Lukas 16:19 - Fanawbuid tagsibaliwas Fakayabian

¹⁹ “Ebi e sik taw maramraman, ay kanya galanbungan tua gugat masine. Ay fagayu menit at fakonun mataba tua gugat.

Lukas 16:19 ပူးပေါင်းရင်းမြစ်များ

Ester 8:15

Ay Mardukyu nu naduksun siginans fun at bale, kanya galanbungan malaksi ay maubian, ay sik lanbung aba at mawatan siginan at masine fag ramit maubian, ay gasangboan at mawatan siginans gintu, kata fun nu galanbungan. Ay ngay taw sis furuan Susa maksvn nu guro guseganan.

Fangatulun 14:24

Sik taw at ke fagsafulun, at famauseganan anya at fagsafulun wan. Dewa katanya, at yud mamatanganan kafamut way at fagyudun mamatanganan.

Fangatulun 31:22

Sia yangay takawat at ngay famalanib sit fagtiugan, ay at ngay lanbung masine ay nu kabayad mabyat tua.

Isayas 3:23

ay at ngay fagdamaan at kamatan, ay at ngay lanbung at mawatan siginan at masine fag ramit, ay at sangbo taganyang ay anggan at lanbung tangaba.

Esekyel 16:13

Nafae famasine au emu at mawatan sanbung salapi ay gintu ay nafalanbungan au emu sik lanbung at mawatan siginan at masine fag ramit tagridrirukun, ay at fangawat am fakonun at masine tua fag fangawat tinapay, deut ay ulibu at langis. We gfasud am kamasinean, ay kata o sik fun at mangena.

Esekyel 16:49

Am faduksay Suduma anke asalanan siginan nu kamatungudun. Kanya fag talnayan ngayu oma at fakonun ay doma e fagayudanun, dewa katanya, wa ggubuk at yud e kwa ay tagayudan.

Esekyel 27:7

Am famalabag tagmara laman gfalao sakayan lino, mawatan siginan at mafasinean fag ramit at masine tagsiginan yays talun Igiptu ay nu kadama kata sik fakatoglagan fag ramit. Ay am ugun gridrirukun mameloan ay maubian siginans furuan Elisa fag tigyangan dagat.

Markus 15:17

Ay kafag ngay tagfawayan nafaelanbung Isus sik umut masialungan ay nawat sik sangbo at madugi, ay nafasas Isus at alfuyu.

Markus 15:20

Ay nu ntabu wan nu gfalingun Isus, kafag ngay tagfawayan nabul at umut masialungan ay nafasulun aro taw at lanbung ay nafaduksun anya laman nantuktuk sas fasulungan kayu.

Lukas 15:13

“Ay nu nlangfe nu seyuk menit, at fuyu nafaebayad fagayu, ay nafaful at salapi ay nalo wan sa sik talun tangayayu. Ay kafag baguama nu ndasug wan sanya fag talun, kanya nafamin at salapi sat fagalabianun.

Lukas 16:1

Isus nafoyung sik fansulitan sat ngay tagadal te, “Sik maramraman fag taw e fagfatigwanan at ngay ramraman. Ay tiba nafoyung sat maramraman fag taw te, ‘Am fagfatigwanan nafamin wan am ngay ramraman.’

Lukas 16:18

“Nusnga sinu fag mangama at naubun at mangena, ay nu nabubay way tibak mangena, kanya gfanugtug way. Ay sik mangama nu ndadwa way sa sik mangena at naubun at mangama, gfanugtug yangay.

Lukas 16:20

Ay sit day sakbawan alad sik taw gtaygilidan, at ngayan Lasaru. Kanya sik yud e kwa ay fagdaul at bilug gabangbang.

At Nafasure 17:4

Kafag mangena galanbungan masialungan ay maraska, ay gadalagan ay gasulmanan gintu, ay at mafanud fag ngay gang, ay rurum. Ay kanya gbitbitan sik taya mawatan siginans gintu, ay sanya fag taya mapnu at fagmauriun, ay at fakamatugtugun ay at fagmasuyaun.

At Nafasure 18:16

‘Fangulan! Fangulan o fag furuan takadungug, ebi galanbungan oma o at masine ay tagladlayungun ay at maraska fag lanbung, ay gadalagan ay gasulmanan o gintu ay at mafanud fag ngay gang.

At Nafasure 18:7

Nusnga setaw nu gfauseganan at sadili, faurianani ay fae fakabaluuni yangay anya, aroro kanya glong sat sadili te, Malunggung au kata sik mangena fag fun, bundi au sik fagbubayun, ay kabavn ban kwa kabalu.

Tagfangguna 8:26

At nafaful gintu fag ngay sulman, at kabyatan duak safuluk fabudbungguan, ya sanya ngay famasine ay ngay dalag, ay taw Midyan at ngay fun at lanbung at masialungan, anggan at ngay famasine tagbaringbingan sit ngay kamelyu at liug.