Lukas 16:17 - Fanawbuid tagsibaliwas Fakayabian

¹⁷ Dewa masakit banwa ay daga nu kamin, nusdi sik afud sirut wa myud e masuad.

Lukas 16:17 ပူးပေါင်းရင်းမြစ်များ

Isayas 40:8

Makmak kalangke ay at ngay barugwak katong, dewa katanya, tam Dius at longan katanya tua gugat kabavn.”

Isayas 51:6

Tangdai sas banwa, ay damai sas fagdaul daga. Banwa umkalyam kata sik anus, ay fagdaul daga umrasras kata sik lanbung, ay sanya fag ngay taw umbul masakit kata ngay lango. Ay dewa katanya ku fagnamonun fag fakalangfean gtaglayun tua ban gugat, ay ku fagmasineun ban di e fakatabuan kabavn.

Mateu 5:18

Matuyan nu glong au ayu te, dewa ban banwa ay daga ankamin, nusdi sik afud sirut Muisis at Faugali wa myud e tungkul yakmay ban umfasludan fagayu.

Lukas 21:33

Banwa ay daga kalyam way ban, dewa katanya ku longan ban sanya tua gugat kabavn.

Ruma 3:31

Nu katanya, o gfae yud tam e tungkul Muisis at Faugali, siginan tam fagafanudun? Anud, duan. Nu bunway kaugat nu gfae tungkul tam Muisis at Faugali.

1 Pedru 1:25

Dewa katanya, tam Fun at longan katanya tua gugat kabavn.” Kanya wa fag longan, at Masine fag Barita ay nadungug.

2 Pedru 3:10

Tam Fun munakbang wan nu kadasug kata sik tagfangkamul. Ay ginanya ban fag menit tam banwa umkalyam gasfuan sik awang daul, ay nusnge wain umkamin sasad afuy, ay nu katanya tam daga ay tam ngay nafakamulun umsaful.

At Nafasure 20:11

Ay sanya ginan nalag au sik faglunggungan daul malaksi ay at malunggung sanya. Daga ay kiwang nalyam wan siginan anya, ay we kalag ya.

At Nafasure 21:1

Ay sanya ginan nalag au sik bagu fag banwa ay fag daga. Nalyam wan at dan fag banwa ay at dan fag daga, ay we dagat ya.

At Nafasure 21:4

‘Ay ginanya ban Dius garus kafag ngay taw at liasun. Ay wa ban e fakabulun ya, ay we fakabaluun ya,’ ay we fagwaywayun ya, ay we fakasaitun ya, aroro nalyam wan at dan fagayu nusnge wain.”