Lukas 17:30 - Fanawbuid tagsibaliwas Fakayabian

³⁰ Katanya yangay ban kanya fag menit, au, Taw at Baguama, nu kasure au.

Lukas 17:30 ပူးပေါင်းရင်းမြစ်များ

Mateu 16:27

Aroro au, Taw at Baguama, kadasug kban stae at ke fagmasineun siginan ku Mama, gfasfuan at ngay tagbarita. Ay ginanya ban gfon au sas fagayu taw kata at nafakamulun.

Mateu 24:3

Ay gina Isus malunggung sis Buksul Ulibu, at ngay tagadal ankakbang sa anya gina yud sanya tibak taw ay glong anya te, “Foyungi emi te, seduge ban nu kafasludan takatanya, ay setain ban nu saful ami te, gakadasugun wo, ay nu kadasug at fakatabuan fag ngay menit?”

Mateu 24:37

Au, Taw at Baguama, nu kadasug kban, ngay taw at fakamulun kata ebi gina Nui at buknga.

Mateu 24:39

Ay kafag ngay taw wa nasaful takafasludan, yakmay kafag lino daul andasug ay nafapnut anya fagayu. Ay katanya yangay ban nu kadasug au, Taw at Baguama.

Mateu 26:64

Ay Isus nabalus te, “Kin, kata wa am longan. Ay glong au ayu fagayu te, siginan katsi lumag ban am angku, Taw at Baguama, nu malunggung au sit Mabalyanan at siun, ay nu kadasug au siginan sad linyabu sis kiwang.”

Markus 13:26

Ay nu ntabu wan takatanya, fagayu taw lumag angku, Taw at Baguama, nu kadasug siginan sad linyabu, e fagmabalyananun au, ay e fagmasineun.

Lukas 17:24

Aroro kata sik limbad nu gfayamag sas fagdaul banwa siginan sik tigyangan, anggan sat dayu, katanya yangay ban gina au kadasug fag menit, au Taw at Baguama.

Lukas 17:29

Ay Lut nu nalao siginans Suduma, arak afuy ay asupri andasug siginans banwa kata nu karak, ay nafabul tagbanwan sanya fag ngay taw.

Lukas 21:22

Aroro ginanya wa ban fag buknga nu gfaurianan, laman gfafasludan Dius at Longan at kinriruk ebi.

Lukas 21:27

Ay nu ntabu ban takatanya, fagayu taw lumag angku, Taw at Baguama, nu kadasug au sisad linyabu, ay e fagmabalyananun au, ay anggan e fagmasineun au daul.

1 Kurintu 1:7

Nu katanya, diam e kurang fagayu at Masine fag Falad at nafon, kaduge am gfanya tam Fun Isus nu kafoli.

1 Kurintu 1:8

Kanya yangay tagbakvd ayu sitsigons fakatabuan, laman ban diam e malong gina ban tam Fun Isus kafoli fag menit.

Kulusas 3:4

Tam Fun Isus tagfon ayu ay leleg. Ay gina ban ansure, umsure yangay ban am gasfuan anya sat fagmasineun.

2 Tesalunika 1:7

Ay kanya ban gfon sa ayu ay sa emi fagmanabayanun, gina ban tam Fun Isus anfoli siginans banwa si tagigang fag afuy, gasfuan at mabalyanan fag ngay tagbarita.

1 Pedru 1:13

Nu katanya, falganani ay ngay amatanganan. Am maksvni ay e fagseguni te, Dius gfon ban ayu at fagmagalangun, gina ban tam Fun Isus andasug.

1 Pedru 1:7

Gintu dewa mafanud, namadalan sasad afuy laman sumaful te, o matuyan. Ay ay fagafanudun tagtungud tuas gintu, gfadalan yangay sas famaskud, laman umsaful te, o matuyan. Ay nu matuyan tua, e gfauseganan ban ayu, ay e gfae fagmasineun gina ban Isus, Dius at nafili fag Fun, andasug.

1 Pedru 4:13

Nu bunway useganani yakman aroro kataip am sa tam Fun Isus at ngay naidapanan, ay gina ban at fagmasineun ansure, maksvn yangay ban nu guseganan am.

1 Uan 2:28

Ku ngay sisian, nu katanya, mabanwani tua sis Isus, laman ban kanya nu ndasug, e fagmanabayanun tua tam, ay di ban tam kapla gina ndasug.

1 Uan 3:2

Ku ngay fakesugun, katsi Dius tua tam at ngay sisian, ay ya tam fia saful nu setain ban tam. Ay saful tua tam te, gina ban tam Fun Isus andasug, fagayu ban tam kata tua tam anya, aroro lumag ban tam fia anya.

At Nafasure 1:7

Amatangani, kanya ban kadasug siginan sad linyabu. Fagayu ban taw lumag anya, anggan ban fagayu at naurus at tigyangan. Ay fagayu ban taw ste swa daga gwayway aroro kalimu te, gafaurianan way ban manga. Anud, umfasludan wa nangus fia takatanya.