Lukas 15:13 - Fanawbuid tagsibaliwas Fakayabian

¹³ “Ay nu nlangfe nu seyuk menit, at fuyu nafaebayad fagayu, ay nafaful at salapi ay nalo wan sa sik talun tangayayu. Ay kafag baguama nu ndasug wan sanya fag talun, kanya nafamin at salapi sat fagalabianun.

Lukas 15:13 ပူးပေါင်းရင်းမြစ်များ

Alubad. 73:27

Umfaurianan ban ngay taw at natalyuyan emu. Ay gfabul ban o fagayu at nafamabo emu.

Fangatulun 18:9

At momuy fag taw kata at takamauri fag taw.

Fangatulun 21:17

Sik taw at kinnanad ginum fanlangu ay taguseganan lang gugat, takatanya wa kae ramraman, abat ngate, gidapan way.

Fangatulun 21:20

At ke fagsafulun fag taw gfungsu at mayayum fag fakonun laman sa ban at fagunan, dewa katanya at yud mamatanganan fag taw gfamin wan fagayu tagsi anya.

Fangatulun 27:8

Sik taw at nalao siginan at bale, kanya kata sik manuk tungud nu nyayu siginan at fugad.

Fangatulun 28:7

Sik sisian ke fagsafulun, gfaning tua Yawi at faugali, dewa katanya, takaylat namadgaloan sa tibak sisian takamabo, gfae fakaplaun way at ngay fagtainan.

Fangatulun 29:3

Sik sisian takaylat fagsafulun gfae fagusegananun at fagtainan. Ay tagfadgaloan sa sik takamatugtug fag mangena gfangulan way at ramraman.

Fangatulun 6:26

Sik mangama at nafanugtug sat mauri fag mangena at kamafanudan kata way lang sik famul sadik tinapay, ay at nafanugtug sat ibama at bubay, at famayad at leleg wan.

Isayas 1:4

Ida! Kanya fagayu ngay tagasalanan way, ay sik gaban taw tagfakamulun at mauri sat iba. Ay sas fagdaul at talun maksvn wan at fagmauriun, nu katanya kanya fagayu kata nu gbuba at mabyat fag famubaun. Am fag ngay taw at maksvn nu mauri, natalyuyan am Yawi, nafalingun am Israel at Dius at yud e Malong, ay wam gfaning ya anya.

Isayas 22:13

Abat ngate, guseganan yayam. Nanfilas tuam sik ngay baka ay sik ngay tupa, ay guseganan wam gfangon ay ginum. Aroro nalong am te, “Guseganan way tam, gfangon ay ginum tam, aroro didayu umbul ban tam balabag.”

Isayas 30:11

Saruyani wan siginan em dalan. Lag gsalag emi. Lag gfoyung emi sabaliwas Israel at Dius at yud e Malong.’ ”

Isayas 56:12

Kanya fagayu glong te, “Gewan! Namul tam fanlangu laman galangu tam! Aroro nu setain nu yud tam e fagayudanun katsi fag menit, katanya yangay ban anggan balabag.”

Eremyas 2:13

Ku ngay taw nafakamulun duak asalanan: kanya fagayu natalyuyan angku, au oma tagfon leleg fag bulbug, ay naseg tibak fagsegan kata nu naali sik bubun takalanggang way.

Eremyas 2:31

Katsi am fag kasugfunanan, dungugani ku longan. O nu glong am kata kway sik tagagangun fag daga, ay sik talun at madulum? Wain ay fagnalongun te, ‘Gfaning wami em fakaylatun ay wami kaylat ya nangakbang sas Yawi.’

Eremyas 2:5

Katatuy at longan: “Nataw fag asalanan ay ngay mangaguyang at nalag si angku, at fagnatalyuyanun angku? Kanya fagayu naseg at yud e masuad fag ngay fagsegan, nu katanya, kanya fagayu ansik yud yangay e masuad.

Mikas 6:3

Yawi nalong te, “Ku ngay taw, nataw ku nafakamulun sa ayu at mauri? O nunda nafaidapan au ayu? Balusi angku.

Lukas 15:12

Ay at fuyu nalong sat mama te, ‘Mama, foni wa angku ku ekwan am ramraman.’ Ay at mama nafud fagayu at ramraman sat baguama fagdua.

Lukas 15:14

Ay kafag baguama at salapi nu namin wan, sik fanlunus daul andasug sanya fag talun ay kanya gidapan wan.

Lukas 15:30

Ay tuy, am baguama, ebi at nafamin am ramraman sat fagfanugtugun, nu ndasug, gfilas tuo fia tam nafataglu fag baka riangan.’

Lukas 16:1

Isus nafoyung sik fansulitan sat ngay tagadal te, “Sik maramraman fag taw e fagfatigwanan at ngay ramraman. Ay tiba nafoyung sat maramraman fag taw te, ‘Am fagfatigwanan nafamin wan am ngay ramraman.’

Lukas 16:19

“Ebi e sik taw maramraman, ay kanya galanbungan tua gugat masine. Ay fagayu menit at fakonun mataba tua gugat.

Efesu 2:13

Ay aroro ansadi tuam sa tam Fun Isus, ebi dewa am ngayayu si anya, siginan tam Fun Isus at nabulanan nafakbang tua ayu sas Dius.

Efesu 2:17

Tam Fun Isus andasug ay nafoyung at Masine fag Barita sabaliwas fagmanabayanun laman sas fagayu taw, sa ayu at yud Udyu fag ngay taw at ngayayu sis Dius, ay sas taw Udyu at munakbang si anya.

2 Pedru 2:13

E namasud ban sa anya kata at nafakamulun fag fagmauriun sat iba. Ay kanya fag ngay taw wa kapla gfakamulun at mauri dewa gina mamenit. Ay gfadasug sa ayu at maksvn fag fagmaplaun ay fag fagafalingunanun, ay gdaya ayu gina am magamut gfangon.