Lukas 15:17 - Fanawbuid tagsibaliwas Fakayabian

¹⁷ “Kafag baguama namatangan te, ‘Ku mama at fagsuguan dewa ngayu kasakan tua at fakonun, sarokta e sawad yay, ay au umbul au ste sas lunus.

Lukas 15:17 ပူးပေါင်းရင်းမြစ်များ

Alubad. 119:59

Namatangan au sabaliwa ku ugali at kinlangfe, ay anfoli au sa emu laman namaning am ngay foyungan.

Alubad. 73:20

Kanya ban fagayu masakit kalyam kata sik taginfan. Ay gina ban o anlindug laman gfaurianan anya fagayu, kanya ban fagayu wa kamatang ya.

Takamoyung 9:3

Katatuy at yud masine takafasludan stes fagdaul daga, katanya yay ban fagayu at fakatabuan. Ay bundi lang takatanya; ngay taw at fagamatanganun kaduge gleleg fagmauriun way lang ay fagyudun mamatanganan, ay sanya ginan kanya kabul yangay.

Eremyas 31:19

Natalyuyan ami emu, ay katsi, nafoyung ami fagayu em asalanan. Ay nu nasaful ami te, e nasalan ami, natalaptap ami em ngay dubdub kaduge ami gfoyung em asalanan. Kapla ami sa em nafakamulun ebi gina ami masisian.”

Takabalu 1:7

Ngay taw sis Erusalem gina gidapan ay yud e fagbanwanan, gamatang at ngay ramraman ebi. Ay gina kanya fagayu gidapan we nagubuk ya, ay at ngay fawayan gfalingun kase.

Esekyel 18:28

Aroro kanya nafoyung tua ay naubun at asalanan, kanya ban gleleg tua.

Usea 2:7

Ay kanya ban dewa namafalo kafag ngay mangama, wa masud. Ay dewa yay nanrvbvy anya fagayu, wa glag. Sanya ginan, kanya glong te, ‘Kafoli kway sa ku mangama aroro gina au magamut si anya, amanabayan yap tua ku kayaunanan.’

Lukas 15:16

Ay at kaksvnan kafag baguama nu kalunus, kaylat wa kon bumbu at fakonun aroro we gfon sa anya fakonun, nusdi alay sirut.

Lukas 16:23

Ay kafag taw at maramraman nu si wa sangay kinbul at talun, maksvn nu gidapan. Ay kanya nabanawan sasad ngayayu, ay nalag Abrayam ay anggan Lasaru sit day tigyangan.

Lukas 8:35

Nu katanya, ngay taw nalo sanya, laman nanlag te, nataw at kinfasludan. Ay kanya fag ngay taw andasug sas Isus, ay nalag aro ke mauri fag ngay falad, malunggung sis Isus at daga salubangan ay galanbungan ay e amatanganan wan. Ay at nananlag maksvn nu kalimu.

Fakamulun 12:11

Ay Pedru nu nasaful te, wa mangaro gtaginfan, kanya nalong te, “Katsi nasaful kwan, matuyan mangaro fagayu at kinfasludan. Tam Fun nasugu at tagbarita laman gfalangfe angku siginans Erudes at daluap, ay sa sangay taw Udyu at fagfanyaun takadasug ma sa angku.”

Fakamulun 2:37

Kafag ngay taw nu nadungug, gafanawa ay ginto sas Pedru ay sa tibak nasugu te, “Em ngay faduksay, setain ban manga em fakamulun?”

Efesu 5:14

Ay at nayamagan matuyan nasasad mayamag. Kata sik longan te, “O fag taw tagtiug, afuloi wan, ay abangkadi siginans fakabulun, ay tam Fun Isus dumamlag emu.”