Lukas 16:24 - Fanawbuid tagsibaliwas Fakayabian

²⁴ Ay at maramraman fag taw nauro te, ‘Fagtainan Abrayam, afanyui angku ay sugui Lasaru, laman gfasurung at langbud sumyu ay gfabasa ku leplep aroro gidapan au maksvn ste sad afuy.’

Lukas 16:24 ပူးပေါင်းရင်းမြစ်များ

Ub 20:21

Wa ban e sawad si anya at ngay fakonun aroro umkamin ban at ngay ramraman.

Isayas 27:11

Ay at ngay sanga nu nyango wan, kalifung wan, sik ngay mangena gfaful laman at famaygang. Kafag ngay taw we nasafulan, nu katanya, Dius at nawat anya wa kafanyu ya anya.

Isayas 66:24

Ngay taw tagseg angku gina gduksun siginans Erusalem, kanya fagayu lumag at mabulan fag ngay taw at nafamabo angku. Ay ngay ulud takon anya fagayu wa kabul, ay afuy tagirug anya fagayu wa karabung. Ay fagayu ban taw kauri kafag ngay taw takamabo.”

Sakaryas 14:12

Yawi ban namadasug at maksvn fag faurianan sa sangay talun at nanamawayan Erusalem: Ginanya ban fag menit, kanya fagayu at bilug, ay at mata, ay anggan at leplep kadan dewa yay gleleg.

Mateu 25:41

“Ay arodi au ay Fun, glong au sa tagsi ku wala baliwa te, ‘Loi wan ste ginan, am tagafaurianan. Sa way am sad afuy at yud karabung kabavn at nafalganan at fagukasan ban Satanas ay anggan at ngay fagsuguan.

Mateu 3:9

Ay lag gamatangan te, ‘Ansak wan aroro Abrayam tua em mangaguyang.’ Amatangani, Dius ro mawat way Abrayam at ngay kasugfunanan dewa ste ginan fag ngay gang.

Mateu 5:22

Ay katsi glong au ayu te, nusnga sinu takauri at faduksay, umfaurianan. Ay nusnga sinu taglong sat faduksay te, ‘Gfansaful o,’ e tumaban ban sa sangay taginsaful. Ay nusnga sinu taglong te, ‘Wo e amatanganan,’ kanya ban nangadasug sas Afuy Daul.

Lukas 16:30

“Ay at maramraman fag taw nalong te, ‘Duan, fagtainan, malgau ro sik taw at nadog naleleg nu ndasug sa ku ngay faduksay, tiba ginan ro kanya fagayu gubun yay at ngay asalanan.’

Lukas 19:9

Ay Isus nalong anya te, “Katsi, fakalangfean andasug wan ste fag bale.” Ay nalong yangay te, “Tuy fag taw Abrayam yangay at kasugfunanan.

Lukas 3:8

Ugalii at masine laman gfalag am te, naubun wam ay ngay asalanan. Ay lag gamatangan te, ‘Ansak wan aroro Abrayam tua em mangaguyang.’ Amatangani, Dius ro mawat way Abrayam at ngay kasugfunanan dewa ste ginan fag ngay gang.

Uan 4:10

Isus gbalus anya te, “Nu nasaful di o te, nataw Dius at fagnamonun sas taw, ay sinu taget sa emu mamam, malgau ro o way taget sa anya ay gfon ro emu tagfon leleg fag mamam.”

Uan 4:14

Ay dewa katanya, nusnga sinu ban at nainum ku fon fag mamam di kadanum ya. Ay kanya fag mamam kata sik bulbug gfamilugan sat basad, laman gfon leleg at yud e fakatabuan.”

Uan 7:37

Nu ndasug taguyan ay at mafanud fia fag menit ginanya fag fagmafulun, Isus namalindug ay maksvn nu glong te, “Nusnga sinu takadanum akbangi sa angku ay inumi.

Ruma 4:12

Kanya yangay at ke ngay fakatoglagan at mama, ay bundi lang nafae fakatoglagan, nu bunway gafanud yangay kata tam mangaguyang Abrayam nu gafanud, gina kanya yud yay nafae fakatoglagan.

2 Tesalunika 1:8

Kanya ban namaurianan fagayu at yud gtoglag Dius ay at yud gfaning at Masine fag Barita sabaliwa tam Fun Isus.

Santiagu 2:13

Aroro sik taw at yud kafanyu at iba, Dius ban we afanyu gfaurianan anya. Ay dewa katanya, takafanyu at iba wa kalimu dewa andasug nu gfaurianan fag buknga.

Santiagu 3:6

Tam leplep kata sik afuy. Sanya ginan wan ngayuk mauri. Kanya sik afud tam bilug tagfae fagmauriun sas fagdaul tam bilug ay tam ugali. Ay kanya sik afuy siginans Afuy Daul ay gfaurianan antam.

At Nafasure 19:20

Ay tagfangagat fag mela nagamatan gasfuan takamuagan fag taglong, kanya at nafakamulun at ngay madulo fag ngay fakatoglagan si tagfangagat fag mela at daga salubangan. Siginan at nafakamulun fag ngay madulo, kanya nadaya ngay taw at nafae fakatoglagan sit ngay bilug tagfangagat fag mela, ay at naseg at aninu. Ay gina yay kanya fag dua gleleg, e naukas anya fag dua sas asupri fag afuy daul tagigang.

At Nafasure 20:15

Ay nusnga sinu fag taw at yud marirukan at ngayan sis fafil fagrirukan at ngay ke leleg ban, e gukas yangay ban anya sas afuy daul.

At Nafasure 22:1

Sanya ginan kafag tagbarita nafalag sa angku sik tagfon leleg fag liskung, malyo mandi, gbulbugan siginans Dius ay Tupa Riangan at faglunggungan,

1 Samwel 28:16

Ay Samwel nabalus Saul te, “Wain am fagintoun yay sa angku? O nunda Yawi ya natalyuyan emu, ay katsi o wan at fawayan?