungug, nalo mabaluanan, aroro maksvn nu maramraman.

Lukas 12:15

Ay Isus nalong sanya fag ngay taw at maful te, “Amatangani, lag am gfanganuran nusnge wain, aroro sik taw at leleg amafanud yap tua at ramraman.”

Lukas 18:22

Isus nu nadungug katanya, nalong sa kafag mangama te, “Dewa katanya, sadi ya am kurang. Falaoi am ramraman fagayu ay at nagbulan foni sat yud e kwa, laman e ramraman tua ban o sas banwa. Ay sanya ginan, aloi angku.”

Lukas 18:24

Ay Isus nadama anya ay nalong te, “Maidap mandi at maramraman fag ngay taw nu manangatap sas Dius at fagfagtainanan.

Lukas 19:8

Sakyu namalindug ay nalong sa tam Fun te, “Ku Fun, dungugani, gwabilug ban ku ramraman namon kwan sat yud e kwa. Ay fagayu ku nafandaya gina au gbul ngay taw at famayad, gfafoli kban ufatk kayu nya.”

Lukas 21:34

“Mafalganani, laman diam gfangkumon ay glanguan ay gafanawa sabaliwa ay famanwanun, aroro kafag menit umdasug kasakit sik abvt nu kasalan.

Lukas 8:14

Ay at kintong fag ngay bvtang sas wa makmak at madugi, kata ngay taw at nadungug Dius at Longan, ay dewa katanya, kanya fagayu gafanawa way at leleg ste swa daga, ay kesug way at fagmaramramanun, ay at fakaylatun ste swa daga nafaut at amatanganan, ay at rawvg wa nlesan.

Efesu 5:5

Asafuli te, tagfanugtug ay at namatugtug ay tagfakamulun at mauri ay tagfanganuran, wa ban umful sa tam Fun Isus ay sas Dius at fagfagtainanan, aroro tagfanganuran kata yay nu gseg at yud matuyan fag ngay fagsegan.

Filipus 3:8

Matuyan, we tungkul ya sa angku takatanya fagayu, aroro katsi at mafanud sa angku nu gtoglag ktua ku Fun Isus. Aroro siginan anya, fagayu tagsi angku ebi, gtuyan kwa te, kata way lang sik nakaurian laman tam Fun Isus gbanwan tua si angku,

Kulusas 3:5

Nu katanya, at masine fabuli wan tagsi ayu tagfaning ste swa daga fag fakaylatun kata fagfanugtugun, ay fagamatanganun ay fagkamatoanun sanya baliwa, ay fagfaningun ay bilug at fakaylatun, ay at mauri fag fakaylatun, ay fagfanganuranun. Fagfanganuranun kata yay nu gseg at yud matuyan fag ngay fagsegan.

1 Uan 2:15

Lag kesug fagdaul daga, anggan at ugali. Sik taw nu kesug fagdaul daga, wa kesug tam Mama.