Lukas 15:30 - Fanawbuid tagsibaliwas Fakayabian

³⁰ Ay tuy, am baguama, ebi at nafamin am ramraman sat fagfanugtugun, nu ndasug, gfilas tuo fia tam nafataglu fag baka riangan.’

Lukas 15:30 ပူးပေါင်းရင်းမြစ်များ

Nu Galin 32:11

Ay dewa katanya, Muisis maksvn nu gfababaun ay namalub sat Dius Yawi ay glong te, “Yawi, wain am fagnamauriananun kanya fag ngay taw, am nataban siginans talun Igiptu siginan am fagmabalyananun?

Nu Galin 32:7

Ay Yawi nalong sas Muisis te, “Abanganani tagbungi, aroro am ngay kaiban am nataban siginans talun Igiptu gfakamulun sa angku at mauri.

Fangatulun 29:3

Sik sisian takaylat fagsafulun gfae fagusegananun at fagtainan. Ay tagfadgaloan sa sik takamatugtug fag mangena gfangulan way at ramraman.

Markus 12:44

Aroro kanya fag ngay maramraman at fon at nagsawean way, ay kafag fagbubayun dewa yud e kwa, at nafon fagayu tua at salapi, anggan at nafalganan famul ma at fakonun.”

Lukas 15:29

“Ay kafag baguama nabalus te, ‘Amatangani, ngayu wak banwa nu gfaning au emu kata sik fagsuguan, ay kwe nafamabo am longan. Dewa katanya, wo e nafon angku nusdi sadik riangan kambing laman guseganan au gasfuan ku ngay fagadgalangan.

Lukas 15:31

“Ay at mama nabalus anya te, ‘Munama, kabavn magamut way ta gugat, ay fagayu ku ramraman am ramraman yangay.

Lukas 15:32

At masine nu guseganan tam ay nu kaylat tam, aroro am arian kata wa nu nbul, ay katsi anfoli tua gleleg. Kanya ebi nalyam wan ay katsi anlag yay.’ ”

Lukas 18:11

Ay kafag taw Fariseu namalindug ay gdarangin sat amatanganan te, ‘Fadi fadi ku Dius, aroro kwa gfaning tibak taw tagfangkamul ay at yud matuyan at fakamulun, ay tagfanugtug, ay kdi kata in fag tagbul famayad laman sas fun.