Lukas 17:25 - Fanawbuid tagsibaliwas Fakayabian

²⁵ Ay gina ban nangafasludan takatanya, au Taw at Baguama nandalan kban ngayuk fagidapun. Ay katsi fag talad taw kauri ban angku.

Lukas 17:25 ပူးပေါင်းရင်းမြစ်များ

Isayas 53:3

Ngay taw nafalingun ay naiyan anya. Ay andasug sa anya at masait ay at maidap. Natalyuyan tam anya ay nafalingun, ay wa tam nasuyu ya.

Mateu 16:21

Siginan ginanya, Isus gfasigad gfoyung sat ngay tagadal te, “Glo kban fia sas furuan Erusalem. Ay sanya ban ngayu ku fagnandalanun faurianan siginan sangay fagtainan ay ngay fun tagfon fanggalangun ay anggan ngay tagfoyung Muisis at Faugali. Ay e gfabul ban angku, ay gdog kyay ban gleleg sis fatuluk menit.”

Mateu 21:42

Ay Isus nalong anya te, “O yam natap Dius at Longan te, ‘Ngay takawat bale at naukas fag gang, katsi at famaogat tua at bale. Tam Fun at nafakamulun takatanya, ay maksvn nu kadulo tam.’

Markus 10:33

ay glong te, “Amatangani, katsi sa watams Erusalem, ay abandi e moyung angku, Taw at Baguama, sa sangay fun tagfon fanggalangun ay sa sangay tagfoyung Muisis at Faugali. Ay kafag ngay taw ban nanfantabugan angku laman namabul, ay namatigwanan sas yud Udyu fag ngay taw.

Markus 12:10

O yam natap Dius at Longan te, ‘Ngay takawat bale at naukas fag gang, katsi famaogat at bale.

Markus 8:31

Isus gfasigad gfoyung sat ngay tagadal te, “Au, Taw at Baguama, ngayu ban ku fagnandalanun faurianan siginan sangay fagtainan ay ngay fun tagfon fanggalangun ay anggan ngay tagfoyung Muisis at Faugali. Ay e gfabul ban angku, ay gdog kyay ban gleleg sis fatuluk menit.”

Markus 9:31

aroro Isus gfoyung at ngay tagadal. Glong te, “E namoyung ban angku, Taw at Baguama, sat mauri fag ngay taw. Ay kanya ban fagayu gfabul angku, dewa katanya, si bans fatuluk menit, gdog kyay ban gleleg.”

Lukas 18:31

Isus nataban at nasugu fag labi dua, ay nalong sa anya fagayu te, “Amatangani, katsi sa watams Erusalem, ay umfasludan ban Dius at taglong fagayu at rirukan sabaliwa angku, Taw at Baguama.

Lukas 18:33

Ay kanya ban fagayu gfalang ay gfabul angku. Ay nu nlangfe ban tuluk menit gdog kyay gleleg.”

Lukas 24:46

Ay kanya nalong sa anya fagayu te, “Sis Dius at Longan marirukan te, Dius ban at nafili fag Fun dumalan fagidapun ay umbul, ay si bans fatuluk menit gdog yay gleleg.

Lukas 9:22

Isus nalong yangay te, “Au, Taw at Baguama, ngayu ban ku fagnandalanun faurianan siginan sangay fagtainan ay ngay fun tagfon fanggalangun ay anggan ngay tagfoyung Muisis at Faugali. Ay e gfabul ban angku, ay gdog kyay ban gleleg sis fatuluk menit.”

Uan 1:11

Ay kanya dewa andasug sat sadili furuan, at ngay kaiban wa naylat anya.

Uan 12:38

Nu katanya, anfasludan Dius at taglong Isayas at longan te, “Ku Fun, sinu at nafanud sa em foyungan, ay dada tam Fun nu gfasure at fagmabalyananun?”

1 Samwel 10:19

Ay dewa au nafalangfe ayu siginan ay fagidapun, nafamabo am angku siginan nu get am sik fun at nanfunan ban ayu. Katsi gsalubang am sis Yawi at daga salubangan galay gaban ay talanan.”

1 Samwel 8:7

Yawi nabalus Samwel te, “Fakamuluni kafag ngay taw at fagetun, aroro bunwa emu kafag ngay taw at fakauriun, angku way.