Lukas 16:3 - Fanawbuid tagsibaliwas Fakayabian

³ “Ay at fagfatigwanan namatangan te, ‘Ku fun gaiyanun wa angku, bunwa ban au ya at fagfatigwanan. Tain ro ku fakamulun? Kwa makatu ggamas ay kapla kway gfangetan.

Lukas 16:3 ပူးပေါင်းရင်းမြစ်များ

Ester 6:6

Ay Aman nu sanya wan, fun ginto anya te, “Nataw at masine sa sik taw fun at fakaylatun gfauseganan?” Aman nu glong, anya fun at fagnamausegananun.

Fangatulun 13:4

At mamomuy fag taw wa mabul at ngay fakaylatun, dewa katanya, at maseganama fag taw, at fagmafabulun gtungud yay at ngay naylatan.

Fangatulun 15:19

Sik taw nu momuy way gfakamulun, gidapan way ban gugat, dewa katanya, at maleleg fag taw manabayan tua.

Fangatulun 18:9

At momuy fag taw kata at takamauri fag taw.

Fangatulun 19:15

Nu momuy way o, ay gtiug gugat, umlunus ban o.

Fangatulun 20:4

At momuy fag taw ya gtanum gina fananuman, ay wa ban e fagnanggutluun sis fanggutluan.

Fangatulun 29:21

Sik tagfayafun nu dway gfoyung at fagsuguan siginan nu masisian, abandi ban kanya fag fagsuguan gfaidapan way anya.

Isayas 10:3

Tain ban ay fakamulun nu ndasug nu gafaurianan am fag menit, gina ban faurianan andasug siginan tangayayu fag talun? Dada ban nu get am gubuk? Ay dada ban nu gfasuksuk am ay ngay ramraman?

Eremyas 5:31

At ngay taglong kamuag nu gfoyung, ay at ngay tagfon fanggalangun gfangguna siginan at ngay sadili fagsafulun, ay ku ngay taw maksvn nu kaylat takatanya. Dewa katanya, tain ban at fakamulun nu ndasug at fakatabuan fag buknga?”

Usea 9:5

Nu katanya, nataw ro katsi ay fakamulun nu ndasug sis fagmafulan fag menit ay laman gfauseganan Yawi?

Mateu 20:8

“Ay menit nu kafalyu wan, kafag tagagbilug nalong sat tagalaga te, ‘Fastei at ngay nanamakamulun sa ku tanuman, ay bayadi at nalufuyan. Nu gbayad o, fasigadi siginan taguyan at kindasug ay fatabui sat taguna.’

Markus 10:46

Isus ay at ngay tagadal andasug sas furuan Eriku. Ay gina glao sanya ginan gfasfuan ngayuk taw, kanya fagayu nadalan sik taw at yud glag malunggung sis tigyangan dalan ay gfanget. At ngayan Bartimeu, at masuad te, Timeu at baguama.

Lukas 12:17

Ay kanya gamatangan te, ‘Tain ban ku fakamulun? Aroro kwe fagfasakboan ya tiba ku gutluan.’

Lukas 16:2

“Nu katanya, kafag maramraman nagewan at fagfatigwanan ay nainto anya te, ‘Nataw ku dungganan am nafakamulun? Fastei am rirukan ku ramraman at kayuan, aroro bunwa ban o ya ku fagfatigwanan ku ngay ramraman.’

Lukas 16:20

Ay sit day sakbawan alad sik taw gtaygilidan, at ngayan Lasaru. Kanya sik yud e kwa ay fagdaul at bilug gabangbang.

Lukas 16:22

“Abandi, kafag taw at yud e kwa anbul, ay Dius at tagbarita nataban anya sas Abrayam at day tigyangan, laman Abrayam gfasun anya. Ay anggan at maramraman fag taw anbul yangay, ay e nanamoli anya.

Lukas 16:4

Saful kwan ku fakamulun. Nangawat au sik balyawvtan laman ban ku fun nu naiyan angku, ngay taw gfasakbo tua angku sat bale.’

Lukas 18:4

“Ebi taguna kafag tagwabilug kauri ggubuk, ay abandi kanya namatangan te, ‘Dewa yud au gseg Dius, ay deyud au kafanyu ngay taw,

Uan 9:8

Nu katanya, at ngay fasabale ay tibak taw at nalag anya ebi gina gfanget, nalong te, “O nunda bunwa in fag mangama taget gugat?”

Fakamulun 3:2

Ay sanya e sik mangama yud malao siginan ngay nu kasalug. Kayu menit e namuba anya sas Dius at day sakbawan bale at nafangayan te, Masine fag Sakbawan, laman nanget sa sangay taw tagsakbo.

Fakamulun 9:6

Alindugi, ay loi sas furuan, ay sanya ro e gfoyung emu am fakamulun ban.”

2 Tesalunika 3:11

Aroro nadungug ami te, tibak taw sanya kamamomuyun ay wa kaylat gfakamulun, abat ngate, namasaysalagan way at iba.