Lukas 17:3 - Fanawbuid tagsibaliwas Fakayabian

³ “Amatangani am fakamulun. Am iba nu e asalanan sa emu, salagi anya. Ay kanya nu gubun tua at asalanan sa emu, alyami tua.

Lukas 17:3 ပူးပေါင်းရင်းမြစ်များ

Alubad. 141:5

Kaylat au at matuyan fag ngay taw nu gfaragang angku, aroro nasaful au te, kanya fagayu kesug tua angku. Kanya fagayu gsalag angku, kata sik langis at naugwag sa ku alfuyu. Dewa katanya, gdarangin au te, faragangi wan ngay taw mauri at ngay fakamulun.

Nu Galin 34:12

Lag am kawat sik nasadian sanya fag ngay taw tagbanwan say fakadasugan ban fag daga, aroro tuy ban kata sik fanangdaw sa ayu.

Fangatulun 17:10

Ke fagsafulun fag taw gfaning tua dewa sayginan yay nu e gsalag anya, dewa katanya, at yud mamatanganan fag taw, dewa gugat gafalangan wa gfaning.

Fangatulun 27:5

Amasine yap sik taw tagsalag tua at yud e suksukan ya, nu gamut yud gfalag te, kesug.

Fangatulun 9:8

Nu katanya, lag o gsalag nusnga sinu fag taw takamalingun, aroro kauri way ro emu. Am fagsalagun nusnga sinu tua at ke fagsafulun, ay kanya ro kesug emu.

Lebitiku 19:17

“Lag am kauri ay ngay iba, foyungi anya gina nafakamulun at mauri laman ban diam e malong.

Mateu 18:21

Ay Pedru ankakbang sas Isus ay nainto anya te, “Ku Fun, seyu ginan kro gfalyam ku iba nu e asalanan way sa angku? O fitu ginan?”

Lukas 21:34

“Mafalganani, laman diam gfangkumon ay glanguan ay gafanawa sabaliwa ay famanwanun, aroro kafag menit umdasug kasakit sik abvt nu kasalan.

Efesu 5:15

Nu katanya, amatangani tua te, tain ay ugali at masine. Dangay kata at yud e fagsafulun, nu bunway katai tua at ke fagsafulun.

Deuterunumyu 4:15

Yawi gina gfakamatoan ayu sis Buksul Sinay siginans wabilug afuy, wam glag anya. Nu katanya, dirii,

Deuterunumyu 4:23

Dewa katanya, madiriani tua laman diam kalyam Yawi at nawat fag nasadian laman sa ayu. Lag am kawat ngay fagsegan nusnge wain fag aninu, aroro Yawi wa kaylat takatanya.

Deuterunumyu 4:9

Dewa katanya, am madiriani tua! Lag am kalyam nusnge wain ay nalag Yawi at nafakamulun. Ay amatangi tua gugat tuy kaduge am gleleg.

Ebreu 12:15

Madiriani tua galay am at sadi laman nusnga sinu si ayu di ban natalyuyan Dius at fagmagalangun. Dirii tua laman ban nusnga sinu am diam kata sik menal fag tanum tagtugbung ay tagfaidapan ay tagfauri ngayuk taw.

Santiagu 5:19

Ku ngay faduksay, am at sadi nu nasaruy wayam at matuyan, ay nu e nafafoli tua anya sa tam Fun,

2 Uan 1:8

Nu katanya, mafalganani tua, laman ban di nfangulan ay nainlufuyan ay mul tua ban am at famonun.