Lukas 18:12 - Fanawbuid tagsibaliwas Fakayabian

¹² Kayu linggu duak menit nu yud au gfangon laman gdarangin. Ay gafud ktua fagayu ku nabul, ay gfon ktua sa emu ku fasafuluk afud.’

Lukas 18:12 ပူးပေါင်းရင်းမြစ်များ

2 Fun 10:16

Yeu nalong te, “Aloi angku laman lumag o te, matuyan au sas Yawi.” Ay Yeunadab nanangalo anya.

Isayas 1:15

Dewa ngap am gdarangin gugat, kwa kasalag ayu. Ay dewa malayun nu gdarangin am, kwa gdungugan ayu, aroro ngayu wan ay nafabul taw.

Malakyas 3:8

“O nunda sik taw makatu gfangkamul siginans Dius? Nu katanya, gbalus au ayu te, nafangkamul am siginan angku. “Ay ginto yangay am angku te, ‘Tain nu gfangkamul ami siginan emu?’ ” “Nafangkamul am aroro wam nafon sa angku ay ngay fasafulu ay ay ngay famonun.

Tap 18:24

Abat ngate, ku fon sa anya fagayu laman at afud ngay fasafuluk afud siginan sangay taw Israel laman at fanggalangun sa angku. Katanya ku fagnalongun te, ngay taw Lebi ban we afud daga laman at fagagbilugun sis Israel.”

Tap 23:4

Yawi nafablang anya ay Balaam nalong sas Yawi te, “Nafawat au fituk fagirugan ay sis galay sik fagirugan nairug au sik riangan baka ay sik tama tupa.”

Mateu 5:20

Aroro gfoyung kwa ayu te, ay fagmatuyanun nu dyakmay tumungud ngay tagfoyung Muisis at Faugali ay ngay taw Fariseu at fagmatuyanun, wa ban am umful sas Dius at fagfagtainanan.

Mateu 6:1

“Lag gfakamulun at masine, kanya nu ay famalagan way lang ay iba. Nu katanya way ay fakamulun, wa ban am e fagnamulun at masine siginan ay Mama sas banwa.”

Mateu 6:16

“Ay gina am yud gfangon laman gdarangin, ay mata dangay mafabaluanan kata ngay takamaningan. Aroro takamaningan wa nafasineun at mata laman namasaful sat iba te, wa gfangon ginanya fag buknga. Matuyan nu glong au ayu te, kanya fag taw nabul wan at fagnamulun ma ban.

Mateu 6:5

“Ay nu gdarangin o, lag gfaning takamaningan nu gdarangin. Aroro kanya at fakaylatun nu gdarangin namalindug dewa sis bale fakafulan ay dewa sasad sagbatan dalan, laman fagayu taw glag anya. Matuyan nu glong au ayu te, kanya fag ngay taw nabul wan at fagnamulun ma ban.

Mateu 9:14

Ay arodi Uan Tagfasurung at ngay tagadal nanangakbang sas Isus ay ginto te, “Wain manga ami ay anggan ngay taw Fariseu em fagebukngaun yud gfangon laman gdarangin, ay am ngay tagadal wa gfakamulun takatanya?”

Lukas 11:42

“Ida, am fag ngay taw Fariseu, aroro dewa am gfon at fasafuluk afud sas Dius siginan ay balanuy ay ay banglad ay fagayu ay famaebebanglu ay fakonun, nalyam wayam gfakamulun at matuyan sa ay iba, ay nu kesug am Dius. Nu ddi am nalyam at mafanud fag ngay suguan, dangay kalyam anggan talay fag ngay suguan.

Lukas 17:10

Katanyai yangay ay fakamulun, nu nafakamulun wam at fafakamulun sa ayu. Longi te, ‘Sik ngay fagsuguan way mi, gfakamulun way mi em fakamulun.’ ”

Ruma 3:27

Wa tam masine ya kamatungudun, aroro Dius nu gtuyan antam kata nu yud tam e asalanan bunwa siginan nu gfaning tam Muisis at Faugali nu bunway siginan tua tam fagafanudun sas Isus.

1 Kurintu 1:29

Dius at fagnafakamulunun takatanya laman nusnga sinu we kamatungudun sit daga salubangan.

Galasya 1:14

Ay gtungud kyay ku ngay ibama gina au gfaning taw Udyu at fagafanudun. Ay au amaseganama kyap tua gfaning em ngay mangaguyang at faugali.

Efesu 2:9

ay bunwa siginan ay nafakamulun at masine. Nu katanya, we taw mafamatungudun sat nafakamulun.

1 Timuteu 4:8

E tungkul tua nu gfananad tam tam bilug laman kabitsug, ay dewa katanya, gtungud yay nu e tungkul nu gfaning tam tam Dius, aroro e fanggubukun tua ban sa tam leleg katsi ay anggan sa takadasug ban fag leleg.

1 Samwel 15:13

Samwel nalao sas Saul ay nu nablangan, Saul nalong sas Samwel te, “Yawi ban nangus ggubuk tua gugat emu! Nafaning ktua Yawi at ngay suguan.”