Lukas 16:2 - Fanawbuid tagsibaliwas Fakayabian

² “Nu katanya, kafag maramraman nagewan at fagfatigwanan ay nainto anya te, ‘Nataw ku dungganan am nafakamulun? Fastei am rirukan ku ramraman at kayuan, aroro bunwa ban o ya ku fagfatigwanan ku ngay ramraman.’

Lukas 16:2 ပူးပေါင်းရင်းမြစ်များ

Takamoyung 12:14

Aroro Dius ban ginsaful tam ngay nafakamulun, at masine ay at mauri, at masure ay at masuksukan.

Mateu 12:36

Ay gfoyung au ayu te, gina ban fanginsafulan asalanan fag menit, fagayu taw gfoyung sas Dius sabaliwa at longan fagayu at yud e tungkul.

Mateu 20:8

“Ay menit nu kafalyu wan, kafag tagagbilug nalong sat tagalaga te, ‘Fastei at ngay nanamakamulun sa ku tanuman, ay bayadi at nalufuyan. Nu gbayad o, fasigadi siginan taguyan at kindasug ay fatabui sat taguna.’

Lukas 12:20

“Ay Dius nalong anya te, ‘Ida, o nunda wo e amatanganan ya! Katsi ro sad yabi namul kwan am falad. Nu katanya, sinu ban at nangagbilug am nafungsu fag ngay ramraman?’

Lukas 12:42

Ay tam Fun nabalus te, “Katatuy at matuyan ay at mamatanganan fag tagalaga. At tagfayafun nasugu anya te, ‘Alagai ku ngay fagsuguan ay fafangoni tua anya fagayu galay fanfangonan.’

Lukas 16:1

Isus nafoyung sik fansulitan sat ngay tagadal te, “Sik maramraman fag taw e fagfatigwanan at ngay ramraman. Ay tiba nafoyung sat maramraman fag taw te, ‘Am fagfatigwanan nafamin wan am ngay ramraman.’

Lukas 16:3

“Ay at fagfatigwanan namatangan te, ‘Ku fun gaiyanun wa angku, bunwa ban au ya at fagfatigwanan. Tain ro ku fakamulun? Kwa makatu ggamas ay kapla kway gfangetan.

Ruma 14:12

Nu katanya, mesa ban tam namoyung sas Dius nusnge wain tam mesa nafakamulun.

1 Kurintu 1:11

Ku ngay faduksay, siginan Klue at fagyafunan e nafadungug angku te, si ayu e gbadbaboan.

1 Kurintu 4:2

Ay sik fagfatigwanan matuyani tua fia nu gfakamulun at fanambagun.

1 Kurintu 4:5

Nu katanya, kaduge tam Fun yud andasug, lag am gamatangan te, sik taw masine ay mauri. Tam Fun waban tagfasure fagayu nusnge wain at masuksukan sisad dulum ay anggan at masuksukan si sik taw at amatanganan. Ay ginanya ban fag menit, galay at sadi gbul famauseganan siginans Dius.

2 Kurintu. 5:10

Aroro galay ban tam at sadi nangalindug tam sa tam Fun Isus at daga salubangan. Ay kanya nanginsaful te, o e asalanan tam, laman mul tam at famayad sas fagayu tam nafakamulun at masine ay at mauri kaduge tam gleleg ste swa daga.

1 Timuteu 4:14

Lag o gfangulan at Masine fag Falad at nafon emu fag fagmakatuun kata ngay fagtainan at nafoyung sa emu gina gfatayuk sa emu at ngay daluap.

1 Timuteu 5:24

Tibak taw at asalanan kalag wan dewa yud yay anfaurianan. Dewa katanya, tibak taw at asalanan nu kasaful gina ya ban kafaurianan.

1 Pedru 4:10

Dakngani Dius nafatigwanan wan sas galay sadi antam at famonun, fakamuluni fia at nafon sa antam fag ngay fanambagun laman e tungkul tua sas fagayu taw.

1 Pedru 4:5

Dewa katanya kanya ban fagayu nansalubang sas Dius, at nanginsaful ngay tagleleg ay ngay kinbul at asalanan.

At Nafasure 20:12

Ay nalag au at kinbul fag ngay taw takadungug ay at yud kadungug, kanya fagayu malindug sis salubangan faglunggungan. Ay at ngay fafil anlunggab. Ay anlunggab yangay anggan fafil fagrirukan at ngay ke leleg ban. Ay e nafatuyan sabaliwa kafag ngay taw at kinbul, kata at ngay mesa fakamulun gfaning at marirukan sanya fag ngay fafil.