Lukas 18:16 - Fanawbuid tagsibaliwas Fakayabian

¹⁶ Ay Isus nagewan kafag ngay sisian ay nalong sat ngay tagadal te, “Fabayani wan kanya fag ngay sisian nu kakbang sa angku. Lag am gsalag, aroro takata kanya fag ngay sisian katap ban sas Dius at fagfagtainanan.

Lukas 18:16 ပူးပေါင်းရင်းမြစ်များ

Fakasigadan 21:4

Gina kafag ngenge waluk menit, Abrayam nafae fakatoglagan anya kata Dius at suguan.

2 Krunika 20:13

Ay kaduge ngay taw Uda at mangama fagayu malindug sanya gasfuan at ngay mangena ay at ngay sisian ay at ngay ngenge,

Eremyas 32:39

Ay namasadi kban at ngay amatanganan ay at ngay algan laman ban kanya fagayu gseg tua gugat angku, ay laman ban kanya fagayu ay anggan at ngay kasugfunanan e fagmanabayanun tua.

Mateu 19:14

Ay Isus nalong te, “Fabayani wan kafag ngay sisian, lag am gsalag nu kakbang sa angku. Aroro takata kanya fag ngay sisian katap ban sas Dius at fagfagtainanan.”

Lukas 18:15

Tibak taw nabuba at ngay sisian ayu sirut sas Isus, laman Isus namatayuk at ngay daluap sa anya fagayu. Ay at ngay tagadal nu nalag, gsalag anya fagayu.

Lukas 18:17

Matuyan nu glong au ayu te, nusnga sinu at yud kaylat Dius nu gfagtainan anya kata sik sisian sirut nu kaylat, kanya ban wa manangatap sas Dius at fagfagtainanan.”

Fakamulun 2:39

Aroro kanya at fatuyanan sa ayu ay sa ay ngay sisian ay sas fagayu taw tangayayu, tam Fun Dius at fagnanguroun yay ban.”

1 Kurintu 14:20

Ku ngay faduksay, dangay kata sik sisian ay amatanganan. Ay nu sabaliwas fagmauriun, ay amatanganan fakatai way sik sisian at bagu kasalug, ay nu sabaliwa fagmatogdungugun ay amatanganan fakatai tua sik mafagtainan at amatanganan.

1 Kurintu 7:14

Aroro sik mangama at yud gafanud ansik matuyan tua sas Dius siginan at mangena, ay sik mangena at yud gafanud ansik matuyan tua sas Dius siginan at mangama. Ay nu dway katanya, at sisian ban wa masine sas Dius. Ay at matuyan, ansine tua sa anya.

Deuterunumyu 29:11

ay sanya yangay anggan ay ngay mangena, ay ngay sisian, ay anggan ay ngay fagsuguan tagbanwan si ay talun, laman ay tagbalse ay at nanagub ay mamam.

Deuterunumyu 31:12

Fafuli fagayu taw, ngay mangama, ngay mangena, ay ngay sisian, ay anggan ay ngay betaw tagsiginan tibak talun, laman ban kanya fagayu nandungugan tua ay kamababaun sa ay Dius Yawi, ay laman ban gfaning tua fia tuy fag ngay suguan.

1 Pedru 2:2

Kata sik ngenge takaylat susu bilug at yud e suglat, am, aylati yangay fanfalad fag susu bilug, laman kagurang am sa ay fakalangfean.