Lukas 17:24 - Fanawbuid tagsibaliwas Fakayabian

²⁴ Aroro kata sik limbad nu gfayamag sas fagdaul banwa siginan sik tigyangan, anggan sat dayu, katanya yangay ban gina au kadasug fag menit, au Taw at Baguama.

Lukas 17:24 ပူးပေါင်းရင်းမြစ်များ

Esekyel 1:14

Kanya fag ufatk awatan tagleleg gfoyfolian kasakit slimbad.

Sakaryas 9:14

Yawi namasure at fagmabalyananun sat ngay taw, ay at banyas ban gdamlag kata limbad. Ay kanya ban namawang budyung ay kadasug gadgaloan fulug siginans fasiunan fag alvngvdan.

Mateu 24:27

Aroro au, Taw at Baguama, nu kadasug au, kata sik limbad nu gdamlag siginans fakamenitan ay kadasug sas fakayabian.

Mateu 24:30

Ay sanya ginan umsure Taw at Baguama at fakatoglagan sis banwa. Ay ginanya, fagayu taw sas fagdaul daga kabalu. Ay kanya ban fagayu lumag angku Taw at Baguama nu kadasug au sis linyabu sis banwa, ay e fagmabalyananun au ay e fagmasineun au daul.

Mateu 25:31

“Au, Taw at Baguama, gina ban au kadasug stae swa daga gasfuan ngay tagbarita fagayu, e fagmasineun ban au daul. Kadugenya gmalunggung au sa ku fagmalunggungan ke fagmasineun, laman namagtainan.

Mateu 26:64

Ay Isus nabalus te, “Kin, kata wa am longan. Ay glong au ayu fagayu te, siginan katsi lumag ban am angku, Taw at Baguama, nu malunggung au sit Mabalyanan at siun, ay nu kadasug au siginan sad linyabu sis kiwang.”

Mateu 5:15

Katanya yangay sik taw nu nafasalung tua sik salung, di nanuklub sik alungkung, nu bunway namasa tuas fagfatungkudan laman dumamlag fagayu taw sanya fag bale.

1 Kurintu 1:8

Kanya yangay tagbakvd ayu sitsigons fakatabuan, laman ban diam e malong gina ban tam Fun Isus kafoli fag menit.

1 Tesalunika 5:2

Aroro nasaful wam te, tam Fun at menit nu kadasug kata way sik tagfangkamul sad yabi.

2 Tesalunika 2:2

lag am vtv gafanawa ay lag am kalimu, dewa e sik foyungan siginan unu sik falad at longan, ay dewa e gbarita, ay dewa e sik rirukan andasug siginan unu emi te, “Tam Fun at menit andasug wan.”

2 Tesalunika 2:8

Ay sanya ginan ban, takamabo fag taw kasure, ay tam Fun Isus ban nu ndasug, gfabul anya siginan at uyup, ay gfamin anya siginan at fagmasineun.

Santiagu 5:8

Katanyai yangay anggan am. Fanyai ay faksvni ay ngay amatanganan aroro munakbang wan tam Fun nu kafoli.

2 Pedru 3:10

Tam Fun munakbang wan nu kadasug kata sik tagfangkamul. Ay ginanya ban fag menit tam banwa umkalyam gasfuan sik awang daul, ay nusnge wain umkamin sasad afuy, ay nu katanya tam daga ay tam ngay nafakamulun umsaful.