Lukas 15:15 - Fanawbuid tagsibaliwas Fakayabian

¹⁵ Nu katanya, kanya nanantungul sa sik taw sanya fag talun. Ay kanya fag taw nasugu anya sas fagbaugan, laman ban tagbaug at ngay bumbu.

Lukas 15:15 ပူးပေါင်းရင်းမြစ်များ

2 Krunika 28:22

Ay dewa fun Akas gidapan, kanya gfataglayun yay nu kamabo Yawi.

Nu Galin 10:3

Ay Muisis ay Arun nasas Igiptu at fun ay nalong anya te, “Katatuy Yawi at longan, ngay taw Ebreu at Dius: Seduge yaban nu yud o kamababaun sa angku? Falaoi wan ku ngay taw laman kanya mananseg angku.

Isayas 1:5

Ngay taw Israel, wain ay fakamaboun gugat? O nunda kaylat am gafaurianan? Kabavn ay amatanganan wa mabayan, anggan ay basad taw anmomuy.

Isayas 57:17

Andotama au aroro ngay taw Israel gasalanan ay gfangalabian, nu katanya, nafaurianan kwan ay naiyan anya fagayu. Dewa katanya, kanya fagayu gfataglayun yay nu gasalanan.

Eremyas 5:3

Sanya ginan, nalong au sas Yawi te, “O grvbvy o at matuyan fag taw? Nafauri o am nafili fag ngay taw ay wa nkuri. Nafaurianan o anya fagayu ay wa kaylat gfayfoyung. Kanya fagayu nafamaogatun ay wa kaylat gubun at ngay asalanan.

Esekyel 16:52

Am nafakamulun at maksvn nu mauri ayu yap tua sam faduksay mangena at nafakamulun, nu katanya, kanya amatuyan yap tua emu.

Esekyel 16:63

Ginanya ban gamatang o am ngay asalanan ay umkapla ban o, kaugat waban nu nafalyam kwan fagayu am nafakamulun mauri, wa ban o maringang ya at kaksvnan nu kapla o. Au, Fun Dius Yawi taglong tuy.’ ”

Naum 3:6

Maksvn nu kasuya au ayu kata sik taw at natayukan nakaurian, nu katanya, fagayu taw at nalag ayu kasuya ay gsaruyan ayu.

Malakyas 2:9

Nu katanya, nafauri au ay nafapla ayu si sangay taw at daga salubangan aroro wam nafaning ku ngay balyawvtan. Ay nu gfoyung am e fagfili wayam.”

Mateu 7:6

“Lag gfon sas idu Dius at ramraman, ay lag gukas sik dalag masine sas bumbu. Aroro nu gfakamulun o takatanya, bumbu mansiad kafag dalag ay idu manbiling ay magat ayu.

Lukas 15:13

“Ay nu nlangfe nu seyuk menit, at fuyu nafaebayad fagayu, ay nafaful at salapi ay nalo wan sa sik talun tangayayu. Ay kafag baguama nu ndasug wan sanya fag talun, kanya nafamin at salapi sat fagalabianun.

Lukas 15:14

Ay kafag baguama at salapi nu namin wan, sik fanlunus daul andasug sanya fag talun ay kanya gidapan wan.

Lukas 15:16

Ay at kaksvnan kafag baguama nu kalunus, kaylat wa kon bumbu at fakonun aroro we gfon sa anya fakonun, nusdi alay sirut.

Ruma 6:22

Ay katsi nalfas wam siginans asalanan, ay Dius tuam at ngay fagsuguan. Ay sanya ginan anke leleg tuam at yud e fakatabuan.

Titu 3:3

Ebi taguna wa tam mamatanganan, ay kamabo tam, ay gadayan tam, ay nafagsuguanan tam tam bilug at fakaylatun ay fagayu at mauri ste swa daga. Tam ugali mauri, ay gfangalabian tam, ay fagayu taw kadotama antam, ay kadotama yangay tam anya fagayu.