Lukas 16:23 - Fanawbuid tagsibaliwas Fakayabian

²³ Ay kafag taw at maramraman nu si wa sangay kinbul at talun, maksvn nu gidapan. Ay kanya nabanawan sasad ngayayu, ay nalag Abrayam ay anggan Lasaru sit day tigyangan.

Lukas 16:23 ပူးပေါင်းရင်းမြစ်များ

Alubad. 16:10

Wo nafabayan ku falad si sangay kinbul at talun, ay di o naylat au, am fagsuguan at matuyan, nu kadan sis fagfolian.

Alubad. 49:15

Dewa katanya, Dius gbul angku, ay gfalangfe ku leleg siginans fakabulun at fagmabalyananun.

Alubad. 86:13

aroro matuyan tua nu kesug o angku. Nafalangfe tuo angku siginans fakabulun.

Alubad. 9:17

Fagayu tagasalanan sas fagayu talun tagtalyuyan Dius nangadasug ban sas fakabulun.

Fangatulun 15:24

Ke fagsafulun fag taw nu glao, sa tua sdalan tagsas leleg laman masaruy fakabulun.

Fangatulun 5:5

Ay nu nafaning wayo anya, kanya gtaban emu sas faurianan, aroro at dalan sa ways fakabulun.

Fangatulun 7:27

Nu nasa wayam at bale, kata wa nu nalao am sat ngay mabulan at talun.

Fangatulun 9:18

Dewa katanya, ngay taw tagsanya, wa saful te, umbul. Ay fagayu at nasanya, si wa sfagfolian.

Isayas 14:15

Dewa katanya, e nabuba way emu sa sangay kinbul at talun, sa tangabasad fia fag lusung.

Isayas 14:9

Ngayu tagsi sangay kinbul at fagbanwanan taganamablangun mandi emu. Kanya ebi ste swa daga fag ngay tagfangguna ay fag ngay fun at ngay falad. Kanya fagayu umlindug siginan at mesa faglunggungan laman namablang emu.

Mateu 11:23

Ay am fag ngay taw tagbanwan sis furuan Kapernaum, o gamatangan am te, e namabat ban ayu sas banwa? Duan! Nustua e nangukas way ban ayu sa sangay kinbul at talun. Aroro nu nafakamulun kdi at madulo sas furuan Suduma, kata ku fakamulun sa ayu, satu ro kafag furuan sanya yay dasug katsi.

Mateu 18:9

Ay am mata nu gfae asalanan yangay emu, guladi wan ay ukasi. Aroro amasine yap dewa sadi am mata, nu e leleg tua ngap ban o at yud e fakatabuan, dewa dua am mata nu gaukasan way ban o sas afuy daul.

Mateu 23:33

“Kata wayam tagfandaya fag ngay ule at maganga! Wa ban am masaruy faurianan sa ayu sas afuy daul.

Mateu 5:22

Ay katsi glong au ayu te, nusnga sinu takauri at faduksay, umfaurianan. Ay nusnga sinu taglong sat faduksay te, ‘Gfansaful o,’ e tumaban ban sa sangay taginsaful. Ay nusnga sinu taglong te, ‘Wo e amatanganan,’ kanya ban nangadasug sas Afuy Daul.

Mateu 5:29

Ay am siun fag mata nu gfae asalanan way emu, guladi wan ay ukasi. Aroro masine sik afud am bilug dewa nalyam wan, nu bundi ngap ban gukas fagdaul am bilug sas afuy daul.

Mateu 8:29

Ay kanya fag duak taw nauro te, “Nataw am fagyafakamulunun ro sa emi, o Dius at Baguama? O am fagnastieun namaidapan o emi, dewa yud yay andasug nu gfaurianan fag menit?”

Lukas 16:24

Ay at maramraman fag taw nauro te, ‘Fagtainan Abrayam, afanyui angku ay sugui Lasaru, laman gfasurung at langbud sumyu ay gfabasa ku leplep aroro gidapan au maksvn ste sad afuy.’

Lukas 16:28

aroro e lima kyayk faduksay mangama sanya, laman Lasaru namararang yay sa anya fagayu, laman ban wa kadasug stae fag talun at maksvn nu maidap.’

Lukas 8:28

Kafag mangama nu nalag Isus, nauro ay namalub sit daga salubangan, ay maksvn nu glong te, “Nataw am fagyafakamulunun ro sa angku, Isus, Tiba Tungud fag Dius at Baguama? Maksvn nu glong au emu te, lag gfauri angku.”

1 Kurintu 15:55

“Fakabulun, dada wan am fagmababoun? Fakabulun, dada wan am fagmabalyananun?”

2 Pedru 2:4

Dius wa nfanyu ya takamabo fag ngay tagbarita. Abat ngate, kanya naubung kafag ngay tagbarita sasad lusung tangabasad ay at maksvn nu madulum. Kanya ban fagayu sanya way gugat nu dyakmay ban andasug nu ginsaful asalanan fag menit.

At Nafasure 20:10

Ay Satanas, at nadaya kafag ngay taw, e gukas ban anya sas afuy daul ay asupri, sat fagukasan tagfangagat fag mela ay takamuagan fag taglong. Ay kanya ban fagayu magamut gafaurianan fagayu menit ay fagayu yabi ay kabavn ban.