Lukas 16:15 - Fanawbuid tagsibaliwas Fakayabian

¹⁵ Ay Isus nalong te, “Dewam gfoyung sa tibak taw te, ‘Matuyan em fakamulun,’ Dius saful ay amatanganan. Aroro ngay taw at natuyan te, mafanud, kanya Dius kauri way.

Lukas 16:15 ပူးပေါင်းရင်းမြစ်များ

1 Krunika 29:17

Ku Dius, nasaful au te, nainsaful o em ngay amatanganan ay guseganan o nu nalag o te, matuyan tuami. Nu katanya, matuyan ay bundi fabulunan nu gfon au sa emu tuy fagayu. Ay guseganan au aroro nalag au te, anggan am ngay taw tagste di gafabulunan nu gfon.

2 Krunika 6:30

dungugani anya fagayu sanya sim fagbanwanan sis banwa, ay falyami at ngay asalanan, ay fakamuluni sas galay sik taw kata at nafakamulun, aroro saful way o at mesa amatanganan. O way lang tagsaful fagayu taw at amatanganan.

Alubad. 10:3

Kanya fagayu gfangalabian ay kamanagsag sat ngay fakaylatun mauri, ay gfauseganan tagfangalabian fag ngay taw, ay gfalingun Yawi.

Alubad. 49:13

Ay katanya yangay ban at kumdasug sa tagseg at sadili, ay anggan ban ngay tagafanud kanya fag ngay taw at longan.

Alubad. 49:18

Kaduge kanya fagayu gleleg, gtap at sadili te, mauseganan, ay tibak taw gfauseganan anya, aroro nusnga setaw at fagdalanun, manabayan tua gugat.

Alubad. 7:9

Faragangi wan fagayu taw nu gfakamulun at mauri, ay fae fagmanabayuni sas fagayu at matuyan. O wan at matuyan fag Dius, taginsaful em ngay amatanganan ay em fakaylatun.

Fangatulun 16:5

Yawi maksvn nu kauri fagayu takamatungudun, ay takatanya fag ngay taw umfaurianan.

Fangatulun 20:6

Ngayuk taw taglong te, matuyan ami, dewa katanya, sinu nunda si anya at matuyan?

Fangatulun 21:2

Ngay taw nu gamatangan, fagayu at fakamulun matuyan wan, dewa katanya, Yawi saful way tam ngay algan.

Eremyas 17:10

Dewa katanya, au Yawi, saful kway taw at basad ay at amatanganan. Namakamulun kban sas galay sik taw kata at ugali ay at nafakamulun.

Malakyas 3:15

Ay malong tam te, ‘Takamatungudun fag ngay taw mauseganan, aroro kanya fagayu kae ngay ramraman tua. Ay kanya fagayu wa gafaurianan, dewa nafaskud Dius.’ ”

Mateu 23:5

“Ay kafag ngay taw gfalagan way lang, laman ngay taw gdama anya. Kanya nafabia fagsuadan Dius at Longan sit alfuyu, ay nafaba at farangfangan sit fungfung lanbung.

Mateu 6:16

“Ay gina am yud gfangon laman gdarangin, ay mata dangay mafabaluanan kata ngay takamaningan. Aroro takamaningan wa nafasineun at mata laman namasaful sat iba te, wa gfangon ginanya fag buknga. Matuyan nu glong au ayu te, kanya fag taw nabul wan at fagnamulun ma ban.

Mateu 6:2

“Ay nu katanya, gina o gfon sat yud e kwa, lag o gfasaful sam iba kata ngay takamaningan at fakamulun gina si sangay bale fakafulan ay gina si sangaba dalan laman tibak taw sumeg anya. Matuyan nu glong au ayu te, kanya fag taw nabul wan at fagnamulun ma ban.

Mateu 6:5

“Ay nu gdarangin o, lag gfaning takamaningan nu gdarangin. Aroro kanya at fakaylatun nu gdarangin namalindug dewa sis bale fakafulan ay dewa sasad sagbatan dalan, laman fagayu taw glag anya. Matuyan nu glong au ayu te, kanya fag ngay taw nabul wan at fagnamulun ma ban.

Lukas 10:29

Ay kafag taw kaylat at iba nu gamatangan sa anya te, sia sik taw matuyan. Nu katanya, kanya nalong sas Isus te, “Sinu ku iba?”

Lukas 11:39

Ay tam Fun nalong anya te, “Am, ngay taw Fariseu, gfegus am ay faginuman fag taya ay ay laman at guyuy. Ay ay basad taw mapnu fagfangalabianun ay fagmauriun.

Lukas 18:11

Ay kafag taw Fariseu namalindug ay gdarangin sat amatanganan te, ‘Fadi fadi ku Dius, aroro kwa gfaning tibak taw tagfangkamul ay at yud matuyan at fakamulun, ay tagfanugtug, ay kdi kata in fag tagbul famayad laman sas fun.

