Lukas 15:5 - Fanawbuid tagsibaliwas Fakayabian

⁵ Ay nu nalag wam, guseganan am gfasanan,

Lukas 15:5 ပူးပေါင်းရင်းမြစ်များ

Isayas 62:12

Kanya ban kangayan te, “Yud e malong fag ngay Taw” ay “Yawi at Nafalangfe.” Ay Erusalem ban kangayan yangay te, “Mauseganan fag Furuan” ay “At Yud Mabaluanan fag Furuan.”

Isayas 62:5

Kanya at nawat emu, ay nangadadwa ban sa emu, kata sik baguama nu nangadadwa sa sik baguina. Ay nu setain sik baguama nu guseganan at fabubayan, katanya yangay am Dius nu guseganan emu.

Isayas 63:9

Nusnga setaw kafag ngay taw at nabaluan, kanya anbalu yangay, ay kanya nafalangfe tua anya fagayu siginan at tagbarita tagfasure at fagmasineun. Kanya kesug tua ay kafanyu anya fagayu, ay nafalangfe. Siginan ebi, kanya gulit tua anya fagayu kayu menit.

Esekyel 18:23

Au Yawi kwa guseganan at mauri fag taw nu nbul. Aroro kaylat au kanya nu gubun at asalanan ay nu gfasine at ugali. Ay kaylat kyangay kanya nu gfataglayun gleleg.

Esekyel 33:11

Nanlong o sanya fag ngay taw te, ‘Au, Fun Dius Yawi gfatuyanan au te, kafanud nu gleleg au, kwa guseganan at mauri fag ngay taw nu kabul. Ku fakaylatun, kafag ngay taw nu gubun tua at ngay ugali at mauri laman gleleg tua. Nu katanya, ngay taw Israel, ubuni wan ay ugali at mauri. O nunda kaylat am kabul?’

Mikas 5:4

Siginan ban Yawi at fagmabitsugun ay at fagmabalyananun kanya ban namagtainan ngay taw Israel. Kanya ban kata sik tagalaga ngay fagbaugun. Nu katanya, manabayan tua ban ngay taw Israel nu gbanwan aroro ngay taw ban sas fagdaul daga lumag at fagmasineun.

Mikas 7:18

We tibak Dius tagtungud emu. Nafalyam tuo am ngay taw at ngay asalanan. Ay di o kadotama ya emi nu bunway guseganan tuo kesug emi.

Sefanias 3:17

aroro Yawi gufud tua ayu. Kanya kata sik maseganama fag tagfawayan at namalangfe ayu. Yawi guseganan ayu ay aroro kesug tua ayu, kanya gfon ayu sik bagu fag leleg. Kanya galubad guseganan laman sa ayu,

Lukas 15:32

At masine nu guseganan tam ay nu kaylat tam, aroro am arian kata wa nu nbul, ay katsi anfoli tua gleleg. Kanya ebi nalyam wan ay katsi anlag yay.’ ”

Lukas 15:4

“Nu sik sandan ay tupa, ay nu nalyam at sadi, gubun yayam at siamk safulu e siam sis talun laman nanrvbvy am at nalyam.

Lukas 15:6

ay nu ndasug wam sa ay bale, namaful am ay ngay fagadgalangan ay anggan ay ngay fasabale ay glong am te, ‘Useganani fasfuani angku, aroro nalag ktua ku tupa at nalyam.’

Lukas 19:9

Ay Isus nalong anya te, “Katsi, fakalangfean andasug wan ste fag bale.” Ay nalong yangay te, “Tuy fag taw Abrayam yangay at kasugfunanan.

Lukas 23:43

Ay Isus nabalus anya te, “Matuyan nu glong au emu te, katsi ro fag menit gtaban au emu sas Dius at fagbanwanan.”

Uan 15:11

“Ku fagnafoyungun ayu takatanya laman guseganan tuam kata angku, ay laman kaksvn nu guseganan am.

Efesu 2:10

Dius nawat antam. Ay siginan tam fagmasadiun sa tam Fun Isus, ankawat tam laman gfakamulun tam at masine. Dius nafalganan takatanya sa antam siginan yay ebi taguna.

Efesu 3:7

Siginan Dius at fagmagalangun ay at fagmabalyananun, kanya nafili angku laman gfoyung at Masine fag Barita.

1 Tesalunika 1:5

aroro em foyungan fag Masine fag Barita andasug tua sa ayu bundi lang sis longan nu bunway siginan tua at Masine fag Falad at fagmabalyananun, ay maksvn nu gafanud ami te, em foyungan matuyan. Ay gina ami si ayu, nalag wam em ugali at masine; nafakamulun ami takatanya laman sa ayu.

2 Timuteu 2:26

Nu katanya, at ngay amatanganan umyamag yay ban ay kanya ban fagayu umkalfas siginans Satanas, at nasangdaw ay at nataban anya fagayu laman namaning anya.

Ebreu 12:2

Kabavn tam mata fasai tuas Isus. Aroro kanya wan at nafasigad tam fagafanudun ay kanya yangay tagfaksvn. Aroro tagfanya anya fagusegananun tua, kanya nagwantan nangabul sas fasulungan kayu, ay wa namatangan fakaplaun. Ay sanya ginan kanya malunggung sis Dius at fagmalunggungan at siun.

1 Pedru 1:5

Ay siginan ay fagafanudun, Dius at fagmabalyananun gdiri ayu kaduge am gfanya fakalangfean, at mafalganan takasure ban sa taguyan fag buknga.