Lukas 17:27 - Fanawbuid tagsibaliwas Fakayabian

²⁷ Ebi kanya fag ngay taw manabayan way fia gfangon ay gmamaman, ay kadadwa, yakmay Nui nasakbo sas sakayan lino. Ay ginanya lugwak andasug ay nafabul kafag ngay taw.

Lukas 17:27 ပူးပေါင်းရင်းမြစ်များ

Fakasigadan 7:23

Fagayu tagleleg sis fagdaul daga dewa taw, taglao, tagalafang ay manuk tungud namin wan. Nui way lang fag talanan at kinsawad fag ngay taw.

Fakasigadan 7:7

Ay Nui nasakbo sas sakayan lino gadgaloan at mangena, ay at ngay baguama, ay anggan at ngay nugang, laman di ban kabul sis lugwak.

Isayas 21:4

Ku baga gsubsubuan ay gtadtaruyan au kalimu. Kwa manabayan sad yabi aroro kalimu kway gugat.

Isayas 47:11

Nu katanya, faurianan umdasug sa emu, ay wo saful te, setain nu gagbilug o am fangabalo laman masaruy o faurianan. Ay umdasug sa emu sik faurianan ay wo mabayad laman wa kataglayun. Sik faurianan masakit nu kadasug sa emu gina o yud mafalganan.

Mateu 22:30

Aroro gina ban fagayu taw nadog naleleg, wa ban e gdaddadwaan ya. Ginanya ban fagayu taw kata Dius at ngay tagbarita sis banwa.

Lukas 17:26

“Au, Taw at Baguama, nu kadasug kban, ngay taw at fakamulun kata ebi gina Nui at buknga.

Lukas 17:28

“Ay kata yangay gina Lut at buknga. Ginanya fag ngay menit ngay taw manabayan gfangon ay gmamaman, ay namayad ay gfae bayad, ay gtanum, ay gbale.

1 Samwel 30:16

Ay kanya nataban Dabid ay at ngay tagfawayan, ay kanya fagayu natunggu ngay taw Amalek nu grapyagan gfangon ay ginum fanlangu ay guseganan aroro ngayu at nabul ramraman siginan sa ngay taw Filistia ay sangay taw Uda.