Lukas 18:22 - Fanawbuid tagsibaliwas Fakayabian

²² Isus nu nadungug katanya, nalong sa kafag mangama te, “Dewa katanya, sadi ya am kurang. Falaoi am ramraman fagayu ay at nagbulan foni sat yud e kwa, laman e ramraman tua ban o sas banwa. Ay sanya ginan, aloi angku.”

Lukas 18:22 ပူးပေါင်းရင်းမြစ်များ

Alubad. 27:4

Yawi, get au sa emu te, kaduge kban gleleg aylati nu namanwan au sa emu, laman lumag au fia am fagmasineun, ay gamatangan ktua fia sa emu.

Mateu 19:21

Ay Isus nabalus te, “Nu kaylat o laman di o e malong, falaoi fagayu am ramraman, ay at nagbulan foni sa sangay yud e kwa, laman e ramraman tua ban o sas banwa. Ay sanya ginan, aloi angku.”

Lukas 10:42

Sadi way sik taw at fagayudanun fia. Ay Maria nafili at masine, ay we mafaago siginan anya.”

Lukas 12:33

Falaoi ay ramraman ay foni at nagbulan sa sangay taw at yud e kwa. Katanya nu gbul am sik fagsuadan ramraman at yud karasras, ay anggan at yud e fakatabuan fag ramraman sas banwa. Aroro we madasug sanya ngay tagfangkamul, ay we fatung at manamin ay ramraman.

Lukas 16:9

Ay glong au ayu te, ay ramraman, kanya ay famagadgalangan ngay taw, laman ban nu namin wan, e gfasakbo tua ayu sa sik fagbanwanan at yud e fakatabuan.

Lukas 18:21

Ay kafag mangama nalong te, “Nafaning kwan takatanya fagayu siginan nu mabaguama au.”

Lukas 18:23

Ay kafag taw nu nadungug, kabalu, aroro kanya maramraman daul.

Lukas 9:23

Ay arodi Isus nafoyung sas fagayu at ngay tagadal te, “Nusnga sinu takaylat nangalo angku, lag gfaning at sadili fakaylatun nu bunway kayu menit fasanani at fasulungan kayu ay aloi angku.

Filipus 3:13

Ku ngay faduksay, kwa gamatangan te, nabul kwan kanya fagayu. Ku fakamulun katsi gfalyam kwan at kinlangfe, ay gugatan au gyabulun tagsis fagunan.

2 Pedru 3:8

Ku ngay fakesugun, lag am kalyam te, sa tam Fun sik menit kata nu sik libuk banwa, ay sik libuk banwa kata way sik menit.