Lukas 18:11 - Fanawbuid tagsibaliwas Fakayabian

¹¹ Ay kafag taw Fariseu namalindug ay gdarangin sat amatanganan te, ‘Fadi fadi ku Dius, aroro kwa gfaning tibak taw tagfangkamul ay at yud matuyan at fakamulun, ay tagfanugtug, ay kdi kata in fag tagbul famayad laman sas fun.

Lukas 18:11 ပူးပေါင်းရင်းမြစ်များ

Alubad. 134:1

Segi Yawi, fagayu am tagfakamulun sit bale galay yabi.

Alubad. 135:2

am fag ngay taw tagfakamulun sis Yawi at bale.

Fangatulun 20:6

Ngayuk taw taglong te, matuyan ami, dewa katanya, sinu nunda si anya at matuyan?

Fangatulun 30:12

E ngay taw gamatangan sat sadili te, matuyan wan, ay aroro mangaro at fakamulun mauri way.

Isayas 1:15

Dewa ngap am gdarangin gugat, kwa kasalag ayu. Ay dewa malayun nu gdarangin am, kwa gdungugan ayu, aroro ngayu wan ay nafabul taw.

Isayas 58:2

Kayu menit, kanya fagayu nangakbang tua sa angku, laman nanginsaful ku ngay balyawvtan. Ay nu gdama au, kanya fagayu kata sik talun at ngay taw at yud e malong ay at yud kamabo ku ngay suguan. Ay gfalag sa angku te, kaylat nangakbang sa angku ay nanget sa angku fagmatuyanun.

Isayas 65:5

Ay kanya fagayu glong sat iba te, ‘Lag kakbang angku; mansik masuya au. Aroro kdi kata emu au sik yud ktua e malong!’ Maksvn nu kauri au takatanya fag ngay taw. Ay nu kadotama au anya fagayu kata sik afuy tagigang fagngabak menit.”

Eremyas 2:28

Ay wain? Dada wan katsi ay nawat fag ngay fagsegan? Kanyai wan ay faguroun. O makatu ro gfalangfe ayu sa ay fagidapun? Ay ngay fagsegan kayu oma ay ngay furuan sis talun Uda.

Eremyas 2:35

glong wayam te, ‘Wami e asalanan. Yawi wa kauri emi!’ Matuyan, namaurianan kban ayu aroro nalong am te, ‘Wami e asalanan.’

Esekyel 33:31

Nu katanya, ku ngay taw gadgaloan sa emu, kata nu kaylat nandungugan emu. Ay aroro mangaro, kanya fagayu wa gfaning am longan. Kafag ngay taw kamuagan te, kesug angku, ay at matuyan at ngay amatanganan galabian way salapi.

Mikas 3:11

Gfadiuganan am sa tagfon ayu famayad gina am gfawabilugan. Anggan ngay tagfon fanggalangun nu gfoyung gbul yangay famayad. Katanya yangay ngay taglong, wa nanginsaful way ro e famayad. Ay gseg am te, Yawi ggubuk ayu, ay gamatangan yangay am te, Yawi gufud tua gugat ayu, nu katanya, we mauri takadasug sa ayu.

Mateu 10:3

ay Felipe ay Bartulume, ay Tumas, ay Mateu, sik tagbul at famayad laman sas fun, ay Santiagu, Alfeu at baguama, ay Tadeu,

Mateu 5:20

Aroro gfoyung kwa ayu te, ay fagmatuyanun nu dyakmay tumungud ngay tagfoyung Muisis at Faugali ay ngay taw Fariseu at fagmatuyanun, wa ban am umful sas Dius at fagfagtainanan.

Mateu 6:5

“Ay nu gdarangin o, lag gfaning takamaningan nu gdarangin. Aroro kanya at fakaylatun nu gdarangin namalindug dewa sis bale fakafulan ay dewa sasad sagbatan dalan, laman fagayu taw glag anya. Matuyan nu glong au ayu te, kanya fag ngay taw nabul wan at fagnamulun ma ban.

Markus 11:25

Ay gina am malindug gdarangin, falyami ay iba nusnge wain at mauri at fakamulun sa ayu, laman ay Mama sas banwa gfalyam yangay ay ngay asalanan.”

Lukas 20:47

ay gfamin ngay fagbubayun at ramraman, ay dewa ngaduge nu gdarangin, gfalagan way lang. Kanya ban fagayu mul at maksvn fag faurianan.”

Lukas 22:41

Ay Isus nalo kayayu nu e naukas sik gang, ay natudan ay gdarangin te,

Galasya 3:10

Umfaurianan ban ngay taw tagamatangan te, umtap kata nu yud e asalanan siginan nu gfaning Muisis at Faugali, aroro katatuy at kinriruk: “Umfaurianan ban nusnga sinu fag taw at yud gfaning at kinriruk sis Muisis at Faugali fag fafil.”

Filipus 3:6

Aroro siginan ku kamaseganaman, nafauri au ngay tagafanud. Ay nafafaning au fia em faugali.

At Nafasure 3:17

Glong am te, ‘Maramraman ami, ay ngayu em fagagbilugun nusnge wain, ay wami e fagayudanun ya.’ Ay dewa katanya wam nasaful te, gafalingunan way am ay afanyuan, ay wam e kwa, ay wam glag, ay malulasan way am.