Lukas 16:1 - Fanawbuid tagsibaliwas Fakayabian

¹ Isus nafoyung sik fansulitan sat ngay tagadal te, “Sik maramraman fag taw e fagfatigwanan at ngay ramraman. Ay tiba nafoyung sat maramraman fag taw te, ‘Am fagfatigwanan nafamin wan am ngay ramraman.’

Lukas 16:1 ပူးပေါင်းရင်းမြစ်များ

Fakasigadan 15:2

Dewa katanya, Abram ginto te, “Fun Dius Yawi, nataw ban at fanambagun am fagnamonun sa angku? Dasug katsi kye sisian. Newa ban Elyeser way tagsiginans furuan Damasku tagungbus angku.

Fakasigadan 43:19

Ay duksayan nanangakbang sa kafag fagsuguan sas sakbawan bale ay gfakamatoan.

1 Krunika 28:1

Fun Dabid nafauro ngay taw Israel at ngay tagfangguna: fagayu tagfangguna ngay kasugfunanan, tagfangguna ngay tagfawayan tagfakamulun sas fun, ay tiba yak tagfangguna ngay tagfawayan tangayu, ay tagfangguna tagfakamulun sas fun ay sat ngay sisian laman galaga at ngay fagagbilugun, ngay fagbaugun, ay fagayu tagfangguna sis fun at bale daul, ay at ke fagmabalyananun fag ngay taw, ay fagayu tagfawayan at maseganama.

Fangatulun 18:9

At momuy fag taw kata at takamauri fag taw.

Usea 2:8

Gumer wa namatangan ya te, au at nafon anya ngay rawvg, ngay fanlangu, langis ay ngayuk gintu ay salapi. Ay kafag ngay gintu ay fag ngay salapi kanya wan kafag ngay mangama at fangawat Baal fag fagsegan.

Mateu 20:8

“Ay menit nu kafalyu wan, kafag tagagbilug nalong sat tagalaga te, ‘Fastei at ngay nanamakamulun sa ku tanuman, ay bayadi at nalufuyan. Nu gbayad o, fasigadi siginan taguyan at kindasug ay fatabui sat taguna.’

Lukas 12:42

Ay tam Fun nabalus te, “Katatuy at matuyan ay at mamatanganan fag tagalaga. At tagfayafun nasugu anya te, ‘Alagai ku ngay fagsuguan ay fafangoni tua anya fagayu galay fanfangonan.’

Lukas 15:13

“Ay nu nlangfe nu seyuk menit, at fuyu nafaebayad fagayu, ay nafaful at salapi ay nalo wan sa sik talun tangayayu. Ay kafag baguama nu ndasug wan sanya fag talun, kanya nafamin at salapi sat fagalabianun.

Lukas 15:30

Ay tuy, am baguama, ebi at nafamin am ramraman sat fagfanugtugun, nu ndasug, gfilas tuo fia tam nafataglu fag baka riangan.’

Lukas 16:19

“Ebi e sik taw maramraman, ay kanya galanbungan tua gugat masine. Ay fagayu menit at fakonun mataba tua gugat.

Lukas 16:2

“Nu katanya, kafag maramraman nagewan at fagfatigwanan ay nainto anya te, ‘Nataw ku dungganan am nafakamulun? Fastei am rirukan ku ramraman at kayuan, aroro bunwa ban o ya ku fagfatigwanan ku ngay ramraman.’

Lukas 19:20

“Ay at fatuluk fagsuguan andasug yangay, ay nalong te, ‘Ku fun, na, tuy yay ebi am nafon sa angku fag sadik salapi nasifig au sa sik ramit ay nasuksuk.

Lukas 8:3

Ay anggan Uana, at mangama Kusa, Erudes at fagsuguan at sadi, ay Susana, ay tiba yak mangena. Kafag ngay mangena nagubuk Isus ay at ngay ufud, siginan nu gfon at ramraman.

Titu 1:7

At masine sik fagtainan di e kafoyung te, mauri, aroro kanya sik fagfatigwanan Dius at fakamulun. Ay kanya di kamabatun, ay di gfangadotama, ay di glanguan, ay di kamawayan, ay di gfangalabian salapi.

Santiagu 4:3

Get oma am, ay wam mafabul aroro mauri way ay algan, gfaning way am ay sadili fakaylatun.

1 Pedru 4:10

Dakngani Dius nafatigwanan wan sas galay sadi antam at famonun, fakamuluni fia at nafon sa antam fag ngay fanambagun laman e tungkul tua sas fagayu taw.