Lukas 18:14

Ay Isus glong yay fia te, “Gfoyung au ayu te, kanya fag taw gina guli, Dius natap anya kata sik taw at yud e asalanan, ay duan kafag taw Fariseu. Aroro nusnga sinu nu kamatungudun way, abandi ban e gfababa anya, ay kanya nu kamababaun tua, abandi ban e gfabat anya.”

Lukas 18:21

Ay kafag mangama nalong te, “Nafaning kwan takatanya fagayu siginan nu mabaguama au.”

Lukas 18:9

Isus nafoyung tuy fag faydayuanan sa sangay taw takauri at usama ay tagamatangan te, matuyan at fakamulun.

Lukas 20:20

Ngay tagfoyung Muisis at Faugali ay ngay tagfon fanggalangun naulit Isus at fakamulun, ay nasugu at ngay fagsuguan laman nandaya kata nu kaylat gdungugan. At fakaylatun fia namae asalanan Isus sit longan, ay namagamatan sat fun.

Lukas 20:47

ay gfamin ngay fagbubayun at ramraman, ay dewa ngaduge nu gdarangin, gfalagan way lang. Kanya ban fagayu mul at maksvn fag faurianan.”

Uan 2:25

Isus wa gafanud dewa e gfoyung sa anya te, matuyan ngay taw at ugali, aroro saful way ngay taw at amatanganan.

Uan 21:17

Ay sis fatulu ginan, Isus nadog yay fia nainto te, “Simun, Uan at baguama, o kesug o angku?” Ay Pedru kabalu aroro tulu ginan Isus nu ginto anya te, “O kesug o angku?” Ay kanya nalong anya te, “Em Fun, nasaful wo fagayu nusnge wain. Nasaful wo te, kesug au emu.” Ay Isus nalong anya te, “Fafangoni ku ngay tupa.

Fakamulun 1:18

(Abandi, Udas nabayad sik daga. At famayad, at nabul yay fag salapi siginan at nanamoyung Isus sat mauri fag ngay taw. Ay kanya nafabul at sadili siginan nu katong ay at ungdan naltu ay at funa naduksun.)

Fakamulun 1:24

Ay kafag ngay nasugu gdarangin te, “Em Fun, nasaful o fagayu taw at amatanganan. Fasafuli emi, sinu am nafili

Fakamulun 15:8

Dius saful way fagayu taw at amatanganan. Ay kanya nafalag te, kaylat yangay anggan yud Udyu fag ngay taw siginan nu gfon sa anya fagayu at Masine fag Falad, kata at nafon sa antam.

Ruma 3:20

Aroro Dius wa gtap nusnga sinu fag taw kata nu yud e asalanan, siginan nu gfaning Muisis at Faugali, aroro kafag Faugali gfasaful te, fagayu taw e asalanan.

Ruma 8:27

Dius, tagsaful taw at amatanganan, nasaful yangay at Masine fag Falad at amatanganan, aroro at Masine fag Falad tagwabilug Dius ay at ngay taw, gfaning Dius at fakaylatun.

1 Kurintu 4:5

Nu katanya, kaduge tam Fun yud andasug, lag am gamatangan te, sik taw masine ay mauri. Tam Fun waban tagfasure fagayu nusnge wain at masuksukan sisad dulum ay anggan at masuksukan si sik taw at amatanganan. Ay ginanya ban fag menit, galay at sadi gbul famauseganan siginans Dius.

1 Pedru 3:4

Nu bunway ay fagfasineun tagsi tua ay basad ay ugali at yud e fakatabuan fag fagmasineun. Malukmei tua ay masuyui. Katanya at matuyan sas Dius.

1 Pedru 5:5

Ay am fag ngay baguama, faningi tua ay ngay fagtainan bale fakafulan. Ay fagayu am fadfababaunani tua, aroro marirukan sis Dius at Longan te, “Dius gsalag fagayu taw takamatungudun, ay ggubuk fagayu takamababaun.”

At Nafasure 2:23

Ay gfabul kban fagayu tagfaning kanya fag mangena, laman ban sas fagayu furuan fag ngay tagafanud, sumaful te, saful kway ngay taw at ngay amatanganan ay at ngay algan. Ay namasud kban sas galay at sadi si ayu kata ay mesa nafakamulun.

1 Samwel 16:7

Ay Yawi nalong sas Samwel te, “Lag o gdama at kabatan ay at kaseganaman aroro bunwa kanya ku nafili. Aroro nu gfili au wa kata staw nu gfili, taw nu gdama si way at kabilugan, ay nu gdama au si tua at amatanganan.”