Lukas 14:23 - Fanawbuid tagsibaliwas Fakayabian

²³ “Ay at fun nalong sat fagsuguan te, ‘Loi wan sas talun fag ngay dalan, ay fabuluni gewani ngay taw, laman umkapnu ro ku bale.’

Lukas 14:23 ပူးပေါင်းရင်းမြစ်များ

Alubad. 110:3

Am ngay taw ban kaylat tua galo emu gina o namawayan am ngay fawayan. Ay kanya ban fagayu glao sa emu kata ngay damug sit masine fag ngay buksul.

Alubad. 98:3

Kanya di kalyam nu kesug ay nu matuyan sa antam fag ngay taw Israel. Ay ngay taw sas fagdaul daga nalag tam Dius nu gfalangfe antam.

Isayas 11:10

Ginanya ban fag menit, kafag fun tagsiginans Dabid at kasugfunanan umkata sik famasaful fag ramit sa sangay talun at ngay taw, laman fagayu taw umful sa anya, ay at fagbanwanan fag talun umsik takadungug.

Isayas 27:13

Ay gina ban e ndungug budyung at awang daul, umfoli ban sas furuan Erusalem tagidapan fag ngay taw Israel, at natabanan sas Asirya ay Igiptu. Ay kanya ban fagayu sumeg Yawi sat yud e malong fag buksul tagsis furuan Erusalem.

Malakyas 1:11

Ngay taw ban tagsis fakamenitan anggan tagsis fakayabian gfauseganan angku. Ay nusnga nday ban kanya fagayu girug famaebebanglu ay gfon fanggalangun sa angku.

Mateu 21:43

Nu katanya, glong au ayu te, Wa ban am umful sas Dius at fagfagtainanan. At kumful ban, tagfaning tua at fakaylatun.

Mateu 5:41

Ay sik taw nu nafabulun emu te, ‘Bubai ku famubaun nusnga seyayu ku fakaylatun,’ bubai duak kayayu at fakaylatun.

Lukas 14:22

“Ay at fagsuguan nu nfoli wan, nalong te, ‘Fagtainan, nafaning kwan am longan, ay ya mapnu am bale.’

Lukas 14:24

Gfoyung au ayu te, ebi ku nagewan fag ngay taw, nusdi sadi we nanangon ku tagbia fag yafun.”

Lukas 24:29

Ay duama gfatawad yay anya te, “Ste yap tam, aroro gakayabiun wan, menit gakafalyuun wan.” Ay Isus nanangalo duama.

Fakamulun 16:15

Sanya ginan, Lidya ay fagayu tagbanwan sit bale ansurung wan. Ay maksvn Lidya nu gfabulun emi te, “Nu gtuyan tuam angku te, sik tagafanud kwan sa tam Fun, taglayuni sa em bale.” Ay aroro maksvn nu gfabulun ggewan emi, nanangalo ami anya.

Fakamulun 18:6

Dewa katanya, ngay taw Udyu wa naylat Pablu at foyungan abat ngate nafalingun way, nu katanya, Pablu nafagfag at lanbung sik fakatoglagan te, kafag ngay taw mauri. Sanya ginan, kanya nalong sa anya fagayu te, “Ay kakurangan yay ban, nu nfaurianan ban am. Ay siginan ban katsi nu nanfamoyung au, sa ways yud Udyu fag ngay taw.”

Fakamulun 28:28

Ay Pablu nalong yay fia te, “Kaylat au gfasaful sa ayu te, tuy fag barita sa baliwa tam Dius nu gfalangfe, at yud Udyu fag ngay taw nadungug wan, ay kanya fagayu gdungugan mandi.”

Fakamulun 9:15

Ay tam Fun nalong anya te, “Loi wan, aroro nafili au anya laman namatoglag angku sas yud Udyu fag ngay taw, sa sangay fun ay sa sangay taw Israel.

Ruma 10:18

Ay katsi ginto au te, o nunda kanya fag ngay taw Israel ya nadungug Dius at longan? Sabv, kafag ngay taw nadungug wan. Aroro at Rirukan nalong te, “Andasug wan sas fagayu talun kafag ngay aringang, at foyungan anrapyag sas fagdaul daga.”

2 Kurintu. 5:11

Dakngani saful wami te, masine nu gseg tua tam fia tam Fun, maksvn nu gugatan ami gfoyung sa sangay taw laman gafanud ban sa anya. Dius nasaful wan em kaugalian ay em fagsegun sumaful yangay am sabaliwa emi.

2 Kurintu. 5:20

Fakatanyaun ami wan tam Fun Isus at ngay fagsuguan, ay Dius wan tagaringang sa ayu siginan emi. Aroro sa tam Fun Isus glong ami ayu te, asadii wan sas Dius.

2 Kurintu. 6:1

Ami, taggubuk Dius at fakamulun, maksvn nu glong ami ayu te, lag am gfayud e tungkul Dius at nafon antam fag fagmagalangun.

Kulusas 1:23

Katanya ban at kumfasludan nu gbanwan tuam matuyan ay nu gfaksvn tuam ay fagafanudun, ay nu ddi am gubun at Masine fag Barita at nafon sa ayu fag fagsegun. Katanya ay nadungug fag Masine fag Barita, at nafoyung wan sas fagayu taw. Au, Pablu, sik fagsuguan laman kamoyung takatanya.

Kulusas 1:28

Kanya wan em fakamoyungun sabaliwa tam Fun Isus sas fagayu taw. Gfamatangan ami sas fagayu taw ay gfayamag ami ay kamoyung kaksvn em fagmakatuun, laman fagayu taw manansalubang sas Dius, ay di e malong aroro siginan at fagmasadiun sa tam Fun Isus.

2 Timuteu 4:2

nusnga ginain, mafalganani nu gfoyung o Dius at longan; turuni tagdungugan emu at ngay ugali siginan am longan, ay salagi nu gfakamulun at yud matuyan, ay faksvni at ngay amatanganan siginan nu gugatan o gfoyung.