Lukas 15:24 - Fanawbuid tagsibaliwas Fakayabian

²⁴ Aroro nu glong au tuy ku baguama anbul wan, ay katsi anfoli tua gleleg. Kanya ebi nalyam wan, ay katsi nalag kyay.’ Nu katanya, kanya fagayu gfasigad guseganan.

Lukas 15:24 ပူးပေါင်းရင်းမြစ်များ

Fakasigadan 45:28

Ay Akub glong te, “Gafanud kwan, ku baguama Use gleleg yay. Katsi gina kyay gleleg, sa kyay ban anya.”

Isayas 35:10

Kanya ban fagayu kafoli sas Siun galubadan. Ay nalyam wan at fakabaluun ay at fagwaywayun, ay natubus at yud e gfasud fag fagusegananun ay fagfanagsagun.

Isayas 66:11

laman umsik maramraman yangay am kata sik ngenge tagsusu sit mina ay napsug.”

Esekyel 34:16

Nanrvbvy kban fagayu at nalyam ay taginkalyaman. Ay namafia kban at ngay natayukan ay ke ngay fakasaitun, ay namabitsug kban fagayu at mamomuy. Dewa katanya, fagayu ban at mataglu ay at mabitsug namabul kwan. Ay nangalaga au fia ku ngay taw sas fagmatuyanun.

Esekyel 34:4

Wam gfabitsug ya at ngay mamomuy, ay wam gfafia ya at ngay ke ngay fakasaitun ay wam gtustus ya at ngay tagtiklay, ay wam nanrvbvy ya at nalyam. Nu bunway gfauri wayam anya.

Mateu 8:22

Ay Isus nabalus anya te, “Aloi way angku, ay fabayani wa at ngay kinbul at namoli at ngay mabulan.”

Markus 8:22

Isus ay at ngay tagadal andasug sas furuan Betsaida. Ay tibak taw nataban sik taw at yud glag ay gfainfanyuan get sas Isus laman kanya namatayuk at daluap sat yud glag.

Lukas 10:19

Amatangani, nafon kwan sa ayu fagmabalyananun nansiad ule ay agipan, ay gbabo tam fawayan at fagmabalyananun fagayu. Ay wa ban e mafaidapan ayu.

Lukas 15:23

Fastiei tam nafataglu fag baka riangan, ay filasi laman tam fakonun gina tam guseganan.

Lukas 15:25

“Ay ginanya, at kaka fag baguama si yays gamasun. Ay kanya gina guli, nu kakbang wan at bale, nadungug nu e gfawang ngay fagfawangun ay nu gfalelegan at ngay bilug.

Lukas 15:32

At masine nu guseganan tam ay nu kaylat tam, aroro am arian kata wa nu nbul, ay katsi anfoli tua gleleg. Kanya ebi nalyam wan ay katsi anlag yay.’ ”

Lukas 15:4

“Nu sik sandan ay tupa, ay nu nalyam at sadi, gubun yayam at siamk safulu e siam sis talun laman nanrvbvy am at nalyam.

Lukas 19:10

Aroro au, Taw at Baguama, ku fagindasugun, laman nanrvbvy au ay namalangfe fagayu at nalyam.”

Lukas 9:60

Ay Isus nabalus anya te, “Fabayani wa at ngay kinbul at namoli at ngay mabulan. At masine nu glo wo ay namoyung o sabaliwas Dius nu gfagtainan.”

Uan 11:25

Isus glong te, “Au wan tagfadog gfaleleg ay leleg. Nusnga sinu tagafanud sa angku, dewa nbul gdog yay ban gleleg.

Uan 5:21

Nusnga setaw ku Mama nu gfaleleg ngay kinbul, katanya yangay au, at Baguama, gfaleleg kyangay ban nusnga sinu ku fakaylatun gfaleleg.

Ruma 11:15

Dius at fagnaiyanun taw Udyu, kanya namasadi fagdaul daga at ngay taw sa anya. Nu katanya, kaugat yay ban Dius nu kaylat kafag ngay taw, kata nu nafaleleg at mabulan.

Ruma 12:15

Useganani gasfuan ngay taguseganan, ay waywayi gasfuan ngay tagwayway.

Ruma 6:11

Katanya yangay, tapi ay sadili te, anbul wam sas asalanan at fagmabalyananun, ay gleleg tuam laman gfauseganan Dius siginan ay fagmasadiun sa tam Fun Isus.

Ruma 6:13

Lag am gfon ay bilug at ngay afud sas asalanan laman gfakamulun am at mauri, nu bunway foni ay sadili sas Dius aroro kanya nafadog tua nafaleleg ayu siginans fagmabulanan. Ay foni ay bilug at ngay afud sas Dius, ay ugalii kata sik ngay taw at nadog naleleg siginans fagmabulanan.

Ruma 8:2

Siginan at Masine fag Falad at fagmabalyananun, kanya wan tagfaleleg angku sa tam fagmasadiun sa tam Fun Isus, kanya nafalfas angku siginans asalanan ay fakabulun at fagmabalyananun.

1 Kurintu 12:26

Aroro sik afud bilug nu e fakasaitun way, fagayu e fakasaitun yangay, ay sik afud bilug nu guseganan tua, fagayu afud guseganan yangay.

Efesu 2:1

Ebi taguna kata way nu mabulan am aroro sa ay fakamaboun ay sa ay ngay asalanan.

Efesu 2:5

Ebi dewa tam kata nu mabulan aroro sa tam fakamaboun, Dius nafaleleg tua antam gasfuan tam Fun Isus. Matuyan anlangfe tua tam aroro sat fagmagalangun.

Efesu 5:14

Ay at nayamagan matuyan nasasad mayamag. Kata sik longan te, “O fag taw tagtiug, afuloi wan, ay abangkadi siginans fakabulun, ay tam Fun Isus dumamlag emu.”

Kulusas 2:13

Ay am at yud Udyu fag ngay taw, ebi ginan mabulan am aroro sa ay asalanan. Ay dewa katanya, Dius nafaleleg tua ayu gasfuan tam Fun Isus ay nafalyam fagayu tam ngay asalanan.

1 Timuteu 5:6

Dewa katanya, sik fagbubayun tagfaning at sadili fakaylatun, kanya kata wan nu mabulan dewa gleleg yay.

Udas 1:12

Kafag ngay taw gina gasfuan ayu gfangon, gfae fakaplaun ayu, aroro kanya fagayu gfangkumon. Ay at fagamatanganun at sadili way lang fakaylatun. Kanya fagayu kata way at yud e arak fag linyabu, tagabuban tagmara, ay kata yangay sik tanum tagrare yud grawvg dewa ndasug fanrawvgan, ay an-gulad, ay at lalid anyango wan.

At Nafasure 3:1

“Riruki sas tagbarita tagulit ngay tagafanud sis Sardis te, “At ke fituk falad tagsiginans Dius, kanya tagbitbitan fituk galeme glong te, Saful kway ay ngay fakamulun. Tibak taw nu gamatangan, gleleg tuam, ay at matuyan, mabulan way am.